كتاب "الحياة كلمات" يضم آخر ما تم من المؤلفات بالاضافة إلى مختارات من المؤلفات السابق نشرها في الاصدارات السابقة .
ويمكن متابعة نسخة الـ pdf لهذا الكتاب ( الحياة كلمات ) عن طريق هذا الرابط
*********
الحياة كلمات
تأليف : علاء الدين محمد عبد العليم
إهداء
الى كل من يسعى في طريق الخير
الى من يحب العطاء للغير ،
ويحترم الكبير والصغير ،
الى كل عاقل يحسن التفكير والتقدير ،
أقدم كلماتي ،
متمنيا من الله العلي القدير،
أن تحمل معها الكثير والكثير .
*** مقدمــــــة ***
** ما أشد ارتياحي عندما أقدم بعضا من الخواطر والأفكار التي تدور في عقلي معبرا عن خبرات متراكمة عبر سنوات ليست قليلة، وتجارب عديدة، هي بكل تأكيد ... لا تماثل تجارب الآخرين.
**وكان اختياري لهذا العنوان ((الحياة كلمات)) عن اقتناع شديد بأن كل كائن بشري ... كما هو يحتوي على جسم مادي ... يحتوي أيضا على قدر كبير من الأفكار و الكلمات الحبيسة في ذاكرته ... لا يعرف منها الا القليل، وان حياة الانسان تكون أفضل وأنفع للمجتمع عندما ينقل الفرد أحاسيسه وخبراته في الحياة الى الآخرين بالكلمات أو بغيرها، ولشدة اقتناعي بأهمية الكلمات في حياة الكائن البشري كان هذا العنوان : ((الحياة كلمات)) .
** وحرصت في هذا الكتيب أن أقدم ملخصا لما تم تأليفه في الاصدارات السابقة ، مع بعض الأعمال الجديدة ، مستفيدا من آراء وانطباعات الآخرين من الأصدقاء والقراء ، وحرصت على تقديم بعض الاضافات النثرية التي تسبق النصوص ، باعتبارها مكملة لكل نص ولها أهميتها الكبيرة في شرح المواقف التي كانت بداية للتأليف . واقتناعا بأن أي اضافة لابد وأن يكون لها دور حتى وإن كانت الإضافة صورة أو رمز أو أي شيء يضيفهالمؤلف . .**وكان اختياري لهذا العنوان ((الحياة كلمات)) عن اقتناع شديد بأن كل كائن بشري ... كما هو يحتوي على جسم مادي ... يحتوي أيضا على قدر كبير من الأفكار و الكلمات الحبيسة في ذاكرته ... لا يعرف منها الا القليل، وان حياة الانسان تكون أفضل وأنفع للمجتمع عندما ينقل الفرد أحاسيسه وخبراته في الحياة الى الآخرين بالكلمات أو بغيرها، ولشدة اقتناعي بأهمية الكلمات في حياة الكائن البشري كان هذا العنوان : ((الحياة كلمات)) .
** ولنتذكر أن الحياة كلمات وأن الكلمات منها المنظوم ومنها المنثور ومنها الصيحات والتوجعات ومنها أيضا الابتسامات والضحكات
ولا يجب أن نحبس كلماتنا في قوالب وقيود شديدة تمنع انطلاقية الابداع التي يمكن أن تخترق كل القواعد وتأتي بما هو جديد وجيد
و يجب أن نتعامل مع الكلمات على أنها تعبير عن الحياة بتجددها وتطورها وعدم ثباتها وأن : (( الحياة كلمات )) ، والكلمات حياة .
*********ولا يجب أن نحبس كلماتنا في قوالب وقيود شديدة تمنع انطلاقية الابداع التي يمكن أن تخترق كل القواعد وتأتي بما هو جديد وجيد
و يجب أن نتعامل مع الكلمات على أنها تعبير عن الحياة بتجددها وتطورها وعدم ثباتها وأن : (( الحياة كلمات )) ، والكلمات حياة .
** تنفرد بلد المنشأ بخصائص لا يمكن تواجدها في بلد أخرى، فهي البلد التي يبدأ فيها استقبال الحياة، والانطباعات الأولى التي يظل تأثيرها في الشخصية حتى آخر العمر، وأن حب الإنسان لموطنه الأصلي لا يعتبر تكرما منه، بل هو شيء طبيعي وحتمي في الحياة البشرية، وغير البشرية أيضا، ولنتخيل رد فعلنا في بلد آخر جميل فيه كل مباهج الحياة وعشنا فيه طويلا وأحببناه وأحببنا أهله؛ ثم حدث أن تلفظ شخص إلينا بكلمة مهينة الى بلدنا الأصلي، سوف تجد .. بكل تأكيد .. إنفعالات شديدة وجديدة تجاه هذا الموقف ....
((( ماليش غيرك بلد )))
مين غيرك تبقى بلدي؟ ... ماليش غيرك بلد .
مين غيرك تبقى بلدي؟ ... ماليش غيرك بلد .
ياأرض أبويا وجدي ... ومن بعدي الولد .
ياأرض حبيت عليها ... ومشيت وحتسند .
مين غيرك تبقى بلدي... ماليش غيرك بلد .
مين غيرك تبقى بلدي؟ ... وارجع فيها اتولد.
ومنين اجيب الماضي؟ ... وسنين ذكرياتي .
وكتاب تاريخ حياتي ... وسطورمالهاش عدد .
مين غيرك تبقى بلدي ... ماليش غيرك بلد .
دانا لــو غيــرت اسمي ... إسمك جـــوا الجسد .
والروح من بعد جسمي ... حتعيش الى الأبد .
تشهد انك يابلدي ... ماليش غير ك بلد .
مين غيرك تبقى بلدي ... ماليش غيرك بلد .
عرفت بلاد جميلة ... كل اللي فيها جميل .
لكن مالقيتش أبدا.. زيك يابلدي مثيل .
ولما بعدت عنك ... حسيت بالشوق اليكي .
وكأني حته منك ... ولازم ابقى ليكي .
ورجعت عشان أقولك ... ماليش غيرك بلد .
مين غيرك تبقى بلدي ... ماليش غيرك بلد .
*********
** أثبتت العديد من التجارب والأبحاث أن التربية عن طريق صبغ الفرد بخصائص محددة تبعا لاحتياجات المجتمع لا ينتج عنها إلا أنماط ثابتة من الشخصيات المجندة لعمل ثابت، ولا ينتج عنها الشخصيات المبدعة المنطلقة المجددة .
** وانني لأرى أن الانسان كما هو يصلح في كثير من الاحيان أن يكون طبيبا لنفسه ؛ فإنه يصلح أيضا أن يكون مربيا ومعلما لنفسه.
** ولكي يستطيع الإنسان أن يربي ويعلم نفسه لابد وأن يعرف نفسه أولا ويتعرف على امكانياته وقدراته ويتخذ السبل المناسبة لتنميتها .....
((( اعرف نفسك )))
ليه بتقلل قيمة نفسك ... دا مافيش في الكون حد ينافسك .
ارفع راسك حارب يأسك ... طـــول ما بيطلع منك نفســك .
**********
واتأكد مليون ف المِيـّــة ... ان مفيش زيك ولا شكلك .
دي حقيقة أكيدة وعلمية ... وبعقلك تتحــــل مشــاكلك .
**********
واعرف انك ربنا خلقك ... عالم مليان بالأسرار .
والأسرار دي هي مواهبك ... وما فيش منهـــا أكيد تكـرار .
**********
والموهبة لو حتنميها ... حتنول منها أحلى ثمار .
إنما لو تستهون بيها ... حتضيــع في الهـــوا والتيـار .
**********
وان ما عملتش قيمة لنفســك ... حتشوف أصغر نملة تعاكسك .
و اتأكد إن مفيش غيرك ... يقدر يعرف أســرار نفســك .
**********
لكن مهما حتعرف نفسك ... مش حتنول كل اللي ف نفسك .
علشان إنت يادوب مخلوق ... ما بتخلقش بنفســك نفسـك .
**********
في كثير من جلسات الحديث نجد الغالبية العظمى يتحدثون عن الأخطاء والسلبيات التي تفشت في المجتمع وكأن جميع المتحدثين من الملائكة المعصومين من الخطأ ، وأنهم لا ينتمون الى هذا المجتمتع السيء ، وأنهم جميعا أبرياء من هذه الاخطاء ، كل ذلك جعلني أشعر بالخطورة الشديدة التي تكمن في عدم الاحساس بالخطأ وعدم مراجعة النفس .
((( قبل ما تشكي )))
قبل
ما تشكي و قبل ما تحكي ... ياريت مرة
تراجع نفسك .
واعمل
حسبة وشوف كام غلطة ... كــانت بكلامــك
وبفعــلك .
*********
*********
شوف
كام واحد كان محتاجلك ... وتقابله بتكشيرة شكلك .
و انت ولا داري ولا شاغلك
... غير بس حياتك ومشــاكلك
.
***********
***********
شوف
كام كدبة بتطلع منك ... بلسانك أو حتى بقلمك .
ينقلها كام واحد
بعدك ... و انت ولا داري ولا همـــك .
********
********
شوف
ازاي أثر تأخيرك ... على غيرك وعلى غير غيرك .
فين راح إحساسك وضميرك
... و انت ولا يهمـك غيــر همــك .
**********
**********
ليه
شكلك دايما مش راضي ... و تعايب على ده وعلى دي .
وبتحكــــم وكأنك قاضي ... و يا ريتك
تحـــكم على نفســك .
**********
**********
قبل
ما تشكي و قبل ما تحكي ... ياريت مرة
تراجع نفسك.
واعمل حسبة وشوف كام غلطة
... كـانت بكلامــك وبفعـلك .
***********
** كلمات بدأت بها في عام 1977 في بداية المرحلة الجامعية ، وبعد الالتحاق بالأعمال الخفيفة في فترة الاجازة الصيفية ، والتي من خلالها تعرفت على الجديد من الملاحظات ، التي تركت في نفسي الانطباعات والنقوش الغائرة في شخصيتي الحالية .
((( مشاوير )))
أبدا منين ولاّ منين ... من بعد ما طقيت نصين ...
من مشاوير كانت صعبة ... ف بلدنا نور العين .
كانت البداية ... مكتب موظفين ...
الطرقة كبيرة ضلمة ... وطبعا مسروقة اللمبات .
ومكاتب مليانة وزحمة ... برجالة ويـّا ستات .
أوقاتهم كلها حكايات ... عوضين خلاص اتجوز ...
حسنين ياعيني مات .
واللي ماسك جرنانه ... بيفر في الصفحات ...
واللي قاعد مع حاله ... بيحل في الكلمات .
واللي مهموم بيفكر ... إزاي حيسد الدين ...
واللي ف مكتبه بيشخر ... ظابط ساعته على اتنين .
أما بتاع البوفيه ... ماعرفش أنا زعلان ليه ...
مع انه ... رزقه ف رجليه ... والشاي البايت يغليه .
سمعته كان بيكلم نفسه ... ويتعارك مع دبان وشه .
ويقول البيه ابن الايه ... شهرين ما دفعشي اللي عليه .
وموظف تاني لسانه طويل ... شغلته يطلب ف المستحيل ...
بجنيه واحد يتغير ... ويقول لك امرك ياجميل .
كان مشوار صعب عليّـه ... أنا قلت أروح الكلية ...
أرتاح من الهم شويه ...
دخلت جوا ف مدرج ... قعدت ساعة أتفرج ...
الدكتور لسه ماجاشي ... والكل قاعد بيهرج .
دخلت جوا الكافتيريا ... لقيت هناك ما يسر العين ...
كل فلانة معاها فلان ... والضحك يملا كل المكان ...
مش ناقص بس الا " البيبسي " ... علشان يحلو الكلام .
ودا شاب لئيم بيدور ويلف ... بين البنات وبيقرا الكف ...
وعيونه زايغة بتتمنى ... حاجة تتقرا بعد الكف .
والبنطلون حلو محزق ... ملبوس دا ولا متلزق .
ودا فستان شفاف شفاف ... وتحته ياما حاجات تتشاف ...
تشوفه واحدة تقول دا جنان ... حنجيب احسن منه كمان .
وياما شفت كتير شبان ... يتعازموا بشاي ودخان ...
واللبس برضه على الموضة ... ومهرجان اشكال والوان .
والدكتور لسه ماجاشي ... وماحدش أبدا زعلان .
أنا قلت اروح اشوف اطفالنا ... دول مستقبلنا وأملنا ...
دخلت جوا ف مدرسة ... بوابة حلوه كويسة ...
لكن فصولها المكدسة ... شفتها م الزحمة ... كتلة لحمة ...
وروس كتيرة ... مترصصة .
أخيرا رحت هرم خوفو...يمكن أرتاح لما أشوفه
كلمت خوفو وكلمني ... لقيت كلامه طمنني
قاللي : ياحفيد أحفادي ... المصري دا انسان مش عادي ...
الصبر عنده أحلى الصفات ... يعدي بيه كل الأزمات
ولوتبص لأهرامي ... تعرف كتير عن أيامي ...
وتفهم قوام كل كلامي ...
********
* فوازير عن النباتات تم تأليفها أثناء العمل بتدريس التربية الزراعية ، وكانت تستخدم كوسيلة لعرض المعلومات عن النباتات بأسلوب خاص وكانت بداية لتأليف كتاب حواديت نباتية .
((( فزورة عن الباذنجان )))
أنا صريحة واقول الحق ...الأبيض ابيض ... والأسود اسود .
وابقى وحشة ... لما ازرق .
ويقولوا عن طبعي دا جنان ... عشان ما بعرفش الألوان .
وارد اقول ... لأ طبعا لأ .
اما الحقيقة ان جيت للحـــــــــق .. انا لو ماقولش الآه واللأ ..
انا عقلي يتجنن ويطأ .
**********
((( فزورة عن الجميز )))
رسالة با قولها ... لكل البني آدمين .
من شجرة عليها ... نقوش السنين.
فاكرين لما كنتوا ... لسه صغيرين ... ؟
واضمكوا بظلي ... وتبقوا فرحانين . ؟
وتاكلو من ثماري ... وتقولوا عليها تين . ؟
ياريت تكـونوا فاكــــــريــن .
**********
** كلمات عن الزراعة على سبيل الشرح المختصر لأهمية الزراعة والعمل في المجال الزراعي وكان ذلك ردا على الاتجاه الحالي نحو تهميش المجال الزراعي بعد أن اختلت الموازين وأصبحت مادة التربية الزراعية لا تجد من يهتم بها رغم أنها تربية بيئية تسعى الى توعية المواطن ببيئته وكيفية التعامل معها وتقرب له سبل الاحساس بالانتمائية بالمكان والوطن الذي يعيش فيه.
وما أخطر من غياب الانتمائية ........
((( الزراعة معنى كبير )))
هي زراعة أمل … نرويها بالعمل … وثمارها كل الخير .
هي حصن البلاد … ضد الاستعباد… والخضوع للغير .
بتحمي الاقتصاد … من كتر الاستيراد … وقلة التصدير .
وهي أكيد إصلاح ... وبدونها أي سلاح… مالهوش أبدا تأثير .
فيها الجمال ماحلاه ... عشان من صنع الله ... وطبيعي بدون تزوير.
بتعلم الإنسان… إزاي بكون فنان … وروعة التعبير .
بالزرع في البستان.. والأرض والحيوان … والزهر والعصافير .
وتنشط الوجدان … وتزود الإيمان … وتصحي في الضمير .
وتخلي الفكر يقوم … من الثبات والنوم … للبحث والتطوير .
وتوظف العلوم … في كل لحظة ويوم … في مجالات كتير.
خضر وكمان محاصيل ... والزينة والتجميل ... والطب والتعطير .
وماشية وغنم ودواجن .. وأخشاب للمساكن .. وقطن وصوف وحرير.
وهي كمان ثقافات … بتبني الشخصيات… بعلم وفن غزير .
ونقلت البشرية … من الحياة البرية ... لبداية التعمير .
وبداية الانتماء … والحب والوفاء … للوطن الكبير .
راسمالها ماية وأرض.. وعزيمة مالهاش حد ..مش بس فلوس بتطير
و مافيش أبدا حد… يمنع كرم الأرض …وخيرها الوفير .
هي الحياة كلهـا .. ولازم نقدم لهـا .. الحب والتقديـــر.
*******
((( ياما اتعلمت)))
ياما اتعلمت حاجـات وحاجات .. من الزراعـة والنباتـــــات .
**********
اتعلمت ان اللي بيزرع .. لازم يوم يجني الثمرات .
والثمرة الحلوة عشـان تطلع .. يلزم لهـــا جهد وأوقـات .
**********
في الريف سمعت كلام يتقال .. مليان حكم و كتير أمثال .
ماتقولش أبدا دا شيئ محال .. دا الزهر يطلع م الأبصال .
بعد المطر ما تلقى رياح .. بعد التعب يرتاح البال .
وكل شيئ في الكـون دوار ... وكل ليـل من بعده نهــار .
**********
وسمعت ياما ف جو الريف . كلام جميل وبدم خفيف .
مثل يقول ان الحداية ... مابترميش أبدا كتاكيت .
والغربــــــان ما تجيبش هدايــا .. والفار عمره ما يزرع غيـط .
**********
وسمعت ياما كتير من شجرة . حكايات فيها المليون فكرة .
شفت كمان في النخلة العالية . طباع جميلة وأخلاق عالية .
عزة وصلابة مع الطيابــة ... مــاتتوصفش بأي كتابــة .
**********
واتعلمت كتير وكتير .. من البلابل والعصافير .
إني مـاحبش أبقى أسير ... حتى ولــــو في قصر كبيـــر .
***********
وعلمني حمام البنية ... حب الأوطان والوطنية .
من غير مدرسة من غير كليــة ... ولا من نشيد ولا من أغنيـة .
**********
واتعلمت كتير م النحلة .. نظام لكل مدينة ودولة .
فيـها الايدين كلها شغالـة .. من غير كلام وعتاب وقوالة .
**********
واتعجبت كتير من نملة .. ماشية وشايلة قدها رملة .
قلت قوام سبحان الله ... ولقيت قلبي سمى وصلى .
شفت النمل يساعد بعضة ... ما جابش خنفسا مرة تساعده .
عــــــــارف أن مفيش غيــر إيده .. هي اللي حتساعده وحتفيـده .
**********
شفت كمان بالميكروسكوب ... مخاليق تانية أمم وشعوب .
خلايا حية رايحة وجاية ... والمترصصة زي الطوب .
كلها بتقول للإنسان ... بص كمان دا الكون مليان .
وما يبقاش نظــرك محــدود ... دا العقــل ما بيعرفش حـدود .
**********
علمني زهر البستان .. التنسيق بين الألوان .
والألوان مهما بتتخـاصم .. تتصــالح بادين فنـان .
**********
واتعلمت من الصبار ... إن الجمال دا له أسرار .
وشفت في زرع الصبار .. معاني أجمل م الأشعار .
الصــبر حــلو مع الإصـرار .. لكنه ويا الضــعف مرار .
**********
ولسـه باتعلم ف حاجات .. من الزراعـة والنباتـات .
**********
((( I learned a lot )))
*
I learned many things ... from
agriculture and plants
* I
learned: who cultivates ... will get the fruits.
* It must
work hard... To get the fruits.
* In the
countryside ... I heard the words ... A lot of wisdom and poetry.
* Do not
say: This is impossible ... Because the flowers come out of the bulbs.
* After
the rain , winds end ... After fatigue ,the mind. relaxes
* And
everything in the universe is moving in a circle ... After each night
comes the day.
* I heard
a lot in the countryside ... Many good saying
* Like:
the falcon does not get a Chicks
* The
crow does not offer gifts .. The mouse doesn’t cultivate field.
* And I
heard a lot of words from the tree ... Tales million ideas.
* I saw
also in the tall palm ... Recipes and beautiful habits and good manners.
*
Strength and rigidity with Kindness ... We Can not Describe it by any
writing.
* I
learned a lot and a lot of the nightingales and the birds
-
* I do
not like to live like a prisoner ... Even though in a large palace
* I
learned of domesticated pigeons ... Love of the homeland and Belonging to the
homeland.
* Without
school without college ... Without a song.
* I
learned a lot from the Bee ... System for each city and state
* System
where all hands are working ... Without the words and blaming and a lot of talk.
* I
wondered a lot from ant ... Walking and carrying heavy sand ... more than
its weight
* Then I
said (Sobhan Allah) ... and my heart prayed and said ( Besm Allah ).
* I
watched ants cooperate themselves ... Not depend on the beetle to help
them.
* Because
they know that their hands only ... That will help them and benefit
them
* I saw
also in the microscope ... Other Creatures seem as nations and peoples.
*Living
cells go and come ... And other unleaded like bricks.
* All say
to man ... See a lot .. Universe is full of many things
* Don’t
make your seen limited ... Because the mind does not like
borders.
* And
learned from flowers in the garden ... Coordination ( harmony ) between
colors
* And
when colors are fighting ... they reconciled by the hands of the
artist
* I
learned from cactus ... This beauty has secrets.
* I saw
in the aloe plant .. Meanings of the most beautiful poems
*
Patience is beautiful with persistence .. But has bitter taste with
weakness
* I still
learn many things .. from agriculture and plants
***************************
* إن مهنة الشخص تصبغه بصفات خاصة قد تكون صفات شكلية ، حيث تكبر عضلات وتضمر أخرى ، وقد تكون سلوكية ... حيث نجد أسلوب الشرح الوافي والاستطراد في الحديث عند المدرسين أو الموجهين ، والعبارات المختصرة والرموز عند العاملين في المجالات التي تعتمد على السرية والمجالات التي تعتمد على وسائل الاتصال السريعة والتي تتطلب سرعة الانجاز ، والصوت المنخفض عند العاملين بالأماكن الهادئة والصوت العالي عند العاملين في الأماكن الصاخبة* وتؤثر المهنة كثيرا في لغة الحديث ... من حيث المفردات ، ويمكن معرفة مهنة الشخص والكثير من طبائعه ومعتقداته من خلال ملاحظة المفردات التي يستخدمها في أحاديثه اليومية .
* وكثيرا ما تكون الاختلافات في لغة الحديث مثارا للفكاهة والضحك .
***************
((( من غراميات بستاني )))
يا للي جمالك خلى الورد ... يبكي يقول آه يا خسارة ..
أول ما شفت جمال الخد ... أنا لازم أبعد و اتدارى .
************
ويـــــّـــا الهوا ف شمال و يمين ... والزهر حواليه متعطــر .
************
يا للي بياضك زي الفل ... دايما منوّر ليل ونهار .
دانتي حقيقي ست الكل ... والكــل جنبك شوك صبار .
************
ياللي عيونك بقرية ... ولونها
اخضر برسيمي .
قي عز شمس الضهرية ... رموشها ضلة
تغطيني .
************
يا قناية جارية بالماية ... وتشق
ارض الزراعية .
توصل لقلبي وترويني ... يا أحلى زرعة ف بساتيني .
************
((( من غراميات عالم )))
يا حلوة ياللي زي القمر .... ف ليلة صافية ف نص الشهر .
قضيت ليالي كتير سهــر ...... وعشت في دوامـــــــة فكـر .
***********
أقول يا عقلي إيه السبب ..... و إيه يخليني انجذب .
زي الفراشة قصــاد النــور ... والنحـل لما يشـــوف الزهــر .
**********
لقيت كتير وكتير أسباب ... عايزالها ألف كتاب وكتاب .
عيون جميلة ...... و البصة منها ... شعاع ينور وسط الضباب .
**********
وخدود يا ماحلاها بدايرتها ... والشعر أمواج زي البحر .
والشفتين آه من رسمتهــــــا ... بالمســــــطرة والمليمـــتر .
**********
وصوتك الحلو الكرواني ... موجاته بتحرك وجداني .
وتخلــي قلبي قبل لسانى ... يقول قصايد شعــر ونثر .
**********
أما القوام خلاني قـــوام ... انطق و اقول يا سلام يا سلام .
دي كل حاجة تمام تمـام ... محسوبة بالهندسة والجبر .
**********
الوزن ماشي ويا الطول ... زي الكتاب لما بيقول .
لأ دا نت شيء فوق المعقــول ... يا لا نهايــة وغيرك صــفر .
***********
جينات أصيلة وصفات جميلة ... قوليلي انتي من أي عيلة .
لأ دانتي طفرة ماتبانش إلا ... غير بس مرة في كـل عصر .
***********
((( من غراميات جائع )))
يا حلوة قوي زي القشطة ... مشتاق ادوق منك حتة .
ادين دي ولا صوابع موز ... والوش اجمل م التورتة .
**************
والخد أجمل تفاحتين ... و أحلى من ستين وردة .
والشفتين بين الخدين ... فراولتين في طبــق زبــدة .
************
والشعر مدهون بزيت زتون ... الله عليك يا طبق سلطة .
يا بحر مليان أكل وماية ... والحلويـــن جنبـك نقطــة .
************
وعيونك الحلوة العسلية ... عيون غزالـة بريـة .
ورموشها سكاكين دبــاحة .... في الثانية تقطع كــام خرطــة .
************
أما القوام شجرة جميز ... تعبي منها كام شنطة .
والرجلين أحلى كوارع... متدلعــة فوق الفتــة .
**************
والصوت جميل يملا وداني ... فكــرني بالمليون بطة .
والضحكة طشــة ملوخية ... والكلمـة من بقك شطـة .
**********
و ليكي أقوى شخصيــة ... زي الفطيرة المحشية .
يا وجبة كاملة مغذيــة ... متظبــطـة آخر ظبطــة .
**********
وانتي الدوا وانتي الجلوكوز ... وانتي الأمان وانتي النجدة .
وانا بلقاكي باكون محظوظ ... وعصافير بطنـي بتتغــدى .
**********
وعشان رضاكي أدوق المر ... وابلع عشان خاطرك زلطة .
يا حلوة قوي زي القشطة... مشــتاق ادوق منك حتـة .
********************
* قيل في
العلوم الدنيوية أن الإنسان أرقى الحيوانات على الكرة الأرضية ، ويعتبر هذا القول
حقيقة مؤكدة بالأبحاث العلمية ، وفوق كل هذا فهي حقيقة مؤكدة أيضا بجميع الأديان
السماوية
* وفي العلوم الدنيوية
أيضا قيل أن أرقي نوع من النباتات لابد وان يكون من النخيل ، وكثرت البراهين
العلمية في هذا الموضوع كما كثرت أيضا البراهين الدينية والفلسفية .
* واحتراما للأرض
العربية الحبيبة ، والدين الإسلامي العظيم وقرآنه الناطق بالعربية جاءت الكلمات
التالية باللغة العربية عن ثمار النخيل :
((( أعظم الثمار )))
يقولون أن له مكانة ً ... عظيمة عن وصفها في الكتب
شهى المذاق له حلاوة ً ... وكل البطون له تنجذب
يقولون أن له مكانة ً ... عظيمة عن وصفها في الكتب
شهى المذاق له حلاوة ً ... وكل البطون له تنجذب
**********
( طعام الفقير وحلوى الغني ..
وزاد المسافر والمغترب)*
بسوق الفواكه متألقا
... ومنه التمور ومنه الرطب
**********
وفى الاقتصاد هو وفرةُ ...
تقينا شرورا قد تقترب
ورزقا وخيرا لمن باعه ... وفي كل وقتٍ هو للطلب
**********
بهيّ عليّ على نخله
... ومنه العقيق ومنه الذهب
يشد العيون بعليائه ... وشوق القلوب له يلتهب
يشد العيون بعليائه ... وشوق القلوب له يلتهب
**********
وضيفا على الجسم كالنسمة ... ويأتي على سعة ورحب
ويعطي ويعطي من فضله ... نماءا وصحة لا تضطرب
*********
فيفتح للعقل أبوابه ... ليغزو العلوم ويغزو الأدب
هو والحليب غذاء كامل ... ولا تخل منه موائد العرب
*********
ويغنيك عن زيارات الطبيب ... وعن زجاجات الدواء والعلب
وضيفا على الجسم كالنسمة ... ويأتي على سعة ورحب
ويعطي ويعطي من فضله ... نماءا وصحة لا تضطرب
*********
فيفتح للعقل أبوابه ... ليغزو العلوم ويغزو الأدب
هو والحليب غذاء كامل ... ولا تخل منه موائد العرب
*********
ويغنيك عن زيارات الطبيب ... وعن زجاجات الدواء والعلب
فيارب دمه علينا نعمة ... فسبحانك ياخير من تهب .
**********
**********
** الانغماس في العمل وانشغالاته وارهاقاته قد يكون أفضل جسديا وصحيا لصاحبه من الانشغال بقضايا فكرية وتأملات وتساؤلات قد تصيبه بتوتر عصبي وانهيار في الحالة التفسية والجسمية .
** وكثير من الأشخاص يعيشون حياة هادئة وبصحة نفسية وجسدية جيدة رغم قسوة الأعمال التي يقومون بها ، وقد يرجع السر في ذلك قلة تطلعاتهم وانشغالهم بما يجب أن يكون .
((( أجازة العم صابر)))
اسمعوا مني حكايــــة صابر ... ورحلته في طـريق الصبر .
************
الإسم صابر ، وهو صابر ... وكل يوم يصحى من الفجر .
يروح لشغله ، وشغل تاني ... وشغل تالت بعد الضهر .
يخطف زيارة لبيته ساعة ... ويجري تاني قوام عالشغل .
ولما يرجع بالليل ينام ... لا يشوف عياله .. ولا المدام .
ويعيش مع حلـم الأحلام ..." يلاقي دخــل يكفــي الأكــل " .
**********
وتاني يوم م الفجر يقوم ... ويمشي في طريقه المرسوم .
ويرضى بنصيبه المقسوم ... ويقول يـا رب اديني الصـــبر .
**********
سبع صنايع ، والبخت ضايع ... خلوه يا عيني محني الضهر .
والوش اصبح إنسان آلي ... شغـــال و دايمــــا تحت الأمر .
**********
العم صابر أخد إجازة ... ما يروحش لا جنينة ولا بحر .
في يوم يروح الجمعية ... يقف في طابور قد القطر .
ويوم لمصلحة حكومية ... علشان إمضا وختم النسر .
ويوم لمحكمة وقضية ... والحكم يديك طولـة العمــر .
**********
العم صابر في مرة قال ... أنا ليه حياتي هموم في هموم .
سحب شريط وسمع أغنية ... لنجم ساطع من النجوم .
الصوت من المناخير مكتوم ... والكلمة مالهاش أي لزوم .
واللحن يشبه دق الهون ... صابر يقول يـارب الصــــبر .
**********
العم صابر مرة يقول ... أروح لمطعم " أبو سحلول " .
دايما عليه زحمة ومشغول ... يمكن يكون سعره معقول .
أكل هناك كفتة وكباب ... شاف الحساب طار منه العقل .
وقال يا ناس كان ماله الفول ... ساترنا دايمـا طــول الشــهر .
**********
وف مرة صابر قال اتمشــى ... واشم حبة هوا حلوين .
يتعب يا عيني قوي م الدوشة ... وريحة الجاز والبنزين .
ويشوف كمان نار الأسعار ... مشعللة جوا البتارين ...
يقف يقول : يا ناس محتار ... بلدنا دي ولا بلد مين .
ويبص في مرايته ويقــول : ... امسك لســــانك يا بـــو الصبـر .
**********
صابر تضيع منه الشنطة ... فيها البطاقة .. و كام كرنيه .
يروح قوام قسم الشرطة .... يقف يبص هناك حواليه .
ويقول ياباشا ويقول يابيه .... ومافيش حد بيرد عليه .
وكأن الكلمة بعداد .... أول بدايتـه الخمسة جنيــــه .
صابر يحس انه ف ورطة ... وينسى موضوع الشنطة .
ويقول يا ربي ..... إيه بس زنبي ...... دانا حتى صابر والصبر مر .
**********
العم صابر رجع البيت ... قعد يقول يا ريت يا ريت .
يا ريت ما رحت.. ويا ريت ماجيت ..أجـازة بايـن عليها قـر .
**********
العم صابر غلط وقال ... أقرا الجرايد اشوف الحال .
يلاقي كله عال العال ... ومهرجان سينما شغال .
ومدربين يقبضوا ملايين ... و الكورة لســه تحــت الصــفر .
**********
العم صابر نكش الشعر ... وعيونه طلعت قدام متر .
وبأعلى صوت من بعد سكوت ... يقول : يا ناس أنا عندي الحل .
وقلع هدومه وكتب عليها ... " لأ للأجازة نعم للشغل " .
كانت دي هي حكاية صـابر ... ورحلــته في طريـــق الصــبر .
**********
** نموذج من سيدات الأعمال اللاتي ... لا يعملن إلا لغرض المظهر الاجتماعي ، وبريق الشهرة ، ويساعدهن على ذلك الاستناد إلى ثروة وشهرة أزواجهن ।
* وهذا النموذج لا غبار عليه ، فقد يكون الناتج منه خيرا على المجتمع ، ومزيدا من التبرعات والمشروعات الخيرية .
* ولكن تأتي المشكلة ... عندما يتطور هذا النموذج ، ويلجأ إلى اتباع أسلوب الخداع ، وطمس الحقائق ، والمبالغة في الدعاية .
* ولكن تأتي المشكلة ... عندما يتطور هذا النموذج ، ويلجأ إلى اتباع أسلوب الخداع ، وطمس الحقائق ، والمبالغة في الدعاية .
((( قصة كفاح )))
اسمعوا مني قصة كفاح ..... لست ولا كل الستات .
عمرها كلــه ياعيني راح ..... في الزيارات والاجتماعات .
***********
قضت يا عيني ليالي طوال ........ تخطب ف كل المناسبات .
والكلمة من بقهــــا تتقال ..... للأرضيات و الفضائيات .
**********
و ياما قصت كتير شرايط ...... وكل يوم في الافتتاحات .
حقيقي تعبت حقيقي عانت .... في الســهرات والاحتفــالات .
*************
و ياما حطت حجر أساس ...... بإديها من غير جوانتيات .
و يامـــا شاركت بالإحساس ........... و ياما ساعدت بالكلمات .
****************
وتحب دايما فعل الخير ....... تحت شعار م الغير للغير .
واسمها طبعا هو الكبير ....... وتحته ياما كتير حكايات .
****************
تعبت ياعيني من الميكياج ........ وكل أنواع الماسكات .
وكل يوم تمــارين ومســاج .... وهدوم كتيرة وعربيات .
**************
وياما راحت سفريات ... ترجع وشايلة يا عيني حاجات .
حاجات هدايـــا ومكافئات ... عن كل خطوة من الخطوات .
***********
حقيقي تعبت حقيقي عانت ........ كتير كتير ست الستات
**********
** وأشخاص أكفاء في أعمالهم ولاينالون التقدير المناسب من رؤسائهم و زملائهم .
** وعلماء سبقوا عصرهم في طريقة تفكيرهم ، وعانوا أشد المعاناه من الاصطدام الفكري مع الآخرين ، وحالة من الاغتراب في مكانهم وزمانهم الذين عاشوا به .
** وكثير ممن يهاجرون إلى بلاد أخرى ، و يحققون بها نجاحا ت كثيرة لم يستطيعوا تحقيقها في بلادهم نتيجة المعوقات الكثيرة .
((( حكاية وردة )))
اسمعوا مني حكاية عجيبة ... حكاية وردة ف أرض غريبة .
الكــــل أكيد يستغربـــها ... ومــــا حدش أبدا حيسيبهـــــا .
**********
البقرة برجليها تدوسها... وحمار حيشوفها حيرفسها .
والدبان حيعف عليها... وجيوش النمل حتقرصــها .
**********
وخروف ناصح حيقول عنها ... الوردة دي حمرا ودموية .
والمعزة قوام حتخـــاف منها ... وتجري و تتكعور في المايـــة .
**********
والكلب يشمشم حواليها ... ويقول إخييه ريحـة الوردة .
وحصان لما يبص عليهـا ... حتموت الوردة من الخضــــة .
**********
وجاموسة تقول فين الرحمة .. الوردة دي عامله هنا زحمة .
وتزيح الوردة برجليهــا .. على جنب .. وتعملها عليها .
**********
وغرا ب يردد ف الإشاعات ... وتصدقه كل الكائنات .
بيقـــــول إن الوردة خطيرة ... وبتسكنهـا روح شريرة .
**********
والقنفد أبو شوك يمسكها ... ويقول أهي جرحتني بشوكها .
والأرنب يستقوى عليــها .. ويزقها علشان يعاركهـا .
**********
والتعلب بيقول دي لئيمة ... دي الوردة لا فايدة ولا قيمة .
دي ايديــه لو شبه الوردة .... أقطعها بسكينة قديمـة .
**********
واتفاقية كمان ومعاهدة ... حتى ما بين الفار والقطة .
أجمعوا فيهــا إن الوردة ... لازم تتقطع ميت حتــة .
**********
وتضيع الوردة وقيمتها ... ويغطيها تراب الأرض .
حكاية ودي وكانت آخرتهــا ... عن وردة وغيرهـا كتير ورد .
***************
** الوسطية والاعتدال من السمات المرغوبة في الشخصية من أجل حياة هادئة سعيدة بعيدا عن الاصطدامات وتجنبا للأخطاء .** وأرجو ألا يختلط مفهوم الوسطية بالسلبية التي هي من صفات المغلوب على أمره الذي يرضى بالتوسط هربا من مواجهة الصعاب ، فالوسطية المقصودة هي وسطية القوي الذي يحافظ على قوته ويدخرها للوقت المناسب .
** أي أنها وسطية قابلة للتغير والتطور والانطلاق تبعا للمستجدات والضرورات
((( خير الأمور الوسط )))
عشان حياتنا تتظبط .. ونبتعد عن الغلط
نسمع كلام قالوه زمان .. خير الأمور هو الوسط
خير الأمووور الوسط
لو كنت ماشي في الطريق .. لا تكون سريع ولا بطيئ
لا تخاف ولا تعمل جريء .. وإلا لازم تتخبط
خير الأمووور الوسط
لا تكون شديد زي الحديد .. حتى الحديد بيتخرط
لا تلين قوام زي اللبان .. بين السنان حتضغط
خير الأمووور الوسط
لا تكون جبان زي الفيران .. ليلعبوا بيك القطط
ولا تندفع زي الحصان .. وف شجرة بعدين تتربط
خير الأمووور الوسط
لا تكون بخيل تصرف قليل.. وتشرب الماية نقط
ولا تحدف الفلوس في بير .. عشان مزاجك تنبسط
خير الأمووور الوسط
لا تعيش مع الأفكار أسير ... ترسم وتمسح في الخطط
ولا تترك الأمور تسير .. والكل عندك يختلط
خير الأمووور الوسط
حتى المحبة والغرام .. حتى التحية والسلام .
حتى كمان كتر الكلام .. بيوقع الناس في الغلط .
خير الأمووور الوسط
وحقيقة لازم تتعرف .. وتحط تحتها شرط
الفخر لينا والشرف .. لما نكون أمة وسط
خير الأمووور الوسط
********
** لا يستطيع أن يصدق عاقل أن بلد تقع في قلب خريطة العالم بين ثلاث قارات ، ونشأت فيها أقدم وأعظم الحضارات ، وبها الكثير والكثير من الثروات ، و ......... أن تكون فقيرة!!!
((( بلدنا مش فقيرة )))
بيقولوا بلدنا فقيرة .. ودا بيسببلي الحيرة .
إزاي دي كنوزها كتيرة .. وتكفي قدنا 100.
**********
فيها المايّـــــــة و زراعة .. وأهم قناة بحرية .
وكمان بترول وصناعة .. وادين وعقول بشرية .
**********
ومتاحف فيها أثار .. بيجولها كتير زوار .
يدفعوا بجنيه ودولار .. علشان كلمة مصرية .
**********
وجمال بيسر العين .. في جناين أو بساتين .
وكمان اكبر بحرين .. بالثروات البحرية .
وجبال بين الخليجيين.. وجناين تحت المايّـــــة.
وشواطيء في الفصلين .. للتصييف والتشتية .
**********
حتى الصحرا بتقول.. أنا أرض ياناس زراعية .
عندي الوديان وسهول ..غيطان وناقصها المايّــــة .
والنيل يجري على طول .. وياريته يعدّي عليّـــه .
**********
ويقولوا بلادنا فقيرة .. وأتعجب انا م الحيرة .
إزاي دي كنوزها كتيرة .. وتكفـّــي قدنا 100 .
وان كانت مصر فقيرة .. يبقى العيب فيكو وفيّــــــه .
**********
** يكثر الحديث عن الزيادة السكانية التي لا يقابلها زيادة الثروات الطبيعية ، مما يؤدي الى حدوث أزمة يطلق عليها أزمة السكان أو المشكلة السكانية ، ولكني أجد أن الثروات الطبيعية لا قيمة لها بدون الأيدي والعقول البشرية ، وأن القليل جدا من الثروات الطبيعية يمكن أن تتحول الى الكثير والكثير عندما يستغلها الانسان أفضل استغلال** وكم من بلاد لا تمتلك من الثروات المادية شيئا واستطاعت رغم ذلك أن تصعد وترتقي وكان سبيلها الى ذلك استغلال العقول البشرية في توظيف امكانات بسيطة - ليست بترول أو معادن أو زراعة و صناعة - وانما على سبيل المثال- بعض من الحدائق والغابات والجبال والشواطئ ارتفعت قيمتها بفضل عقول وايادي بشرية.
** وأنني ارى أن بذل الجهد الكبير لايجاد فرص للعمل أكثر جدوى وسهولة من بذل الجهد في دعايات لا تجدي من أجل تحديد النسل.
** وأن تحديد النسل أو تنظيم الاسرة لا يمكن أن يتحقق بعبارات متكررة واعلانات ولافتات كثيرة وإنما يتحقق تلقائيا عند رفع مستوى المعيشة الذي سوف يؤدي بالتالي الى رفع المستوى الفكري ، وقد يؤكد هذا الرأي نظرة الى المجتمعات التي تفوقت اقتصاديا وحضاريا نجد فيها انخفاض ملحوظ في نسبة الزيادة السكانية وكان ذلك تلقائيا نتيجة ارتفاع المستوى الاقتصادي الذي صاحبه مزيد من الاطمئنان وحسن التفكير ، بل أصبحت العديد من الدول المتقدمة تسعى الى دفع مواطنيهم الى زيادة نسلهم من أجل الحفاظ على هويتهم وخوفا من غزو الغرباء لبلادهم.
((( عن الثروة البشرية )))
ليه الثروة البشرية .. دايما عندنا منسيّـــة .
مع انها أكبر ثروة .. ربنا عطاهالنا هديـة .
*********
قالوا زمان أجدادنا .. الخير كله ف أولادنا .
ولاكل كنوز الدنيا .. من غير أولادنا تفيدنا .
والإيد على إيد بتفيد .. والرزق أكيد حيزيد .
*********
قالوا الثروة البشرية .. بالتعليم والتربية .
ثروة تجيب لنا ميت (100) ثروة .. لبلدنا وللبشرية .
*********
قالوا الوصفة الذهبية .. للإصلاح والتنمية .
ايدين وعقول بشرية .. وشوية أرض وماية .
وعندنا أرضنا والماية .. بتكفي قدنا 100 مية .
وكمان قوة بشرية .. تقدر على كرة ارضية .
*********
وناس معدنها اصيل .. شاربين من ماية نيل .
منهم محفوظ وزويل .. وكتير غيرهم وكتير .
*********
قالوا كمان أجدادنا .. ما نستكترش عددنا .
والخيرلسه في بلدنا .. محتاج بس لمجهودنا .
*********
يارب اكرمنا وزيدنا .. من خيرنا ومن أولادنا .
وتقوينا وتحمينا .. من كل اللى ينسينا -
ثروتنا البشرية
*************
** سبق التحدث عن الثروات الطبيعية المهدرة ، ثم الثروة البشرية المعطلة ، وها هي الثروة الأخرى المهملة ............
((( الوقت من ذهب )))
الوقت من دهب ... وقيمته تتحسب ... وسرقته جريمة ... دايما بترتكب .
*********
صاحبك قالك ثواني ... أنا جاي استناني ... والثانية تجر الساعة ..
ويضيع منك دهب .
*********
سواق أوتوبيس يتأخر... علشان كان رايح يفطر... شوف كام راكب يتأثر.
بالوقت اللي ذهب .
*********
دكتور اتأخر ساعة ... ولا قال أسف ياجماعة ... وكأن التأخيرعادي ..
مابيسواش الدهب .
*********
برنامج تليفزيون... يتشاف من كام مليون... يسرق منهم أوقات ..
تسوى المليون دهب .
*********
وموظف بالمعاشات ... يطلب في المستحيلات ..
والطلبات قبل ما تكمل ... العمر يكون ذهب .
*********
مسئول ويقول فرمان .. اللجنة تبقى لجان ..
ويضيــــّع في الأوقات.. أوقات تسوي الدهب .
*********
ياناس عقلي ذهب ....لما اشوف الدهب ..
مرة ف بلدنا ضايع .. وف مرة يتنهب .
*********
الوقت من دهب .. وقيمته تتحسب ..
وسرقته جريمة ..دايما بترتكب .
*********
** إذا أعطيت الرجل سمكة فقط أطعمته يوما ... أما إذا علمته الصيد فقد أطعمته كل يوم .... ( مثل صيني ) .
((( ملعونة المعونة)))
ملعونه المعونة ... اللي تخليك كسلان
ملعونه المعونة... لو كان لها أتمان .
ملعونه المعونة...اللي تسكت لسان .
ملعونه المعونة ... اللي بتسرق زمان .
ملعونه المعونة ... م اللي بيخدعونا
وعايزين يحبسونا ... في وهم الأمان .
**********
** أثناء متابعتي لإحدى المدارس الابتدائية ذات الثلاث فترات في منطقة شعبية مزدحمة ، و بدلا من ان أقول للمدرس ...على سبيل التعود ... كيف حالك مع التربية الزراعية ...ملعونه المعونة...اللي تسكت لسان .
ملعونه المعونة ... اللي بتسرق زمان .
ملعونه المعونة ... م اللي بيخدعونا
وعايزين يحبسونا ... في وهم الأمان .
**********
وجدت لساني يتراجع عن النطق فأقول للمدرس : كيف حالك ... مع الدنيا ...
((( من يوميات موجه تربية زراعية )))
( في مدرسة بأحد الأحياء الفقيرة )
أنا مرة من المرات .. رحت المدرسة
فيها التلات فترات .. صبح وضهر ومسا .
وكان معايا خطة .. زراعية كويسة .
*******
(( نزرع لنا هنا كام فلة.. وهنا نزرع نرجسة ))
**********
ونزلت فصولها أزورها .. لقيتها مكدسة .
*********
شفته من كتر الزحمة .. وكأنها كتلة لحمة .
والروس مترصصة .
والحصة نص ساعة.. نصها اسكتوا ياجماعة .
وزعيق ونرفزة .
************
ولقيت نفسي متحير .. ألف ورايا وأدوّر .
فين ياناس المدرس.. والا المدرّسة ؟
***********
ياريت اديله مكافئة .. أو حتى كلمة شفقة .
على صبره وقعاده .. جوا المدرسة .
**********
ونسيت خلاص الفلة .. ونسيت النرجسة .
*************
** ولم تكن المدارس الخاصة أحسن حالا من المدارس الحكومية ، ولم تسلم من وباء الجشع ، الذي أصاب كل القطاعات وانتشر بشدة ، حتى وجدنا أن كل شيء يتعثر في حياتنا
((( من يوميات موجه تربيه زراعية )))
( في مدرسة لغات )
وكانت خطتي مدرسة لغات .
أنا قلت ارتاح شويه ... من مدارسنا الحكومية ..
ولو حتى لحظات .
وصلت المدرسة .. بوابة حلوة كويسة.. والاسم عليها منور ..
رسمه اجدع خطاط .
وبدأت ملاحظاتي .. حسب التعليمات .
الأمن مستتب .. و لا حتى نملة تدب .. و يافطة جميلة مزوقة ..
عليها كلمة استعلامات ..
********
وموظفين قاعدين حلوين .. لابسين أحسن كرافتات ..
عرفتهم بنفسي .. ودوني اوضة فاضية.. فيها التوقيعات ...
و سجل التوجيهات .
**********
وطالت قعدتي ... وابص على الفازات .. مليانة بلاستيكات .
مالقيتش وردة حية .... من عالم النبات .
**********
استنيت شويه.. وشويات .. لا سمعت أهلا .. ولا سلامات .
وأشوف الناس حواليه.. برضه بلاستيكات .
**********
حسيت و كأني .. في العزل مستني .. وقدامي ساعات وساعات .
وطلعت بعد ساعة .. وقلت يا جماعة ... فين اوضة الزراعة .
جاوبني أستاذ مشكور.. من هنا واطلع آخر دور .
راح تلقى اوضة المجالات
فيها زراعة وصناعة ... وحاجات وحاجات وحاجات .
**********
وقفت أفكر في الحاجات .. لقيتها ياما .. وعايزة اوضات .
ووصلت لحد السلم .. والسلم كان دوران ....
لفيته خمس لفات .
*******
ولقيت نفسي حيران .. وابص على الطرقات .
الطرقة يادوب مترين .. وفصولها على الصفين ..
وولاد وبنات.. قاعدين تلاتات .
**********
وف آخر الطرقات .. لقيت اوضة المجالات .
الاوضة تلات أمتار .. فيها الكراسي كتار...
من غير الترابيزات .
**********
ومدرسات قد الطالبات .. من خريجات العام اللي فات ...
وبعد التحية والسلامات .. بدأت اكتب في البيانات .
دبلوم زراعة .. دبلوم صناعة .. يمكن كمان من غير شهادات.
**********
وفهمت ان الحكاية .. كلها تسديد في خانات .
وسألت عن المدير .. جاوبوني بالقطرات .
وكأن دا شيء خطير .. عايز له ترتيبات
**********
آن الأوان ودخلت .. ولقيت أستاذ صغير .
يادوب في العشرينات .
قدمت له اقتراحاتي: عايزين جنينة حلوة وشوية تجهيزات .
قاللي إن شاء الله ... كل دا في الاعتبارات ...
وبعد يومين اتنين .. راح تلقى أحلى جنينة.. فيها اجدع نباتات ..
وتشوف معمل زراعة .. مليان كتير أدوات .
**********
وبعد يومين اتنين .. جاني الخبر اليقين ...
راحت اوضة المجالات .
واتعملت فصل جديد .. مليان صبيان وبنات .
خدت اجندتي في الحال .. رحت أشوف إيه الحال .
قلت ياريت اللي أتقال .. يطلع كذب واشاعات .
**********
رحت قابلت المدير .. للأمر الخطير .
والرد كان بالابتسامات .
قاللي ليه بس تتعب نفسك ... وبتركب ليه مواصلات .
كلمنا في التليفون ... نمضيلك في الزيارات .
و حنكتب توجيهاتك .. حسب التعليمات :
عايزين جنينة حلوة .. وشوية تجهيزات .
**********
مالقيتش كلام أقوله .. في دفتر الزيارات .
حسيت اللي حاقوله .. حيروح لبلاستيكات .
ودي نهاية زيارتي .. لمدرسة اللغات .
**********
** كانت المفاجأة الغير متوقعة عند زيارتي لمدرسة ريفية ولاحظت فيها نباتات الموز بطول سور المدرسة وهي "مذبوجة" ، وعندا سألت مدرس الزراعة عن السبب أجاب بأن تعليمات من موجه سابق أرغمته على التخلص من هذه النباتات باعتبار أن الموز نبات مثمر ، ولزراعته في المدرسة قواعد وأسس مالية لابد من اجرائها ، وكان ردي عليه أن الموز لو زرع في كل أنحاء الفناء لن تكفي ثماره لكي يحصل كل فرد من المدرسة على ثمرة واحدة ، وأن ما حدث هو أشد جرما من مخالفة التعليمات والقوانين .....
((( من يوميات موجه تربيه زراعية )))
( في مدرسة ريفية )
وكانت خطتي .. مدرسة بالأرياف .
انا قلت يا فرحتي ... حنشوف اللي مايتشاف .
اشتقت اشوف الموزة . والجميزة العجوزة ..
والعنباية العجيبة .. والتوته والصفصاف .
**********
لكن يا صدمتي ... مالقيتش إلا آثار .
بتقول كان هنا أشجار .. وجنينه جالها جفاف .
سالت ايه الحكاية ؟ ... فين راحت العنباية ؟ ...
والتوته والجميزة ؟ .. والخضراوات أصناف ؟.
************
رد الأستاذ عليّه : (( جاني مفتش مالية ...
فتح الدفتر وقال : ... فين الشجر متضاف ؟...
قلت له : إن الأشجار . صغيرين وضعاف ...
والأوراق والأحبار.. أغلى منهم أضعاف .
قاللي : الشجر طراح .. ويجيب أكيد أرباح
رديت قلت : الثمار... والله مابتتشاف ...
والبركة في الأولاد .. في الفترتين آلاف .
رد المفتش قال : ...انا مش عايز جدال
جيبلي الاوراق في الحال .. والكربون وقلم جاف .
واحسب يالا الأرباح .. واللي جاه واللي راح .
وساعتها انا دمي راح .. وكأني حرامي بخاف .
مع اني يادوب فلاح .. ونضيف وجيوبي نضاف .
جبت قوام السلاح .. وعلى الشجر دباح .
من يومها قلبي ارتاح .. من أي جدال وخلاف ))
**********
وكانت دي حكايتي .. في مدرسة أرياف .
وكتبت هناك زيارتي .. من كلمتين خفاف :
(( المشكلة مش جنيننتنا .. ولا توته ولا صفصاف .
المشكلة هي حياتنا .. خواف يخاف خواف ))
************
((( خواف يخاف خواف )))
خواف يخاف خواف.. يخاف خواف يخاف خواف .
دا نظام يخلي الناس .. تعيش وتموت تحت اللحاف .
وان قاموا يبقوا حاجات .. مالهومش حتى خيال يتشاف .
وان قالوا ، كل كلمة .. قصادها لقمة ان شالله حاف .
وان جاعوا ياكلوا الطوب .. ويقولوا برضه عليه خشاف .
خايفين يقولوا ال ( بم ) .. بعدين يكونوا مش لطاف .
**********
خواف يخاف خواف .. يخاف خواف دا شيء خطير .
استاذ يخاف مدير .. يخاف الريس الكبير .
لا حد منهم قال .. اخاف الله ولا الضمير .
دا اللي يخاف الناس .. يعيش محتاس مايشوفش خير .
واللي يخاف الله .. يكسب رضاه وينول كتير .
خواف يخاف خواف .. يخاف خواف دا شيء خطير .
**********
** وعن " الفيديو كليب " والأغاني الصعيدية التي تقدم البنات الفاتنات من مختلف الدول والدويلات جاءت هذه الكلمات، وشر البلية ما يفجر الضحكات :
((( فيديو كليب )))
احترت يا ناس م الفيديوكليب والبنطلونات والميني ميني جيب
وحاجات تتهز بشكل عجيب ... ولا تعرف خشا ولا تعرف عيب
**********
الغنوة تقول يا جمال العين ... ولاشايف غير بطن ورجلين
والسرة ف نص التليفزيون ... ولا عارف ايه حايكون بعدين
**********
ودي غنوة حب تهز القلب ... تشوفها تقول انجدنا يارب
ماعرفش أنا كام صورة ورا بعض . تعدي كأنها برق ورعد
وابص شمال وابص يمين ... واكلم نفسي ولا المجانين
أنا ايه أنا ليه أنا فين أنا مين ... وأتاري الغنوة غنوة حب
**********
ودي غنوة كلامها عن الأحزان ... وفراق وبكا وهجر وحرمان
وبنات فاتنات من كل مكان ... ايشي بيضا وسمرا وبالألوان
والكل أكيد طبعا حران ... واتاري الغنوة عن الأحزان
**********
ودي غنوة جميلة وشعبية ... عملتلي لخبطة في كياني
شفتها حسيت إن عنيـــه ... مابقتش خلاص جنب وداني
الصوت أغنية صعيديــة ... والصورة لرقصة أسباني
طبخة اسماك بالملوخية... وعليها كريمة لباني
وأهي لخبطة متلخبطة لخابيط ... ماعرفش أنا ايه فاضل تانى
**********
ويوماتي الفيديوكليب بيجيب ... في البنطلونات والمينيميني جيب
احترت يا ناس م الفيديو كليب .... احترت يا ناس م الفيديو كليب
**********
**************
** وعن ظاهرة غريبة قيل عنها انها أصابت فن الموسيقى والغناء ولكنني ارى انها لم تصيب الموسيقى ولا الغناء لانها بعيدة الصلة عن هذه الفنون وانما هي ظاهرة اصابت الذوق العام وكأنها مرض وبائي انتشر بين كثير من الشباب . *عن المهرجانات*
احترت ياناس من بعض حاجات ... بيقولوا عنها المهرجانات .
لا فيها فن ولا ابتكارات ... وما تستاهلشي التسميّات .
**********
تسمعها عقلك قوام يطير ... ويتوه في بحر من الخيالات .
يمكن تكون اصوات مواتير ... ودق شواكيش وفرقعات .
**********
و تعبت ياما من التفكير ... يمكن الاقي لها تفسير .
يمكن تكون تشبه اصوات ... للانسان قبل الحضارات .
لما الفنون كانت صيحات ... والرقص زي التشنجات .
**********
بيقولوا عنها المهرجانات ... وياريتها كانت مهرجانات .
أصوات عجيبة .. كلمات غريبة ... وانتشارها هو المصيبة .
لا لحن فيها ولا نغمات ... وكلام كأنه الخزعبلات .
**********
وياشبابنا كفاية خيبة ... وذوقكو أصبح أكبر عيبة .
ازاي تسيبوا الفن الأصيل ... وتنزلوا اسفل درجات .
وتعلوا من شأن الهلاهيل ... وتقولوا عنها مهرجانات .
**********
((( يامكشر اضحك )))
على كل اللي ف جيبي أراهنك .. يامكشر حنخليك تضحك
مطلوب منك بس مراية .. وتبص لي فيها على شكلك
**********
تلقى حواجبك زي السبعة.. وخدود داخلة وعيون طالعة
والبق تمانيه مفتوحه .. وخطوط مناخيرك ملووحه
**********
والوش عليه زي غيامة.. لاباين له شكل ولا علامة
وان بصيت في مرايتك ياما.. تستغرب وتكلم نفسك
**********
حتقول شكلك دا مش شكلك.. وحتنسى همومك ومشاكلك
وحتدفعلي رهاني واكتر ... لو بصيت في مرايتك اكتر
وحتدفعلي رهاني واكتر ... لو بصيت في مرايتك اكتر
والضحكة ف وشك حتنور.. ولا عمرك ابدا حتكشر.
***********
** قرأت في إحدى المقالات أن الفرد العابس إذا نظر إلي شكله في المرآة ، يتبدل عبوسه إلى الابتسامة ثم الضحك لما سوف يجده من تحولات غريبة في ملامحه، حاولت التعبير بالكلمات عن هذه التحولات من اجل دعوة إلى الضحك وتناول الأمور بحالة نفسية هادئة وضبط النفس .
((( ياللي جمالـِك مش على حد )))
مريتي جنبي ، شغلتي قلبي ... لقيت جمالك مش على حد .
حاولت الاقي منـَــك نظرة ... من قرب أو حتى من بعد .
في مرة اشاغلك والتانية أحايلك .. مالقيتش منـَك ..إلا الصــــــد .
***********
عجبني صدَك .. وشفت عندَك .. أشواك تكمــّــل .. غصن الورد .
حبيت كسوفـَـك أول مااشوفـَك .. والاقي خدَك أجمل خد .
شغـَلتي بالي غيرت حالي ... حسيت بقلبي اليكي انشد .
سألت قلبي .. حقيقي حبي ؟ جاوبني قلبي .. حقيقي جد .
************
من غير ماافكر .. من غير ماادوّر .. من غير ما أسال ..عنـَك حد .
عرفت بيتك في يوم لقيتك ... مشيت وراك أمد وامد .
ولما قلبي قال حبيتك ... لقيت سكوتك أجمل رد .
**************
من حسن ردَك من بعد صدك ... قوام لقيت روحي بترد .
دعيت ياربي من جوا قلبي .... انا وانتي نكون لبعض .
ربي استجابلي والاقي حبي ... في كل يوم يقوَى ويشتد .
ياللي جمالك مش على حد .
*********
** ثم بدأت أتأمل في ظاهرة ( الهوس ) بتشجيع أندية كرة القدم حتى أصبحت الحكايات حول أبطالها ونجومها تسيطرعلى اهتمامات الكثير من الشباب .
وتاجرت العديد من وسائل الإعلام بهذا الاهتمام وكان ذلك على حساب الاهتمام بنماذح أخرى من الابطال والنجوم في مجالات علمية وفنية ودينية أفادوا بها البشرية ولم ينالوا حقهم من التقدير .
((( كابتن زيكو )))
اسمعوا مني حكاية زيكو .. نجم كبير ولا أي نجوم
نجم نجوم في سماء الكورة .. لا تقول في طب ولا في علوم
*********
من ماتش حلو وجاب فيه جون .. قوام رصيده وصل مليون
وطلعوه ف ستين برنامج ... في الإذاعات والتليفزيون
**********
وكل ثانية ف تاريخ حياته ..بقت حكاية قبل النوم
وحتى حركاته ولفتاته .. قلدها كل شباب اليوم
و كتير كتير بلعوا غلطاته ... وعيونهم غطاها غيوم
**********
تعالوا نسمع من حكاياته ... قبل القصقصة والتلزيق
قبل ما يبقى الكابتن زيكو .. نجم منور أحلى فريق
**********
أولها كان طفل صغيور ... ساكن في حارة أبو عجور
يرحمها أمه الست هنية .. كانت تقول له انزل روح غور
العب مع صحابك في الحارة .. ولما ييجي أبوك تتدارى
تدخل قوام قبله الحمام .... وتشيل هباب النيلة الكورة
**********
في مرة شافه أبوه متعور .. وسأله عن سبب التعويرة
ولما عرف إنها م الكورة ... بقت حكاية وأزمة كبيرة
الأب ينزل سب وضرب ... الأم تستنجد بالجارة
وابو كبارة يهدي اللعب ... بكلمتين حلوين وسجارة
**********
ويعدي يوم ورا يوم ورا يوم . الحالة ترجع نفس الحالة
بكلمتين حلوين وسجارة ... تهدى وتنتهي أكبر غارة
**********
وياما كورة جات في ازاز .. وجات في رجلين أبو عكاز
وان حد مرة عمل استاذ.... وقال غلط هنا لعب الكورة
حيحدفوه بألعن ألفاظ ... وان سكت يرموه بحجارة
لكن الست سنية قوية ... لسانها يغلب ألف ومية
وبحلة فيها شوية ماية ... تحل بيها فريق الحارة
**********
أما وعن زيكو ف مدرسته . عمره ما ضيع أبدا وقته
ازاي حيتعب نفس سعادته .. وهو أستاذ في المنافستو
**********
وابوه يوماتي ف ليل ونهار. شغال ياعيني ف ستين كار
وف مرة كان أبو زيكو ف شغلة... في بيت لواحد من الكبار
وكلمة جرت وراها كلمة .. يمكن كلامه يطفي النار
وقال دا ابني الكبير تاعبني .. أعمل له إيه يا سعادة البيه
البيه عطاله الكارت السحري ... بكلمة حلوة وممضي عليه
**********
بالكارت يدخل أكبر نادي ... ويعدي بيه الاختبارات
وزيكو يبقى بطل مش عادي ... ويكتبوا عنه الصفحات
في مرة يحكي عن البطولة .. يقول دي أسهل من السهولة
وهي كورة تبدأ في حارة ... والحظ يغلب أشطر شطارة
ليه المذاكرة واسهر وأقرا .. و احط على وشي نضارة
ليه بس أحبس نفسي وأتعب .. دالعلم كله تعب وخسارة
**********
كانت دي هي حكاية زيكو ... قبل القصقصة والتلزيق
من طأطأ لسلام عليكوا ... وعليكم انتو التعليق
**********
** ومن "جنون الكورة" الى "جنون المحمول" كانت هذه الكلمات في بداية انتشاره عندما كان اقتنائه يقتصر على خاصة من الناس يستخدمونه للتباهي والتفاخر باقتنائه وكأنه قطعة من الديكور المكمل للملابس الفاخرة
((( جنون المحمول )))
ياحلوة وزي البطة.. ومعاكي كمان محمول .
حطي المحمول في الشنطة ..أحسن كده مش معقول .
وافتكري تعلقي يافطة .. بتقول عندي المحمول .
**********
والعايق أبو كرافته .. ومعاه المحمول على طول .
ماشي من حتة لحته .. عامل دايما مشغول .
والمحمول عنده أونطة .. لا بيسمع ولا بيقول .
**********
ودا واحد جاتله زغطة .. يبعت رنة محمول .
والتاني يخلص كارتة .. عالحدوتة وعالنكتة .
والمحمول أصبح نكتة .. الضحك عليها يطول .
**********
المحمول دا ياخواننا .. والله ياناس تليفون .
وفوايده كتير تنفعنا .. ونعدها بالمليون .
وكفاية انه يجمعنا .. ويصغر بيننا الكون .
لكنه مالهوش معنى .. لو نستعمله بجنون .
**********
((( بغبغانات )))
بغبغانات دول بغبغانات ..... اللي يرددوا في الكلمات
**********
كلمة يقولها بتوع أمريكا .. قوام تتردد بالمزيكا .
كلمة يقولها الناس ف أوروبا .. يبنوا عشانها قصر بقبة .
حتى اللي بيتقال في الصين .. برضه وراه بيقولوا أمين .
كلمة شمال مع كلمة يمين.. هو دا حال البغبغانات .
**********
** من أهم المشكلات التي تواجه كاتب الأشعار والكلمات المنظومة أنه يواجه صعوبة في الحصول على كلمات منظومة مناسبة تعبر عن فكرة جيدة ، فتحدث الخسارة الكبيرة بأحد أمرين ، إحداهما أن يتوقف عن العمل ويموت العمل في مهده ، والأمر الثاني هو الاضطرار الى استخدام تعبيرات أضعف من أجل الالتزام بالأوزان والقوافي والقواعد الصارمة .
((( ليه الافتعال )))
ليه بس الافتعال .. في الشعر وفي الازجال .
راح نضرب الأمثال .. واشهدوا عاللي بيتقال .
*********
راح نضرب الأمثال .. واشهدوا عاللي بيتقال .
*********
واحد وخلاص إنهار .. ودموعه تسيل أنهار .
ودا كله عشان القافية .. كلها تبقى أنهار .
*********
واللي يألف كام بيت.. والبيت توأم للبيت .
تسمع وتقول ياريت .. كان قال بس أنا حبيت .
ودا كله عشان القافية .. كلها تبقى أنهار .
*********
واللي يألف كام بيت.. والبيت توأم للبيت .
تسمع وتقول ياريت .. كان قال بس أنا حبيت .
*********
(( حبك شال الأنانية .. خلى مكانها الحنية )) .
إزاي من شيلة وحطة.. أغنية تكون عاطفية .
إزاي من شيلة وحطة.. أغنية تكون عاطفية .
**********
(( مابحبش حد الا انت .. ولا نفسي كمان ياحياتى )) .
حب دا والا كراهية .... للناس ولكل الدنيا .
*********
(( خد عين مني وطل عليــه ... وخد الاتنين واسأل فيــه ))
حسيت انها مش اغنية ... إنما مسألة حسابية
*************
مش علشان وزن وقافية .... نلزق كلمات بالعافية .
وياما معاني مفيدة وشافية ... أجمل من غير وزن وقافية
************
ليه بس الافتعال ... في الشعر وفي الازجال
دي الكلمة الحلوة بتوصل ... يمكن قبل ما تتقال
**********
** شهر رمضان .. هذا الشهر الكريم الذي جعله الله شهرا للروحانيات والعبادات أصبح موسما الانغماس في الشهوات والمتاجرة في كل شيء .
((( عجبت كثيرا )))
عجبت كثيرا لأعجب العجب .. لزمن ٍ حقائقه تنقلب .
حقيقة شهر ٍ لأجل الصيام .. رأيته شهراً للـّـهو واللعب .
**********
رمضانٌ أم هوالمهرجان .. الغناء فيه والرقص والطرب .
وصوم يخفف عبء الطعام.. أرى الطعام من كثرته عطب .
أصوم يهذب فينا النفوس ؟ .. أم أنه صوم يلهب العصب ؟ .
**********
وفي كل شخص ترى الازدواج .. ما بين قول وذنب يرتكب .
وفي كل جمع ترى الارتباك .. ويأتي العراك بما لا يحتسب .
**********
وكل البرامج استعراضات .. وفي الهيافات نقاش يلتهب .
برامج عن فن وفنانين .. ما رأيت فيها فن ولا أدب .
**********
وتأتيَ كل لحظة اعلانات .. لأجل تجارةٍ وعرض ٍ وطلب .
ولم يبق إلا لتقطع الأذان .. بإعلان عن مهرجان العجب .
ألا أعجب من هذا عجب ؟؟؟
ألا أعجب من هذا عجب ؟؟؟
**********
((( النفاق )))
بلدي ياأم الاخلاق .. ليه النفاق بقى داء .
والداء لما بيتطور. يقتل وكأنه وباء .
**********
أهلا ياسعادة البيه ليه مش بنشوفك ليه .
والبيه لما بيتدوّر.. يتقال اللعنة عليه .
**********
داحبيبنا وروحنا فداه ... بقلوبنا احنا ويــّاه .
وكلام حلو بيتكرر... للي وراه واللي وراه .
وبدون عقلنا ما يفكر ... كان دا شمال ولا يمين .
ولساننا بينطق سكر... ويقول للكل أمين .
وطريقنا قوام يتغير ... ونعيش على طول تايهين .
**********
أصوات للانتخابات .. رايحين بالاوتوبيسات .
علشان ينجح حنكورة .. ويكون له كمان كرامات .
و أسامي كتير بالقايمة ... الحلوة تشيل معطوبة .
ومفيش شيء مالهوش لزمة .. ودي حسبة أكيد محسوبة .
معروف مين اللي يصقف . وبدونه الحال يتوقف .
على كام واحد بيعارض .. على كام دكتور ومثقف .
تمثيل بس ف تمثيل ........... نملة تمثل دور فيل .
والاصوات بالملايين.. بيقولوا الفيل دا اصيل .
وكمان له شجرة عيلة .... مختومة بختم الفيل .
**********
ومكاتبنا الحكومية ... فيها النفاق بقى ماية .
اللي بكلمات تتقال .. أو على أوراق رسمية .
وياعيني على الشغال.. ويابختهم الحرامية .
**********
واللي بيجري وملهوف .. خايف ليفوته الفرض .
وضميره مايعرف خوف .. ولا يوفي ابداً وعد .
وان قلت له سد الدين .. تلقاه جاهز بالرد :
أأنا حاجج بيت الله .. وماكلتش أبدا حد .
**********
حتى كمان الاشعار... فيها النفاق بيزيد .
من قبلك دقنا مرار .... بقدومك شفنا العيد .
شعراء أصبحوا تجار .... في المدح وفى التمجيد .
بيفصلوا في الأشعار .. حسب الزبون مايريد .
**********
بلدي يام الأخلاق .. ليه النفاق بقى داء .
والداء لما بيتطور .... يقتل وكانه وباء .
والداء لما بيتطور .... يقتل وكانه وباء .
**********
((( ليه اللف ودوران )))
كلمة بقولها بعنوان ... ليه اللف ودوران .
ودا طبع غريب ف بلدنا ... محتاج وقفة من شجعان .
**********
أول كلامي ياناصج ... ليه بتلف وبتدور .
خليك في كلامك واضح ... حتلاقي طريقك نور .
أما ان درت ولفيت ... حتعيش على طول بتدور .
ومكانك جنب الحيط ... زي التعابين ف جحور .
**********
لو مثلا يوم حبيت ... قول أنا حبيت على طول .
وان جيت مرة مليت ... من حقة برضه تقول .
مش عايزك يوم تمدحني ... وتذمني لما أغيب .
وان جيتلك مرة اعاتبك ... حتركبنى ميت عيب .
**********
اكرهني ياصاحبي وقوللي ... حنقول الحب نصيب .
وحتفضل صحبي تماللي ... ومسيرك تبقى حبيب .
لكن بقى لو تجاملني ... وتخدعني دا اكبرعيب .
**********
ياصاحبي الدنيا دي فانية ... مش مستاهلة الاكاذيب .
دي الكذبة بتولد كذبة ... وتعيشنا ف تعذيب .
**********
ياصاحبي الدنيا دي سوق ... ناس وبضاعة وأموال .
فيها اللى بيصدق يكسب ... ويعيش مرتاح البال .
أما اللي بيكذب يتعب ... حتى ولوكسب المال .
من كذبة لكذبة بيهرب .. ويعيش دايما مطرود .
مطرود من ناسه ونفسه ......... وطريقه أكيد مسدود .
**********
ودي كلمة أخيرة بقولها ... عن اللف ودوران .
طبع يأخر طبع يدمر ... أخطر من مليون بركان .
**********
((( فين الدين فين الأخلاق )))
فين الدين فين الأخلاق ..... كلمات بس بقت تتكرر
على اللسان وعلى الأوراق ..... واختلافات على شكل ومنظر
******
حجاب ولحية وقفطان قصيّر ..... ووش متضايق ومكشّر
وطاقية هندي و باكستاني ..... والشبشب صيني وياباني
*******
وكتير فتاوي تقول بلاوي ..... وكلام غريب وجديد بيحير
واللي يهاجم واللي يكفــــّر ..... واللي يدافع واللي يبرّر
واللي يحرم واللي يحلل ..... واللي بيمدح واللي بينصح
والوقت ضايع ف الحكايات ..... وتقسيمات جماعات جماعات
*********
واللي في يوم كان أشقى الخلق ..... وما يستاهل غير الشنق
اصبح كأنه مولود مجاهد ..... عايز يخلي الكون يتغير
وينسى انه أبو المفاسد ..... ويصدق انه طاهر مطهــّر
********
وناس بتقفل أكبر شارع ..... عشان يقولوا عندنا جامع
والميكروفون بيسد ودان ..... لا يراعي طالب ولا عيان
*********
واللي ينصّب نفسه امام ..... علشان دقنه هي الأكبر
وبقفطان أبيض ومنور ..... يخطب ساعتين فوق المنبر
ولا بيحس ولا بيتأثر ..... بناس كتير يمكن تضرر.
فين الدين فين الأخلاق
كلمات بس بقت تتكرر.
**********
فين الدين فين الأخلاق ..... كلمات بس بقت تتكرر
على اللسان وعلى الأوراق ..... واختلافات على شكل ومنظر
******
حجاب ولحية وقفطان قصيّر ..... ووش متضايق ومكشّر
وطاقية هندي و باكستاني ..... والشبشب صيني وياباني
*******
وكتير فتاوي تقول بلاوي ..... وكلام غريب وجديد بيحير
واللي يهاجم واللي يكفــــّر ..... واللي يدافع واللي يبرّر
واللي يحرم واللي يحلل ..... واللي بيمدح واللي بينصح
والوقت ضايع ف الحكايات ..... وتقسيمات جماعات جماعات
*********
واللي في يوم كان أشقى الخلق ..... وما يستاهل غير الشنق
اصبح كأنه مولود مجاهد ..... عايز يخلي الكون يتغير
وينسى انه أبو المفاسد ..... ويصدق انه طاهر مطهــّر
********
وناس بتقفل أكبر شارع ..... عشان يقولوا عندنا جامع
والميكروفون بيسد ودان ..... لا يراعي طالب ولا عيان
*********
واللي ينصّب نفسه امام ..... علشان دقنه هي الأكبر
وبقفطان أبيض ومنور ..... يخطب ساعتين فوق المنبر
ولا بيحس ولا بيتأثر ..... بناس كتير يمكن تضرر.
فين الدين فين الأخلاق
كلمات بس بقت تتكرر.
**********
وعن السلبيات الشائعة في المجتمع المصري والتي يجب مواجهتها بكل حزم :
((( فيه حاجة غلط )))
لو شفت ناس بتعدي ما بين ... عربيات سرعتها 200
لو شفت مرة العربيات ... بتسابق في شمال ويمين
لازم نقول دا شيءغلط
لو شفت مرة الميكروباص ... يدخل يشق جموع الناس
لو شفت مرة الميكروباص ... يدخل يشق جموع الناس
والكل ماشي ف خير وسلام ... والوضع عادي وكله تمام .
لازم نقول دا شيءغلط
لو شفت شارع أربع حارات ... أصبح جراج للعربيات
لو شفت شارع أربع حارات ... أصبح جراج للعربيات
لو شفت ناس بتسد الشارع ... عشان يقولوا عندنا جامع
لازم نقول دا شيءغلط
لو شفت زينة وميكروفونات ... وزفة متكلفة ألوفات
لو شفت زينة وميكروفونات ... وزفة متكلفة ألوفات
وعريس يا عيني عنده جفاف ... مش
لاقي حتى العيش الحاف
لازم نقول دا شيءغلط
لو شفت مرة اتنين يتخانقوا ... على شيء يسوى تمن رغيفين
لو شفت مرة اتنين يتخانقوا ... على شيء يسوى تمن رغيفين
وف قعدة تانية قوام يتصالحوا ...
باتنين شاي مع سجارتين
لازم نقول دا شيءغلط
لو كنت ماشي وفجاة حتسمع ... كياس زبالة تقع وتفرقع
لو كنت ماشي وفجاة حتسمع ... كياس زبالة تقع وتفرقع
وبعد كدا تسمع معلش ... ماتضايقشي وما تزعلش
لازم نقول دا شيءغلط
لو شفت واحدة من الهاي هاي ... لما بتضحك بتقول ياي
لو شفت واحدة من الهاي هاي ... لما بتضحك بتقول ياي
ولما تمشي تقولك باي ... وجوا
بيتها تقول ياماي
لازم نقول دا شيءغلط
لو شفت واحد دخله 200... بيشتري البدله بألفين
لو شفت واحد دخله 200... بيشتري البدله بألفين
لو شفت واحد قالك ثواني ... وبعد كدا ما تشفهوش تاني .
لازم نقول دا شيءغلط
لو شفت حجز دروس خصوصية ... قبل الدراسة بسنة وشوية
لو شفت حجز دروس خصوصية ... قبل الدراسة بسنة وشوية
وناس تبيع عفشها وهدومها ... عشان يروح ابنها كلية
لازم نقول دا شيءغلط
لو شفت صورة متلخبطة ... عيون بتضحك ومعيطة
لو شفت صورة متلخبطة ... عيون بتضحك ومعيطة
وعيون بتبكي ومزقططة ... ما تقولش ابدا دي لخبطة
لازم نقول دا شيءغلط .
وعشان حياتنا تتظبط ... نبدأ نقول دا شيء غلط .
***********
وعشان حياتنا تتظبط ... نبدأ نقول دا شيء غلط .
***********
** واجتذبتني شخصية منتشرة تدعي المعرفة بكل شيء ، وقد
بدأ تفكيري برسم هذه الشخصية باسلوب ساخر عندما سمعت شخص ينتقد آخرين
كلما يسألهم عن شيء قالوا :( ما أدري ) وكأن كلمة ( ما أدري ) وصمة عار على قائلها .
((( أستاذ عـــارف )))
استاذ عارف دايما عارف ... عمره ما قال كلمة ماعرفش.
عن كل شيء بيقول أنا عارف ... والناس هي اللي ما تعرفش.
ولو تقول عارف مش عارف ... حتلاقي وشه ما بقاش وش.
حتلاقي ضلمة ومدفع رش ... وصوت بيعلى مايتفهمش .
احسن تقول له يابو المعارف ... واسمع كلامه وما تجادلش.
*******
تقول له تعرف تشيل حديد؟ ... يقول لك ازاي أنا ماعرفش.
دا نا اشيل 100 في كل ايد ... كأني شايل حبة قش.
*******
تقول له تعرف تلعب كورة؟ ... يقول لك ازاي أنا ماعرفش.
بشوتة واحدة اجيب جونين ... وعمرى أبدا ما خسرت ماتش
********
تقول له تعرف تلعب مصارعة؟ ... يقول لك ازاي أنا ماعرفش
دا انا اغلب اللي ما يتغلبش ... وأ فرم اللي يقول لي هش
*********
تقول له تعرف في الكاراتيه؟ ... يقول لك ازاي بتقول ايه
دا نا من زمان متربي عليه ... والكيس باجيبه بخمسين قرش .
**********
تقول له تعرف تلعب طاولة؟ ... يقول لك ازاي أنا معرفش.
أنا عندي قرصة زهر تخلي ... الرمية تطلع قوام بدُش.
**********
تقول له تعرف في الكوتشينة؟ ... يقول واخلي الشايب يقش.
تقول له تعرف في الشطرنج؟ ... يقول واخلي الحصان يكش.
********
تقول له تعرف تعوم ياعارف ... يقول وعديت بحر المانش .
تقول له تعرف عن فيثاغورث؟ ... يقول دي حاجة زي البورص.
تقسمها نصين تبقى اتنين ... تضربها بالشبشب ما تموتش.
********
تقول له تعرف دار المعارف؟ ... يقول لك أيوة دار أم عارف.
دي دارنا طبعا والكل عارف ... بناها جدو الباشا عارف.
تقول له تعرف أحمد زويل ... يقول دا طبعا أبوه زويل.
وكان زميلي ف الاعدادية ... لكنه يا خسارة ما كمِّلش .
*******
تقول له تعرف نابليون؟ ... يقول دا صاحبي من الدبلون
كان عنده ثروة بكام مليون ... ضيعها علشان كان مجنون .
*******
تقول له تعرف أبو جلمبو؟ .. يقول وباعرف أم جلمبو.
وحتى ابنه الكبير جلمبو ... حبيبي وانا متصور جنبه.
تقول له تعرف معنى الثورة؟ ... حيقول دي تبقى مراة الثور.
تقول له تعرف في الدستور؟ ... حيقول وقفنا عليه طابور.
أطول من طوابير العيش ... ف اخره قالوا خلص معلش.
**********
تقول له تعرف تهرش يا عارف؟ ... يقول وهرشي مش أي هرش.
تقول لعارف انت ياعارف ... فيه حاجة فيها ما بتعرفش؟
عارف يرد يقول ماعرفش ... إني أقول كلمة ماعرفش.
*****
((( ما بين فعل وكلام )))
احترت ياناس حرام ... ما بين فعل وكلام .
كلام عن النظام ... والذوق والالتزام .
وياريت اللي بيتكلم ... يظبط مواعيده تمام .
*****
وكلام في الانضباط ... من ظابط الظباط .
مسئول عن المرور ... وبيكسر ف الاشارات .
*****
استاذ علم النظافة ... لابس آخر ايافة .
يمسح وشه الجميل ... ويبحتر ف المناديل .
والشارع قرب ينطق ... ويقول الرحمة ياناس .
سبعين مليون يلزمهم ... سبعين مليون كناس .
وماحدش ينفع منهم ... غير أنه يكون أستاذ .
*****
واللي يوزع سلامات ... ويفرق في تحيات .
لكن لو قلت له هات ... تلاقيه قدامك مات .
*****
واللي من فوق المنبر ... بيقول بر الوالدين .
وعشان كلمة مش أكتر ... بيخاصم أهله سنين .
واللي يزعق ويكشر ... ويقول فين حق الجار .
ويعلي أكتر وأكتر ... ويسمّع جار الجار .
*****
وتشوف كلمة أمانة ... لبان على اللسان .
والذمة بحور بتبلع ... وتقول عايزة كمان .
*****
احترت ياناس حرام .... مابين فعل وكلام .
********
** كلمات عن سواق المشروع ويقصد به سائق الميكروباص في مدينة الاسكندرية
((( سواق المشروع )))
سواق مشروع زي المسروع ... وكأنه خلاص حيموت م الجوع.
في شمال ويمين زي المجانين ... ولايعرف شيء اسمه الممنوع .
في الزحمة كمان زي الرهوان ... يكسر اشارات ويطير طيران .
لولا ستر الله والناس شايفاه .. شوف كان داس في اليوم كام إنسان .
لولا ستر الله والناس شايفاه .. شوف كان داس في اليوم كام إنسان .
وكمان بيقسم في المشاوير.. علشان الاجره تبقى اتنين .
وينزل ناس ويطلع ناس ... وكأن الناس مش بني آدمين .
وينزل ناس ويطلع ناس ... وكأن الناس مش بني آدمين .
وان كان لك عنده ربع جنيه .. ينساه وكمان 100 وياه .
وياويلك لو حتطالب بيه .. يعملها حكاية لخلق الله .
ويقول يا جماعه شوفوا البيه ... على ربع جنيه برقلي عنيه .
وياويلك لو حتطالب بيه .. يعملها حكاية لخلق الله .
ويقول يا جماعه شوفوا البيه ... على ربع جنيه برقلي عنيه .
وأغاني عجيبة يشغلها.. احسن منها صوت المواتير .
تسمعها قوام تتخيلها.. متسجلة من إسطبل حمير .
وان قلت له بس توطي الصوت .. ينطق بكلام كدا مش مظبوط .
ويقول معلش يا عم الشيخ ... اصل انا من غير الدوشه أموت .
تسمعها قوام تتخيلها.. متسجلة من إسطبل حمير .
وان قلت له بس توطي الصوت .. ينطق بكلام كدا مش مظبوط .
ويقول معلش يا عم الشيخ ... اصل انا من غير الدوشه أموت .
دا حرام ياخد رخصة سواق ولا حتى كمان رخصة انسان
******
((( سواق التاكسي)))
كلمة باقولها للسواق .. اللي ما يعرفش الأخلاق .
********
سواق تاكسي ينقي الناس.. بدون ضمير وبدون إحساس .
(( دي واحدة حلوة مفيش مانع ... ودي وحشة لازم تتداس .
ودا طلب آخر الشارع ... أشيله أنا عالعين والراس .
خواجة دا وياريت ناخده ... فلوسه حلوة أكيد تتباس .
أما ابو عكاز ربنا ياخده .. مافيش وراه غير وجع الراس )) .
********
(( عجوزة دي حتعطلنا ... ومش بعيد ونش يشيلنا ...
يفيدنا ايه لو تدعيلنا ... وفي الحساب حتزعلنا .
دي واحدة شكلها غلبانة... قال ايه ورايحة زعربانة .
روحي الشئون لجتماعية ... جايز ينوبك عربية .
ناخد بدالها سعادة البيه ... العز باين جوا عنيه )) .
********
(( ودا خطيب ويّـــا خطيبته... يدفعلي طبعا من غير ليه .
أما التخينة ما تنفعشي ... واكلالها كام حلة محشي ...
دي لو حتقعد عالكرسي ... التاكسي يحلف ما حيمشي )) .
********
(( عيان ياعيني بيتسند .. يمكن يموت في العربية .
لو مات بقى مين يحاسببني .. يوم القيامة الضهرية ؟ ))
********
(( واللي يشاورلي بعياله .. ماعرفش ايه خيّب حاله .
لو كان لوحده لوصلته .. يستاهل اللي بيجراله )) .
********
(( كمان دي حامل وحتولد .. ومعاها راجل وولية .
لا دول تلاتة ماينفعشي .. حيبقوا كام بعد شوية )) .
(( ودا احترت أنا ف امره .. أركبه وأمري لله .
لو كان حكومة أأمن شره.. ولو زبون يبقى كسبناه )) .
********
أما الحساب آه منه حساب .... والقصد أقول آه منه عذاب .
مشوار وعايز بس جنيه.. ولما تدفع خمسة جنيه .
تقف ذليل قدام الباب ... تستنى الباقي جنيه ف جنيه .
وغير كلام مالهوش لزمة ... أكيد أكيد حترد عليه .
واللي يقوللك : (( روح امشي ... والباقي عمره ماحيغنيه .
ونصيحة تبقى معاك فكة ... ربنا يكفيك شر العركة )) .
الحل ياناس مش الفكة .. الحل ياناس الأخلاق .
وهي دي سر الازمة... بين الزبون وبين السواق .
*****************
((( كدا وكدا )))
كلام كتير كدا وكدا ... لا يجيب كدا ولا كدا
أما اللي أغرب من كدا ...لمــّا يقولوا عليه كدا
وان قلت انت مش كدا ... حتلاقي ياما كتير كدا –
حيقولوا ليه تقول كدا
وان قلت أنا رأيي كدا ... حتبقى ليلة منكدة
ويعلموك انك كدا ... تسمع كدا وتقول كدا
وما تقولش أبدا غير كدا
لكن ما تزعلشي كدا ... الدنيا بين كدا وكدا
مرة كدا ومرة كدا
********
كلمات كثيرة لا تحرك ساكنا ورغم ذلك نسمعها كثيرا في حياتنا اليومية ، ولو ادركنا عدم فاعليتها لامتنعنا عن الاتيان بها في احاديثنا واستبدلناها بما هو أكثر جدوى وفاعلية
((( تقدر تقوللي )))
تقدر تقوللي إسمع وبص .. وتقولي أسكت وتقوللي هس
لكن لا تقدر تقوللي إفهم .. ولا حتى تقدر تقوللي حس
*****
تقدر تقوللي إمشي ودب ... و تقوللي إغطس وتقوللي قب
لكن لا تقدر تقوللي إكره ... ولا حتى تقدر تقوللي حب
*****
تقدر تقوللي اربط وفك ... وتقوللي افتح وتقوللي سك
لكن لا تقدر تقولي ابدا... بلاش تخلي قلبك يشك
*****
تقدر تقوللي إسمع وبص .. وتقولي أسكت وتقوللي هس
لكن لا تقدر تقوللي إفهم .. ولا حتى تقدر تقوللي حس
*****
تقدر تقوللي إمشي ودب ... و تقوللي إغطس وتقوللي قب
لكن لا تقدر تقوللي إكره ... ولا حتى تقدر تقوللي حب
*****
تقدر تقوللي اربط وفك ... وتقوللي افتح وتقوللي سك
لكن لا تقدر تقولي ابدا... بلاش تخلي قلبك يشك
*****
تقدر تقوللي قرب واهرب ... وتقوللي طبطب وتقولي اضرب
لكن لا تقدر تقوللي افرح ... ولا حتى تقدر تقوللي اغضب
*****
تقدر تقوللي احكي وصارح ... وتقوللي جادل وتقوللي قاوح
لكن لا تقدر تقوللي انسى ... ولا حتى تقدر تقوللي سامح
*****
تقدر تقوللي أكتر وأكتر ...وبكلمة تؤمرني وتتأمر
لكن لا تقدر ولا حتقدر... انك تقوللي بلاش تفكر .
*****
** يتميز الانسان عن غيره من الكائنات بأن غالبية أفعاله يسبقها التفكير والتخطيط والحسابات الدقيقة ، ولا يجب أن يترك الانسان نفسه للاستجابات التلقائية العشوائية التي لا يسبقها التفكير الدقيق وتقدير النتائج ، وإلا لأصبح المستجيب في درجة أقل من درجات الانسانية التي كرمها الله .لكن لا تقدر ولا حتقدر... انك تقوللي بلاش تفكر .
*****
((( بالورقة والقلم )))
بالورقة والقلم الصعب يتفهم والفكر ينتظم
بالورقة والقلم
الكلمة تتكتب والحسبة تتحسب والقسمة تتقسم
بالورقة والقلم
ونسبب السبب بالعقل والادب ونقدم الطلب
بالورقة والقلم
ونحقق الغرض ونعالج المرض ونخفف الألم
بالورقة والقلم
ونخطط الخطط وننقط النقط ونصحح الغلط
بالورقة والقلم
ونبين المستور والضلمة تبقى نور والشك ينعدم
بالورقة والقلم
ونسجل العقود ونحدد الحدود ولا حد يتظلم
بالورقة والقلم
ونوصل الأخبار ونبين الأسرار ونقصر المشوار
بالورقة والقلم
ونقرر القرار ونغير المسار ونحرك الهمم
بالورقة والقلم
ونرتب الأفكار ونألف الأشعار واللحن والنغم
بالورقة والقلم
ونرجع اللي فات ونخللي الذكريات في القلب تترسم
بالورقة والقلم
بالورقة والقلم ياريتنا نلتزم ونخللي شعارنا دايما
بالورقة والقلم
**********
* كلمة للزعلان *
كلمة بقولها للزعلان
... واللي بيشكي من الزمان .
واسمحلي أقولك غلطان ... واثبت لك كدا بالرهان .
**********
كان الناس أسياد وعبيد ... من قبل حقوق الإنسان .
والتقاليد مافهاش تجديد ... والتطوير كفر وعصيان .
**********
والأمراض تحصد ملايين ... وماحدش أبدا دريان .
ولا حد بيعرف تأمين ... ومعاش علشان الغلبان .
**********
وياما ناس ماتوا بأمراض ... ما كانش ليها قرص مضاد
وياما ناس قبل العدسات ... عاشوا السنين كلها عميان
**********
وياما اتعدموا علماء ... قالوا الحقيقة قبل الأوان
وياما قامت كتير حروب
... وياما ضاعت فيها شعوب
**********
وبلاد تحل محل بلاد ... بالغصب وبدون أي اعتراض
ويصبح التاريخ حكايات ... في كتاب حواديت لشهر زاد
**********
وياما ماتت كتير
لغات ... وياما انقرضت حضارات
وياما اندفنت أسرار ... من قبل ما يكون فيه كتابات
**********
وبعد كدا لسه يازعلان وبعد ما سمعت البرهان
دلوقتي أحسن ولا زمان ؟؟؟؟؟؟!!!!
*********
** ومن الممارسات الروتينية في العمل التربية والتعليم ما جعلني أعبر عنها نثرا ونظما تحت عنوان ((( عجائب التربية والتعليم )))
((( اللجنة الادارية لامتحان الثانوية العامة )))
احترت من كتر التفكير ... والعقل قرب خلاص يطير .
تعالو بالراحة شوية ... نخش لجنة ادارية ... لانتدابات الثانوية .
الناس كتير ... زحمة وطوابير ... وماقوللكش على الاهانات .
تعالو هنا ... لأ روحو هناك ... خليكو بكرة ميعادكو فات .
***********
أسمع بودني واشوف بعنيـــّة ... وأشك في قوايا العقلية .
ألاقي ناس واقفة ميات ... طوابير عايزين اعتذارات .
وقصادهم طوابير ألوفات ... طالبين يتمنوا انتدابات .
والمشكلة واضحة ومحلولة ... مش عايزة بس غير خد وهات .
مش عايزة كلمة ولا نص كلمة ... ولا أي زحمة ولا ارتباكات .
يادوب موظف يكتب ويقرا ... هو اللي يستلم الطلبات .
*********
أما العجيبة قصدي المصيبة ... الحال دا يتكرر سنوات .
إذلال ما فيش بعده درجات ... يا بلدنا يا أم الحضارات .
***********
((( التطوير في التربية والتعليم )))
احترت من كتر التدوير ... على حل ولا حتى تفسير
حاسس دماغي حاتقول بم ... والعقل قرب خلاص يطير
*******
كلام كبير جودة ومعايير ... وكأن دا هو التطوير
والملصقات والمطبوعات ... غطت خلاص كل المساحات
وموظفين ألوفات ألوفات ... ولجان كتيرة ومتابعات
وتحقيقات وكمان جزاءات ... للي ما ينطقش الكلمات
بالضبط زي البغبغانات
********
وفلوس كتيرة بتتبحتر ... على الورق والميكروفونات
والكونفرانس واجتماعات ... ومصطلحات عايزة دماغات
*********
وناس في دنيا بعيدة بعيدة ... قاعدين يألفوا في القرارات
تحت المراوح والتكييفات ... جوا البدل والكرافتات .
ويقبضوا أكبر بدلات ... عن كل خطوة من الخطوات .
وعشان كدا التطوير شغال ... ينتج وينتج اختراعات .
اختراعات تلغي اختراعات ... زي الهدوم أشكال وموضات.
***********
وناس وشوشها بقت ماسكات ... تحت الأوامر والتعليمات .
زي التروس جوا المكنات ... ويبقوا للتطوير قيادات .
**********
وأسأل نفسي كتير وادوّر ... يمكن ألاقي شئ اتطوّر .
مالقيتش الا حال متأخر ... من قبل قرن ويمكن أكتر .
لسه الولاد يحفظوا جمادات ... وياخدوا علشانها الشهادات .
حتى النشاط اللي اسمه نشاط ... اصبح كلمات في سجلات .
وتتملي بيه التقارير ... آل يعني دا هو التطوير .
**********
وأشوف دروس خصوصية كتير ... ومدارس زي البورصات .
وكل حصة بقت تمثيل ... ولا فيه فهم ولا تحصيل .
والشرح ما بقاش له أوقات .
********
وكفاية كراسة التحضير ... عشان متابعات التطوير .
وبورتفوليو وملفات ... من أجل تجميع الدرجات .
وأهي كلها طبعا أرزاق ... للبياع أو للخطاط .
********
يارب انجدنا بتطوير ... حقيقي من غير الشعارات .
قبل ما عقلي خلاص حيطير ... يا بلدنا أم الحضارات .
********
((( كادر
المعلمين )))
ألا تدريَ ما كادر المعلمينـــــا...
أحاديث هزت سماء المدينة
على مبلغ لا يلبي احتياجــا... الى وجبةٍ كل شهر انفراجا
وكل العيون غدت ترصـــــده ... وكل المصارف والبائعينا
ألا هو مثل السـرابِ خِداعـا... وتسبقه الاسعار ارتفاعـــا
أتدري ما كـــادر المعلمينــا ... فتات بها الأســرار الدفينة
لتجعل أشقى الخيول مطيعا ... شمالا شمــــالا يمينا يمينا
ويدخل ما يشبه الامتحــان ... بعين كسيرة ونفس حزينة
وتأتيه من كل صوب لجـانٌ ... لتحمل أفكـــــــار الحالمينا
ينفذها مثلما البغبغان ... لكي لا يكون من المحرومين
ألا تدري ما كادر المعلمين؟
على مبلغ لا يلبي احتياجــا... الى وجبةٍ كل شهر انفراجا
وكل العيون غدت ترصـــــده ... وكل المصارف والبائعينا
ألا هو مثل السـرابِ خِداعـا... وتسبقه الاسعار ارتفاعـــا
أتدري ما كـــادر المعلمينــا ... فتات بها الأســرار الدفينة
لتجعل أشقى الخيول مطيعا ... شمالا شمــــالا يمينا يمينا
ويدخل ما يشبه الامتحــان ... بعين كسيرة ونفس حزينة
وتأتيه من كل صوب لجـانٌ ... لتحمل أفكـــــــار الحالمينا
ينفذها مثلما البغبغان ... لكي لا يكون من المحرومين
ألا تدري ما كادر المعلمين؟
*****
((( الفرحة فين والفرفشة )))
الفرحة فين والفرفشة؟ .... والطعم فين والقرمشة؟
والضحكة فين والزقططة؟ ... فيه حاجة مش متزبطة
**********
شايف شباب في الاربعين ... لا شبكة جابوا ولا دبلتين
وعيون تبص شمال ويمين ... وحاجة آخر لخبطة
**********
وفي البيوت أجمل آنسات ... حافظين تمام المسلسلات
حتى الفواصل والاعلانات ... والموضوعات المشتتة
**********
ونفوس كتيرة متحيرة ... ما بين حقيقة ومنظرة
واشوف ضماير بتشترى ... بلقمة ناشفة مفرفتة
**********
والحب أصبح المصلحة ... والسوق كأنه المذبحة
والدين طاقية ومسبحة ... والصورة باهتة مشخبطة.
الفرحة فين والفرفشة؟؟؟!!!
*******
** من أكثر الاسباب التي أدت الى تعاطفي الشديد مع الشعب العراقي في محنته وأثناء فترة الحصار الاقتصادي في التسعينات ... أنني عشت في العراق في فترة هامة من حياتي وهي بداية مرحلة العمل ، وأنني عندما كنت اتعامل معهم كعادتي بتلقائية وشفافية دون حذر ، وجدت منهم فهما جيدا لهذه التلقائية وتقديرا لصدقي معهم .الفرحة فين والفرفشة؟ .... والطعم فين والقرمشة؟
والضحكة فين والزقططة؟ ... فيه حاجة مش متزبطة
**********
شايف شباب في الاربعين ... لا شبكة جابوا ولا دبلتين
وعيون تبص شمال ويمين ... وحاجة آخر لخبطة
**********
وفي البيوت أجمل آنسات ... حافظين تمام المسلسلات
حتى الفواصل والاعلانات ... والموضوعات المشتتة
**********
ونفوس كتيرة متحيرة ... ما بين حقيقة ومنظرة
واشوف ضماير بتشترى ... بلقمة ناشفة مفرفتة
**********
والحب أصبح المصلحة ... والسوق كأنه المذبحة
والدين طاقية ومسبحة ... والصورة باهتة مشخبطة.
الفرحة فين والفرفشة؟؟؟!!!
*******
** تيقنت أنني بين أقرب الأقرباء الى نفسي وطبائعي ، وقامت صداقة بيني وبين العديد منهم ، وتميزت صداقاتي معهم بأنها مبنية على ثقة متبادلة لدرجة كبيرة لم أعتاد عليها من قبل .
** وجدت توازنا في الشخصية بين الشهامة والحمية ورجاحة الفكر بما يمكن أن يعيد أمجادا ويبني حضارة .
** وبدأت أتفكر في قوة الرابطة العربية القوية التي يحاول المغرضون أن يقللوا من شأنها وفي الأيدي الخبيثة التي تريد أن تمنع أي نهضة عربية في المنطقة بإدعاءات كاذبة وحجج غير سليمة .
((( انقذوا بغداد )))
لما سألت قلبي ..... إيـــه احلى البلاد .
رد عليّه قلبي .... أنا حبيت بغداد .
فيها ماعرفت غربة ..... ولا حتى البعاد .
********
في شارع الرشيد ... لقيت شارع فؤاد .
والنيل شفته ف دجلة ..... وشربت من الفرات .
وزقايق المنشية ..... مشيتهم أنا ف بغداد .
********
حسيت بالناس قرايبي .. بملامح الاجداد .
ودمهم ف قلبي .... والاصل له امتداد .
وعزة نفس عالية .... بتخليهم شداد .
شداد والقلب أبيض .... مابيعرفش السواد .
وصار منهم صحابي ... ودام بيننا الوداد .
********
والآثار القديمة ... تحكي تاريخ بلاد .
تاريخ دولة عظيمة ... والعاصمة بغداد .
وحضارة لسه حية .. جوا طبع الولاد .
طبع النخيل العالية .. في الصبر و في العناد .
الصبرعالشدايد ...... والظلم مهما زاد .
بغداد شايفك حزينة .. انوارك ما بتتقاد .
كام أم تبكي وتبكي .... مش لاقية لابنها زاد .
واللي بيحكي ويحكي ..... وكل الحكايات تنعاد .
*********
بغداد كام صوت بيشكي .. لقلوب زي الجماد .
وكام جريح بيصيح .... يالا انقذوا بغداد .
********
إيه ذنب طفل صغيـّــر.... بيورث الامراض .
أيه ذنب شعب نعاقبه ... لغلطة من أفراد .
********
عشر سنين وزادوا ... وف كل يوم ضحايا .
لو كان ضمير حسبها .. كان قال حرام كفاية .
دي بلاد عشان ضحية ..... تعمل مليون حكاية .
لكن صياح بغداد .. خلاص بقى معتاد .
********
بغداد خلاص لا تشكي ... إلا لرب العباد .
ابنك بكرة حيكبر .... وقوته تزداد .
وكمان شعبك حيكتر ... وعمره ماحيتباد .
وحترجعي منصورة .. وأنوارك تتقاد .
وحترجع العروبة .. دولة ومش بلاد .
بكرة التاريخ ينوّر ... بالقاهرة وبغداد .
**********
لما سألت قلبي ..... إيـــه احلى البلاد .
رد عليّه قلبي .... أنا حبيت بغداد .
فيها ماعرفت غربة ..... ولا حتى البعاد .
********
في شارع الرشيد ... لقيت شارع فؤاد .
والنيل شفته ف دجلة ..... وشربت من الفرات .
وزقايق المنشية ..... مشيتهم أنا ف بغداد .
********
حسيت بالناس قرايبي .. بملامح الاجداد .
ودمهم ف قلبي .... والاصل له امتداد .
وعزة نفس عالية .... بتخليهم شداد .
شداد والقلب أبيض .... مابيعرفش السواد .
وصار منهم صحابي ... ودام بيننا الوداد .
********
والآثار القديمة ... تحكي تاريخ بلاد .
تاريخ دولة عظيمة ... والعاصمة بغداد .
وحضارة لسه حية .. جوا طبع الولاد .
طبع النخيل العالية .. في الصبر و في العناد .
الصبرعالشدايد ...... والظلم مهما زاد .
بغداد شايفك حزينة .. انوارك ما بتتقاد .
كام أم تبكي وتبكي .... مش لاقية لابنها زاد .
واللي بيحكي ويحكي ..... وكل الحكايات تنعاد .
*********
بغداد كام صوت بيشكي .. لقلوب زي الجماد .
وكام جريح بيصيح .... يالا انقذوا بغداد .
********
إيه ذنب طفل صغيـّــر.... بيورث الامراض .
أيه ذنب شعب نعاقبه ... لغلطة من أفراد .
********
عشر سنين وزادوا ... وف كل يوم ضحايا .
لو كان ضمير حسبها .. كان قال حرام كفاية .
دي بلاد عشان ضحية ..... تعمل مليون حكاية .
لكن صياح بغداد .. خلاص بقى معتاد .
********
بغداد خلاص لا تشكي ... إلا لرب العباد .
ابنك بكرة حيكبر .... وقوته تزداد .
وكمان شعبك حيكتر ... وعمره ماحيتباد .
وحترجعي منصورة .. وأنوارك تتقاد .
وحترجع العروبة .. دولة ومش بلاد .
بكرة التاريخ ينوّر ... بالقاهرة وبغداد .
**********
*************
((( غرابيل )))
غرابيل و أغرب من الخيال ... يعدي منها الفيل ورا فيل .
وتخنق النمل الشغال ... عشان يا عيني دمه تقيل .
مابيعرفش يمشي الحال ... بكلمة حلوة وفعل قليل .
*********
والنمل بيشيل فى الأحمال ... والفيل على الأكتاف يتشال .
ويعملوه بطل الأبطال ... وتنفتح له خزاين المال .
ويعدي من كل الغرابيل .
**********
غرابيل و أغرب من الخيال ... يعدي منها الفيل ورا فيل .
وتخنق النمل الشغال ... عشان يا عيني دمه تقيل .
مابيعرفش يمشي الحال ... بكلمة حلوة وفعل قليل .
*********
والنمل بيشيل فى الأحمال ... والفيل على الأكتاف يتشال .
ويعملوه بطل الأبطال ... وتنفتح له خزاين المال .
ويعدي من كل الغرابيل .
**********
((( فزورة عن الشاعر " السيد الخشاب " )))
فزورتي شخص من الأشخاص .. في قلبي له حب و إخلاص .
اسمر وقلبه زي الفل ... مليان محبه لكل الناس .
ملامحه مابتعرفش الغل .. والبسمه على وشه بتتباس .
أشعاره مفهومه للكل .. فيها الجمال فيها الإحساس .
*************
تسألني دا غني ولا فقير ... أقول رصيده قلوب الناس .
وعنده أجمل رباعيات ... كلامها مترتب بمقاس .
وتسمعه يقولها بتأني ... تقول أكيد أنه بيغني .
****************
عزيز ف طبعه وكريم وجيد .. واسمه جوا ف قلوبنا سيد .
سيد بذوقه سيد بأدبه । وحقيقي سيدنا وتاج الراس ।
*********
فزورتي شخص من الأشخاص .. في قلبي له حب و إخلاص .
اسمر وقلبه زي الفل ... مليان محبه لكل الناس .
ملامحه مابتعرفش الغل .. والبسمه على وشه بتتباس .
أشعاره مفهومه للكل .. فيها الجمال فيها الإحساس .
*************
تسألني دا غني ولا فقير ... أقول رصيده قلوب الناس .
وعنده أجمل رباعيات ... كلامها مترتب بمقاس .
وتسمعه يقولها بتأني ... تقول أكيد أنه بيغني .
****************
عزيز ف طبعه وكريم وجيد .. واسمه جوا ف قلوبنا سيد .
سيد بذوقه سيد بأدبه । وحقيقي سيدنا وتاج الراس ।
*********
***************
((( فزورة عن الشاعر " عادل سند " )))
فزورتي عن انسان انسان .... اسكندراني من الجدعان .
نحيل قوامه وطويل كمان ..... وفي الزجل فنان فنان .
*************
أصيل واصله عليه يبان .. دخل قلوبنا اخد مكان .
وصوته بين الألوف يبان .... كأنه من ثروة بركان .
************
في الحق عنده أطول لسان .. وفي المحبة يفيض حنان .
عمري ماشفته ف يوم هيمان ... من ضحكة أو هزة فستان .
************
وشال همومه قبل الأوان ... عشان يقدمها ف ديوان .
والناس تحبه وده عشان ... في طبعه دايما الاتزان .
والعدل عنده هو الميزان .. وفي الشدايد سند أمان .
************
فزورتي عن انسان انسان .... اسكندراني من الجدعان .
نحيل قوامه وطويل كمان ..... وفي الزجل فنان فنان .
*************
أصيل واصله عليه يبان .. دخل قلوبنا اخد مكان .
وصوته بين الألوف يبان .... كأنه من ثروة بركان .
************
في الحق عنده أطول لسان .. وفي المحبة يفيض حنان .
عمري ماشفته ف يوم هيمان ... من ضحكة أو هزة فستان .
************
وشال همومه قبل الأوان ... عشان يقدمها ف ديوان .
والناس تحبه وده عشان ... في طبعه دايما الاتزان .
والعدل عنده هو الميزان .. وفي الشدايد سند أمان .
************
**********
((( فزورة عن الشاعر د محمد شكري )))
دكتور بأخلاقه وبعلمه .. وباحترامه لكل الناس .
وسيم بشكله .. حكيم بعقله .. مظهر وجوهر زي الماس .
في الشعر فارس .. موهوب ودارس .. ممتاز واكتر من ممتاز .
كلامه دافي .. بلسم وشافي .. من قلب صافي .. زي الازاز .
في كل ندوة .. أستاذ وقدوة .. وشوية لما نقول أستاذ .
*************
مش بس شاعر .. دا بحر واعر ... عايز له ولا مليون غواص .
بحر الثقافة .. بحر الفنون .. بحر المحبة والاخلاص .
فصيح لسانه ... مظبوط ميزانه .. يوزن معاني قبل الحروف .
طبيب يداوي . كل البلاوي .. بكلمة حلوة تسوى الألوف .
ياريت الاقي كلمة تعبر .. عن احترامي وشكري ليه .
لكن شكري . دا مش كفاية ... دي بس كلمة تدل عليه .
***********
((( فزورة عن الشاعر د محمد شكري )))
دكتور بأخلاقه وبعلمه .. وباحترامه لكل الناس .
وسيم بشكله .. حكيم بعقله .. مظهر وجوهر زي الماس .
في الشعر فارس .. موهوب ودارس .. ممتاز واكتر من ممتاز .
كلامه دافي .. بلسم وشافي .. من قلب صافي .. زي الازاز .
في كل ندوة .. أستاذ وقدوة .. وشوية لما نقول أستاذ .
*************
مش بس شاعر .. دا بحر واعر ... عايز له ولا مليون غواص .
بحر الثقافة .. بحر الفنون .. بحر المحبة والاخلاص .
فصيح لسانه ... مظبوط ميزانه .. يوزن معاني قبل الحروف .
طبيب يداوي . كل البلاوي .. بكلمة حلوة تسوى الألوف .
ياريت الاقي كلمة تعبر .. عن احترامي وشكري ليه .
لكن شكري . دا مش كفاية ... دي بس كلمة تدل عليه .
***********
***********
((( فزورة عن الفنان صلاح جاهين )))
بسم الله حنقول الفزورة .. انسان وفي قلوبنا له صورة .
بفنه ساكن أعلى المساكن ... فنان وشامل حقيقي نادر .
رسام وشاعر مليان مشاعر ... الثورة طبعه وكلامه ساخر .
*************
وفي الصحافة يترك علامة . مع ان قوله ما كانش ياما .
وهي رسمة ويا ابتسامة ... مفعولها كان زي البرشامة .
اسلوبه دايما بسيط وساهل ... وشغله باقي زي الجواهر .
************
ومين ماشافشي أجمل ليلة ... وغنوة للريس حنتيرة .
تسمعها منه... تقول كأنه ... مولود ف مولد ... وعاش ف حارة .
قدر يخلي للصورة غنوة قدر ...قدر يخلي للغنوة صورة .
عرفتوا بقى مين صاحب الصورة ... اللي حكيتهالنا الفزورة .
***********
***********
((( فزوره عن الشاعر سمير إدريس )))
فزورتي ولا كل الفوازير ..انسان حقيقي مقامه كبير
**********
في الشعر كل كلامه جميل .. إن قال كتير أو حتى قليل
ومهما قلت كتير وكتير .. ماقدرش أبدا عالتعبير
********
وكفاية انه ف قصر ابوقير.. أمير حقيقي وطبعه أمير
والكل بيقول له يا أمير .. ويحلوا فزورة الفوازير
**********
فزوره سهله قوي ومحلوله .. وحلها أستاذنا سمير
هو اللي حنقدمله الليلة .أطيب تحية مع التقدير
**********
* الكلمة الطيبة صدقة.. الكلمة الطيبة شجرة مظلة ..بسم الله حنقول الفزورة .. انسان وفي قلوبنا له صورة .
بفنه ساكن أعلى المساكن ... فنان وشامل حقيقي نادر .
رسام وشاعر مليان مشاعر ... الثورة طبعه وكلامه ساخر .
*************
وفي الصحافة يترك علامة . مع ان قوله ما كانش ياما .
وهي رسمة ويا ابتسامة ... مفعولها كان زي البرشامة .
اسلوبه دايما بسيط وساهل ... وشغله باقي زي الجواهر .
************
ومين ماشافشي أجمل ليلة ... وغنوة للريس حنتيرة .
تسمعها منه... تقول كأنه ... مولود ف مولد ... وعاش ف حارة .
قدر يخلي للصورة غنوة قدر ...قدر يخلي للغنوة صورة .
عرفتوا بقى مين صاحب الصورة ... اللي حكيتهالنا الفزورة .
***********
***********
((( فزوره عن الشاعر سمير إدريس )))
فزورتي ولا كل الفوازير ..انسان حقيقي مقامه كبير
**********
في الشعر كل كلامه جميل .. إن قال كتير أو حتى قليل
ومهما قلت كتير وكتير .. ماقدرش أبدا عالتعبير
********
وكفاية انه ف قصر ابوقير.. أمير حقيقي وطبعه أمير
والكل بيقول له يا أمير .. ويحلوا فزورة الفوازير
**********
فزوره سهله قوي ومحلوله .. وحلها أستاذنا سمير
هو اللي حنقدمله الليلة .أطيب تحية مع التقدير
**********
ولا يجب أن نستهين بالكلمة فهي طاقة تنتقل وتؤثر وتفعل ، وكم من دول وشعوب نهضت من كلمات ألهبت المشاعر وأقنعت العقول وفجرت الطاقات ، وكم من دول وشعوب أخرى هلكت من كلمات خدعت المشاعر والعقول وعطلت الطاقات .
((( كلمات )))
ياما و ياما كلام يتقال ... فعال اكتر م الأفعال .
" بسم الله " في الأول طبعا ... كلمة بكل حروفها جمال .
كلمة " الله ينور" .. مثلا .. تدي عزيمة تهد جبال .
كلمة"حاضر" "طيب" "شكرا".. بتكســـب من غير راسمال .
**********
كلمة " حب " تكون م القلب ... تخش القلب قوام في الحال .
كلمة " حب " تكون بالكذب ... بتبني قصور لكن برمال .
**********
كلمة " لو" بتعكر جو ... كلمة تعطل كل آمال .
كلمة " بكرة الحال يحلو" .... كلمة تحقق كل محال .
**********
ياما وياما كلام يتقال ... فعال اكتر م الأفعال .
**********
كلمة آسف كلمة تريـــح ... كل ضمير صاحي وشغــال .
والمجروح بتطيــب جرحه... وتخليه مرتاح البال .
وال " معلش" دي لما بتكتر ... بتشقلب كل الأحوال .
بتخلي الرهوان يتعطل ... و بتزرع طبع الإهمال .
**********
وال" معرفش" دي كلمة توفر... أوقات ومناقشات وجدال .
كلمة ف ذاتها إفادة وفتوى ... زي ما بتقول الأمثال .
**********
ياما وياما كلام يتقال .... فعال أكتر م الأفعال .
**********
وال " لأ" تطلع طلقة مدفع ... ماتخليش للشك مجال .
لو تتقال للظالم يرجع ... ويغير سكته في الحال .
أما ال " لأ " لو ضد الحق ... الحق ما يغلبهوش زلزال .
**********
وال"آه" حتى ولو باشاره ... نور اخضر بيمشي الحال .
أما ال" آه " لو ويـــا الباطل ... أخطر من كل الأفعال .
**********
ياما وياما كلام يتقال .... فعال " أخطر" م الأفعال .
**********
ياما و ياما كلام يتقال ... فعال اكتر م الأفعال .
" بسم الله " في الأول طبعا ... كلمة بكل حروفها جمال .
كلمة " الله ينور" .. مثلا .. تدي عزيمة تهد جبال .
كلمة"حاضر" "طيب" "شكرا".. بتكســـب من غير راسمال .
**********
كلمة " حب " تكون م القلب ... تخش القلب قوام في الحال .
كلمة " حب " تكون بالكذب ... بتبني قصور لكن برمال .
**********
كلمة " لو" بتعكر جو ... كلمة تعطل كل آمال .
كلمة " بكرة الحال يحلو" .... كلمة تحقق كل محال .
**********
ياما وياما كلام يتقال ... فعال اكتر م الأفعال .
**********
كلمة آسف كلمة تريـــح ... كل ضمير صاحي وشغــال .
والمجروح بتطيــب جرحه... وتخليه مرتاح البال .
وال " معلش" دي لما بتكتر ... بتشقلب كل الأحوال .
بتخلي الرهوان يتعطل ... و بتزرع طبع الإهمال .
**********
وال" معرفش" دي كلمة توفر... أوقات ومناقشات وجدال .
كلمة ف ذاتها إفادة وفتوى ... زي ما بتقول الأمثال .
**********
ياما وياما كلام يتقال .... فعال أكتر م الأفعال .
**********
وال " لأ" تطلع طلقة مدفع ... ماتخليش للشك مجال .
لو تتقال للظالم يرجع ... ويغير سكته في الحال .
أما ال " لأ " لو ضد الحق ... الحق ما يغلبهوش زلزال .
**********
وال"آه" حتى ولو باشاره ... نور اخضر بيمشي الحال .
أما ال" آه " لو ويـــا الباطل ... أخطر من كل الأفعال .
**********
ياما وياما كلام يتقال .... فعال " أخطر" م الأفعال .
**********
* ومع الاستمرار في كتابة الفوازير ، و التعامل مع الكلمات المنظومة والمنثورة .... وجدت أن " الكلمات " في حد ذاتها من أهم الموضوعات التي تستحق البحث فيها ، واستحسنت فكرة كتابة فوازير عن الكلمات لنفس الغرض الذي كانت من أجله الفوازير النباتية ، ولم أفرق ... في اهتمامي ... بين الكلمات الفصحى والكلمات العامية ، حيث أنني اقتنع تماما بأن الكلمة ... تكمن قيمتها ... في أنها وسيلة للاتصال ، ولنقل المعاني بين الناس ، وأن كل الأفعال المؤثرة في حياتنا كانت بدايتها كلمات .
((( فوازير عن الكلمات )))
فوازيرنا كلمات تتقــــال .. بتـــغيــــر وتبدل حـــــال .
**********
كلمة تقولها بالعاميـــة .. في بلدنا الحلوة المصريـــة .
وكلمة بالفصحى العربيــة .. عن كل شيء وف أي مجــــال .
**********
كلمة تكون من جوا القلب .. تملا حياتنا حب ف حب .
وكلمة تانية انجدنا يا رب .. واحمينا من شر الأقوال .
*********
كلمة بتبني وكلمة تعمر .. كلمة تخلي العقل يفكر .
كلمـــة تدمــر .. كلمـة تأخــر .. كلمــــة ترجـــع ورا أميال .
**********
كلمة بتسأل كلمة ترد . كلمة هزار أو كلمة بجد .
وكلمة ترخي وكلمة تشد .. زي ما بتقــول الأمثــال .
**********
كلمة تفرح كلمة تشجع .. كلمة تربي كلمة تدلع .
واهي كلها كلمات تتقال .. فعلهـا أكتر م الأفـعال .
**********
فوازيرنا كلمات تتقـــال ... بتــغيـــر وتبدل حـال .
**********
((( كلمة "الله" )))
أجمل كلمة نطقها لسان .. باستغراب أو استحسان .
بتأكد معنى الإيمـان ... المخلــوق جــــوا الإنسان
**********
كلمة جمالها ف قولة آه .. لما تحرك في الوجدان .
و تحسها في نبض حياه .. وف خلق الكون و الأكوان .
***********
كلمتنا مش صوت يملا ودان .. ولا حبر على ورقة وألوان .
لكن دي معنى يهز كيان... و يصحـــي كل ضمير غفلان .
**********
كلمة بتكسب منها ثواب .. و تتحسب لك في الميزان .
وبتفتحلك أوســـع باب .. باب الرحمة والغفران .
**********
كلمة ف كل زمان ومكان ... بيرددها كل ما كان .
وحتى اصغر شيء ف جزيء . بيقول سبحان الرحمـــن .
**********
((( كلمة "لو")))
قالوا زمان الكلمة دوا ... وانا قلت ايوا حقيقي بجد .
دي كلمة قد همس الهوا .. بتبني يامــــا و يامـــا تهد .
**********
كلمة اللي يقولها الندمان ... اللي ايديه دايما عـالخد .
ويقولها كمان الكسلان .. علشان بس يضيـــع وقت .
**********
كلمة توسوس للإنسان .. لو كان بعدها كلمة كان .
و بتقتــل أمل العشمان .. لو تتقــال مرة في الوعــد .
***********
كلمة بتقطع كلمة بتمنع .. وترخي مرة ومرة تشد .
و الودن ياما و ياما بتسمع .. والكلمــة تطلع ولا تترد .
**********
كلمة ما تكتبهاش في العقد .. علشان شرطها أصعب شرط .
وهي يادوب حرفين اتنين .. وصـوتها يشبه صوت القــط .
**********
عرفتوا بقى ايه هي الكلمة ؟ .. أكيد عرفتوا أكيد بالظبط .
**********
((( كلمة "إيه" )))
كلمة خفيفة على الإنسان .. من كل جنس و كل مكان .
تلات حروف وكــأنها حرف . و ما تحتاجش لقولها لســان .
**********
كلمة يقولها كبير وصغيـــــر .. حتى ولو كان بيقول واء .
كلمة يقولهــــا اللي بيستفسر ... واللي بيسأل عــالأشياء .
**********
كلمة ف مصر بمعنى سؤال .. في الجهر والسر بيتقال .
سؤال يفيد الاستفسار .. وف كل لحظـــة أكيد عالبــال .
**********
كلمة زمان الإنسان قالها ... لما لقى الكون من حواليه .
حاجات بمعانيها و أشكـالها ... تشغل فكره قبل عنيــــه .
أكيد عرفتو الكلمة دي إيــــــه .
*********
((( كلمة "آسف" )))
ياما و ياما كتير أصوات ... تسكت حتى بكلمة هس .
إنما صوت العقل بينطــق ... طــول ما البني آدم بيحس .
**********
والعقل دايما دايما يسأل ... و ما يعرفش أبـــدا يأس .
يسأل يقول إيـــه الأسباب ... ما يقولش أبدا خلاص وبس .
**********
بالعقل نفهم إن العلم ... مش كلمات علشان تترص .
العلم تفكير العلم فهــم .. العلـم بحث بيولد بحث .
**********
والعقل من طبع الإنسان... وفطرة مخلوق بيها زمان .
عشان يقول إيه الأسباب .. ويعيش يفكر ما يقولش بس .
*********
واللي يدور عالأسباب ... يفضل بعقله دايما شباب .
هو اللي ينفع نفســـه بنفســــه ... هو اللي فاهم كل الدرس .
**********
أما اللي يحفظ مليون كتاب .. سنين حياته حتبقى سراب .
ونهايته حتكون يادوب تراب .. و ياريته كان اسطوانة قرص .
**********
واللي بيمشي على الروتين .. وعقله دايما ما بيسألش ...
ياريته كان آلــــة أو ترس ... أو حتى كان تمثال بالجبس .
*********
ومهما قلنا و مهما اتقال .. دا كله رايح إلى زوال .
حتى الكـــــلام حتى الأفعال .. والباقــي طبعا واحد بس .
**********
اللي احنا منه وليه واليه ... اللي اعتمادنا كله عليه.
هو اللي خلـــى العقل بيسأل ... و الودن تسمع .. والعين تبص .
**********
والكلمة طبعا أكيد سؤال ... بلهجة مصرية بتتقال
غنى لها موسيقار الاجيال ....اكيد عرفتوا الكلمة دي إيـــه .
وكل شيء بتدل عليه .**********
((( كلمة "آه" )))
كلمة خفيفة رقيقة ف قولها .. من حرفين اتنين يا جمــالها .
**********
لما يقولها اللي بيتألم .. قلب القاسي يحن أكيد .
لما يقولها اللي بيتندم .. حتقول إنها صوت تنهيد .
لما يقولهــا اللي بيتكلم .. تفهم منهــا رد مفيـــد .
**********
تسمع صوتها تشوف إشارتها .. نور أخضر بيمشي الحال .
حتى ولو تتقال بسكوتهـا .. فيها رضا وخجــل ودلال .
**********
لو تتقال للحق حتبقى ... صوت على صوت عالي وفعــال .
إنما لو تتقال للباطـــل .. أخطر من كـل الأفعـــال .
**********
كلمة خفيفة رقيقة ف قولها .. من حرفين اتنين يا جمالهــــا .
**********
((( كلمة "حب" )))
كلمة تقولها العين والقلب ... مفعولها أقوى من الطب .
لكن لو تتقال بالكذب .. تبقى حقيقي أكبر ذنب .
**********
كلمة صغيرة قد الدقة ... فيها كل معاني الرقة .
و ما تقدرش تقول لها " لأ " ... لما تكون من قلب لقلب .
**********
كلمة صغيرة من حرفين... بتقرب بين الاتنين .
وتخليهم أسرة و عيلة ..وتجمـــعهم دولة وشعب .
*********
كلمة تنبت زي الحبة ... لو تتربى ف أرض محبة .
تعلى وتعلى وتطرح حب .. يا رب بارك فيها يا رب .
**********
((( كلمة "لأ" )))
كلمة صغيرة بس تفيد .. مالهاش إلا معنى وحيد .
فيها إجابة ورأي سديد ... حتى ولو تتقال بالإيد .
**********
زي السيف بادين شجعان.. ويخاف منها كل جبان .
فيها الأبيض فيها الأسـود .. لكن ما فهــاش الألــوان .
**********
زي المشرط لما بيوجع . لكنه بيعالج وبينفع .
احسن ياما من البرشامــــة .. اللي تخدر واللي بتخدع .
**********
كلمة بتطلع طلقة مدفع .. ما تخليش للشك مجال .
لو تتقال للظالم يرجع ..... ويغير سكته في الحال .
**********
كلمة بتفصل بين طريقين ... و بنكتبها من حرفين .
و بتتقال بالعين والبق .. وصوتها عالي ... زي الحق .
**********
((( كلمة "معلش" )))
لكــــل شيء حــد ومقدار ..حتى الكلام حتى الأفكار .
**********
دي كلمة مثلا تطفي نار .... وتريح البال المحتار .
لكنهـــا بالاستمرار .. ألعن من السوس الحفـــار .
**********
تحفر .. تهد ... ف كل عمار .. تزرع بذور الاستهتار .
توقع الطير اللي طـــــــــــــار .. وتعلــــي من شأن الصرصـار .
*********
كلمة حقيقي كتير بتغش ... شكلها ماية وفعلها نار .
مرة بوش ومــــــــــــرة بوش .. و الإسم كلمـــــــــــــــة للإعتذار .
**********
كلمة تحطــــــــــــم كلمة تدمـــــــــــر .. و تخلينا منتقدمش .
نرجع نقــــــــــــول تاني ونكرر .. كلمة حقيقي كتير بتغش .
**********
((( كلمة "سلام" )))
لو الكلام كان له ألوان ... كلمتنا لون كل الألوان .
لو الكلام كان له أشكال .. كلمتنا غصــن من الأغصـان .
**********
وقالوا ياما و ياما كمان ... عن كلمة فيها الاطمئنان .
هي طريق الخير للكـل ... وطريـــــق النــــور والإيمان .
**********
قالوا الكلام الحلو يبان .. من البداية والعنوان .
حتى ولو من طرف لسان .. واجب علينــا والتزام .
**********
وقالوا عن مفتاح القلب .. نظرة وبسمة و كلمة حب .
وأحلى دعوة نقولها يا رب ... يكـــون كلامنا أحلــى كلام .
**********
و يا رب تبقى حياتنا أمان .. بالعزة مش بالاستسلام .
ويدوم مـــا بينا الاحترام .. و ختامنا يبقى أحلى ختـــام .
**********
((( كلمة "صبر" )))
كلمتنا أحلى كلام يتقال .. لما تضيق بينا الأحوال .
وتقيد لنا شموع الآمال ... وتنور الليل اللي طـــــال .
**********
كلمتنا معنى يهد جبال . ... وتحقق اللي ما كان عالبال .
صدق اللي قالوا في الأمثال ... جميل وأجمل من الجمــال .
*********
هي الثبات .. هي الإصرار .. تحمينا من كل الأخطار .
هي السحــاب قبل الأمطــار.. هي الهدوء قبل الإعصـار .
**********
كلمتنا قوة من الإيمان ... لازم تكون عند الإنسان .
وهي حصن وهي أمان . وهي حكمـــة ف كـل زمـــان .
**********
ثلاث حروف أولهم " ص " .. أكيد بيعرفها الصياد .
اللي قعد ساعات وساعات . عالشط بالبوصــة بيصطــــاد .
*********
ثلاث حروف وآخرهم " ر " .. زرعة بتتحدى الصحرا .
و شوية بس من المطـرة ... تجعلها طـول السنــة خضرا .
**********
فزورة سهلة على فكرة ... بـاي بــاي وحنشوفكم بكـــرة .
***********
((( كلمة "شكرا" )))
كلمة وفيها أحلى مكافأة .. تتقال شفوي أو على ورقة .
كلمة تريـــح كلمة تشــجــع ... كلمــة بتديك دفـــــعة و زقـــة .
**********
كلمة تخلي الإنسان يدي . من غير ما يقول ليه ولا لأ .
و ياما كلام بيروح ويعدي ... لكن الكلمـة دي هـــي الأبقى .
**********
كلمة بتتقال رد جميل .. وللمجاملة والتجميل .
كلمــة حقيقي بمعنى جمـــيل ... فيها الأدب و الذوق و الرقة .
***********
أربع حروف أولهم " ش " .. تنطقها بدون أي مشــــقة .
تكسب بيــها دنـيا وديــن .. تكسب بيها ثواب الصــــدقـــة .
**********
((( كلمة "فين" )))
قالوا زمان ان اللي بيسأل . يوصل حتى ولو بعد حين .
واللـــــــي مايسألش ويستكبر .. عمره مـا يتقدم متريـــن .
**********
يفضل دايما ورا متأخر .. والناس قدامه ملايين .
وبكلمة لو قالـها حيقدر ... يوصـل حتى لآخر الصين .
*********
كلمة بتتقال بالعامية ... وتشوفها ف آخر حرفين .
فزورة سهلة زي المايـــة ... مش حنقول زيــها بعدين بعدين .
*********
((( كلمة "هس" )))
تقدر تسكت مليون لسان ... وتسد كل الودان كمان .
لكنه صعب وأكبر صعب ... إنك تغير شيء في القلب
************
تقدر تسكت ألف وماية ( 1100 ) ... بكلمة واحدة بالعامية
لكن ياريت ما تقولهاش ليـّــه ... عشان دي كلمة شديدة قوية
************
تقدر تقوللي إسمع وبص ... بكلمة واحدة ويمكن نص
لكن لا تقدر تقوللي إفهم ... ولا حتى تقدر تقوللي حس
************
كلمة يادوب من حرفين بس ... وما فيش بعدها صوت ولا همس
كلمة أكيد لازم تعرفها ... لما حتوصل آخر الدرس
************
((( كلمة "تحت" )))
علشان تعلى وتعلى وتعلى ... إياك تفكر مرة تطاطي
دا اللي يطاطي عمره ما يعلى ... ويعيش دايما دايما واطي
وعشان تبقى حياتك أحلى ..اسمع يالا معايا الآتي
*******
كلمة خفيفة بسيطة وسهلة .. بنقول ونعيد فيها يوماتي
تلات حروف منهم حرفين ... عالطرفين زي الجناحين
*******
كلمة اجابة لكلمة فين .. بالفصحى وبالعاميات
كلمة بتفصل بين مكانين .. وتفرق بين المكانات
وتعرفنا الناس مقامات .... بينهم فرق المستويات
*******
واسمع مني نصيحة صريحة .. حتفهم منها حاجات وحاجات
لو قلت مرة إنك وصلت .. أو حسيت انك ارتحت .
اتأكد مليون في الماية ... انك عايش في الظلمات .
لا فهمت أبدا معنى الدنيا ... ولا حتى شفت ولا فتحت .
*******
((( كلمة "فوق" )))
ياللي غرورك خلى عنيك .... ما تشوفش الناس من حواليك
شايف نفسك انك عالي ... وانت ياعيني ياعيني عليك -
مابتعرفشي ان العالي ... عمره ما يفضل دايما عالي
زي ما يطلع ينزل تحت ... والتحت عمره ما يفضل تحت
دايرة ماحدش يهرب منها ... ما فهاش لابداية ولا نهاية
والعاقل يتعلم منها ... من غير حدوتة ولا حكاية
وعشان كدا قلنا كلمتنا ... صغيرة من ثلاث حروف
بتفكرنا بأعلى مكان ... ومصير بعده أكيد معروف
ومن هنا كانت دعوتنا ... تحمينا يارب من الفتنة
وتزول بيننا كل فروق ... وتدوم بيننا محبة وذوق
والزعلان يفرح ويروق ... والحيران يصحى ويفوق
ويارب تعلّي مكانتنا ... ونكون دايما دايما .. ؟ ...
*******
((( كلمة "كل" )))
كلمة حقيقي سريعة ف قولها ... كلنا دايما نستعملها
ينطقها استاذ لغة عربية ... وكمان بياع على عربية
كلمة لوحدها مالهاش معنى ... لكن في كلامنا بتنفعنا
كلمة تأكد كلمة بتقطع ... كلمة بتخلط كلمة بتجمع
واستعمالها بجد خطير ... لما تكون من غير تفكير
واحذر منها ذنب عظيم ... لما بتتقال للتعميم
ممكن تظلم بيها بريء... ممكن تخسر بيها صديق
وعندي نصيحة عشان الكل ... تبقى حياتهم زي الفل :
مهما عملت ومهما حاولت..
عمرك أبدا ما حترضي الكل
((( كلمة "هــل" )))
كلمة صغيرة من حرفين .... ما بتتقالش غير في سؤال
ما لهوش غير بس اجابتين ... بالايد أو بالعين تتقال
سؤال حقيقي مالهوش حل ... اجابته مافهاش أي جدال
وان كنت مستعجل عالحل ... تبص في السما تلقى هلال
حتلاقي فيه ما قل ودل ... والحل حيبان لك في الحال
*****
((( كلمة "قـــد " )))
كلمتنا بالفصحى بتفيد ... دايما تكون قبل الافعال
والماضي بعدها يبقى أكيد ... اما المضارع يبقى احتمال
كلمة وقدرها بالتأكيد ... أكبر من حجمها بكتير
وفي الكلام تأثيرها شديد ... على اللي يفهم في التقدير
كلمة وعمرها ما بتزيد ... عن حرفين اتنين ساكنين
واللي يدقق بيستفيد ... والدقة من طبع الناصحين
*******
((( كلمة "لن")))
كلمة قوية بلغة عربية ... بيقولها صاحب شخصية
متأكد مليون ف المية .... انها كلمة ما تتغيرش
كلمة صغيرة قد التكة .... لكنها بتغير سكة
سكة لقدام ما بترجعش
دورت في بحر الكلمات .. واخترت كلمة من الكلمات ...
مفيش أكيد بعدها كلمات
******
كلمة وفيها كتير أسرار .. وحيرت كل الأفكار ...
وتنطفي بيها الأنوار ... وتنتهي بيها النهايات
*******
كلمة وفيها معاني شديدة .. وهي حقيقة أكيدة أكيدة ...
نقف لها بكل احترامات .
*******
نصيب يصيب كل الاجساد ... وله ميعاد زي الميلاد ...
ولا يعرف للناس مقامات .
*******
تلات حروف بتجيب الخوف ... علشان بعدها مش معروف...
وقالوا عنها كتير حكايات .
*******
بتفكرنا بقطر معدي ... ماشي بسرعة ولا بيهدي ....
وبعده تلقى الدنيا سكات .
*******
بتفكرنا بفراشة طايرة ... بترسم خط و موجة ودايرة ...
وتروح وتتمسح الرسومات
*******
وسمكة رايحة وجاية ف ماية ... وبعد ثانية وقبل التانية
تصبح وجبة من الوجبات.
*******
كلمة حقيقي ما بعدها كلمة ... فيها الموعظة فيها الحكمة ...
وأحلى دعوة من الدعوات ... نقولها في كل الأوقات ...
ارحمنا يارب الرحمات
************
فوازيرنا كلمات تتقــــال .. بتـــغيــــر وتبدل حـــــال .
**********
كلمة تقولها بالعاميـــة .. في بلدنا الحلوة المصريـــة .
وكلمة بالفصحى العربيــة .. عن كل شيء وف أي مجــــال .
**********
كلمة تكون من جوا القلب .. تملا حياتنا حب ف حب .
وكلمة تانية انجدنا يا رب .. واحمينا من شر الأقوال .
*********
كلمة بتبني وكلمة تعمر .. كلمة تخلي العقل يفكر .
كلمـــة تدمــر .. كلمـة تأخــر .. كلمــــة ترجـــع ورا أميال .
**********
كلمة بتسأل كلمة ترد . كلمة هزار أو كلمة بجد .
وكلمة ترخي وكلمة تشد .. زي ما بتقــول الأمثــال .
**********
كلمة تفرح كلمة تشجع .. كلمة تربي كلمة تدلع .
واهي كلها كلمات تتقال .. فعلهـا أكتر م الأفـعال .
**********
فوازيرنا كلمات تتقـــال ... بتــغيـــر وتبدل حـال .
**********
((( كلمة "الله" )))
أجمل كلمة نطقها لسان .. باستغراب أو استحسان .
بتأكد معنى الإيمـان ... المخلــوق جــــوا الإنسان
**********
كلمة جمالها ف قولة آه .. لما تحرك في الوجدان .
و تحسها في نبض حياه .. وف خلق الكون و الأكوان .
***********
كلمتنا مش صوت يملا ودان .. ولا حبر على ورقة وألوان .
لكن دي معنى يهز كيان... و يصحـــي كل ضمير غفلان .
**********
كلمة بتكسب منها ثواب .. و تتحسب لك في الميزان .
وبتفتحلك أوســـع باب .. باب الرحمة والغفران .
**********
كلمة ف كل زمان ومكان ... بيرددها كل ما كان .
وحتى اصغر شيء ف جزيء . بيقول سبحان الرحمـــن .
**********
((( كلمة "لو")))
قالوا زمان الكلمة دوا ... وانا قلت ايوا حقيقي بجد .
دي كلمة قد همس الهوا .. بتبني يامــــا و يامـــا تهد .
**********
كلمة اللي يقولها الندمان ... اللي ايديه دايما عـالخد .
ويقولها كمان الكسلان .. علشان بس يضيـــع وقت .
**********
كلمة توسوس للإنسان .. لو كان بعدها كلمة كان .
و بتقتــل أمل العشمان .. لو تتقــال مرة في الوعــد .
***********
كلمة بتقطع كلمة بتمنع .. وترخي مرة ومرة تشد .
و الودن ياما و ياما بتسمع .. والكلمــة تطلع ولا تترد .
**********
كلمة ما تكتبهاش في العقد .. علشان شرطها أصعب شرط .
وهي يادوب حرفين اتنين .. وصـوتها يشبه صوت القــط .
**********
عرفتوا بقى ايه هي الكلمة ؟ .. أكيد عرفتوا أكيد بالظبط .
**********
((( كلمة "إيه" )))
كلمة خفيفة على الإنسان .. من كل جنس و كل مكان .
تلات حروف وكــأنها حرف . و ما تحتاجش لقولها لســان .
**********
كلمة يقولها كبير وصغيـــــر .. حتى ولو كان بيقول واء .
كلمة يقولهــــا اللي بيستفسر ... واللي بيسأل عــالأشياء .
**********
كلمة ف مصر بمعنى سؤال .. في الجهر والسر بيتقال .
سؤال يفيد الاستفسار .. وف كل لحظـــة أكيد عالبــال .
**********
كلمة زمان الإنسان قالها ... لما لقى الكون من حواليه .
حاجات بمعانيها و أشكـالها ... تشغل فكره قبل عنيــــه .
أكيد عرفتو الكلمة دي إيــــــه .
*********
((( كلمة "آسف" )))
كلمتنا
تمحي كتير آثار... كلمتنا ماية تطفي نار
بلسم
يداوي كل الجراح ... وترجع الأمل اللي راح
ولما
بيقولها الغلطان .... ضميرة بالتأكيد
يرتاح
ولما
يسمعها الغلبان .... حيلاقي هم كبير انزاح
كلمتنا
لو قالها الخايف ... غير لما بيقولها
الندمان
والناصح
اللي يكون عارف ... ان الكلام معنى واوزان
وان
كنت لسه مش عارف ... تحط عارف على الميزان
************
((( كلمة "ليــــــــه" )))ياما و ياما كتير أصوات ... تسكت حتى بكلمة هس .
إنما صوت العقل بينطــق ... طــول ما البني آدم بيحس .
**********
والعقل دايما دايما يسأل ... و ما يعرفش أبـــدا يأس .
يسأل يقول إيـــه الأسباب ... ما يقولش أبدا خلاص وبس .
**********
بالعقل نفهم إن العلم ... مش كلمات علشان تترص .
العلم تفكير العلم فهــم .. العلـم بحث بيولد بحث .
**********
والعقل من طبع الإنسان... وفطرة مخلوق بيها زمان .
عشان يقول إيه الأسباب .. ويعيش يفكر ما يقولش بس .
*********
واللي يدور عالأسباب ... يفضل بعقله دايما شباب .
هو اللي ينفع نفســـه بنفســــه ... هو اللي فاهم كل الدرس .
**********
أما اللي يحفظ مليون كتاب .. سنين حياته حتبقى سراب .
ونهايته حتكون يادوب تراب .. و ياريته كان اسطوانة قرص .
**********
واللي بيمشي على الروتين .. وعقله دايما ما بيسألش ...
ياريته كان آلــــة أو ترس ... أو حتى كان تمثال بالجبس .
*********
ومهما قلنا و مهما اتقال .. دا كله رايح إلى زوال .
حتى الكـــــلام حتى الأفعال .. والباقــي طبعا واحد بس .
**********
اللي احنا منه وليه واليه ... اللي اعتمادنا كله عليه.
هو اللي خلـــى العقل بيسأل ... و الودن تسمع .. والعين تبص .
**********
والكلمة طبعا أكيد سؤال ... بلهجة مصرية بتتقال
غنى لها موسيقار الاجيال ....اكيد عرفتوا الكلمة دي إيـــه .
وكل شيء بتدل عليه .**********
((( كلمة "آه" )))
كلمة خفيفة رقيقة ف قولها .. من حرفين اتنين يا جمــالها .
**********
لما يقولها اللي بيتألم .. قلب القاسي يحن أكيد .
لما يقولها اللي بيتندم .. حتقول إنها صوت تنهيد .
لما يقولهــا اللي بيتكلم .. تفهم منهــا رد مفيـــد .
**********
تسمع صوتها تشوف إشارتها .. نور أخضر بيمشي الحال .
حتى ولو تتقال بسكوتهـا .. فيها رضا وخجــل ودلال .
**********
لو تتقال للحق حتبقى ... صوت على صوت عالي وفعــال .
إنما لو تتقال للباطـــل .. أخطر من كـل الأفعـــال .
**********
كلمة خفيفة رقيقة ف قولها .. من حرفين اتنين يا جمالهــــا .
**********
((( كلمة "حب" )))
كلمة تقولها العين والقلب ... مفعولها أقوى من الطب .
لكن لو تتقال بالكذب .. تبقى حقيقي أكبر ذنب .
**********
كلمة صغيرة قد الدقة ... فيها كل معاني الرقة .
و ما تقدرش تقول لها " لأ " ... لما تكون من قلب لقلب .
**********
كلمة صغيرة من حرفين... بتقرب بين الاتنين .
وتخليهم أسرة و عيلة ..وتجمـــعهم دولة وشعب .
*********
كلمة تنبت زي الحبة ... لو تتربى ف أرض محبة .
تعلى وتعلى وتطرح حب .. يا رب بارك فيها يا رب .
**********
((( كلمة "لأ" )))
كلمة صغيرة بس تفيد .. مالهاش إلا معنى وحيد .
فيها إجابة ورأي سديد ... حتى ولو تتقال بالإيد .
**********
زي السيف بادين شجعان.. ويخاف منها كل جبان .
فيها الأبيض فيها الأسـود .. لكن ما فهــاش الألــوان .
**********
زي المشرط لما بيوجع . لكنه بيعالج وبينفع .
احسن ياما من البرشامــــة .. اللي تخدر واللي بتخدع .
**********
كلمة بتطلع طلقة مدفع .. ما تخليش للشك مجال .
لو تتقال للظالم يرجع ..... ويغير سكته في الحال .
**********
كلمة بتفصل بين طريقين ... و بنكتبها من حرفين .
و بتتقال بالعين والبق .. وصوتها عالي ... زي الحق .
**********
((( كلمة "معلش" )))
لكــــل شيء حــد ومقدار ..حتى الكلام حتى الأفكار .
**********
دي كلمة مثلا تطفي نار .... وتريح البال المحتار .
لكنهـــا بالاستمرار .. ألعن من السوس الحفـــار .
**********
تحفر .. تهد ... ف كل عمار .. تزرع بذور الاستهتار .
توقع الطير اللي طـــــــــــــار .. وتعلــــي من شأن الصرصـار .
*********
كلمة حقيقي كتير بتغش ... شكلها ماية وفعلها نار .
مرة بوش ومــــــــــــرة بوش .. و الإسم كلمـــــــــــــــة للإعتذار .
**********
كلمة تحطــــــــــــم كلمة تدمـــــــــــر .. و تخلينا منتقدمش .
نرجع نقــــــــــــول تاني ونكرر .. كلمة حقيقي كتير بتغش .
**********
((( كلمة "سلام" )))
لو الكلام كان له ألوان ... كلمتنا لون كل الألوان .
لو الكلام كان له أشكال .. كلمتنا غصــن من الأغصـان .
**********
وقالوا ياما و ياما كمان ... عن كلمة فيها الاطمئنان .
هي طريق الخير للكـل ... وطريـــــق النــــور والإيمان .
**********
قالوا الكلام الحلو يبان .. من البداية والعنوان .
حتى ولو من طرف لسان .. واجب علينــا والتزام .
**********
وقالوا عن مفتاح القلب .. نظرة وبسمة و كلمة حب .
وأحلى دعوة نقولها يا رب ... يكـــون كلامنا أحلــى كلام .
**********
و يا رب تبقى حياتنا أمان .. بالعزة مش بالاستسلام .
ويدوم مـــا بينا الاحترام .. و ختامنا يبقى أحلى ختـــام .
**********
((( كلمة "صبر" )))
كلمتنا أحلى كلام يتقال .. لما تضيق بينا الأحوال .
وتقيد لنا شموع الآمال ... وتنور الليل اللي طـــــال .
**********
كلمتنا معنى يهد جبال . ... وتحقق اللي ما كان عالبال .
صدق اللي قالوا في الأمثال ... جميل وأجمل من الجمــال .
*********
هي الثبات .. هي الإصرار .. تحمينا من كل الأخطار .
هي السحــاب قبل الأمطــار.. هي الهدوء قبل الإعصـار .
**********
كلمتنا قوة من الإيمان ... لازم تكون عند الإنسان .
وهي حصن وهي أمان . وهي حكمـــة ف كـل زمـــان .
**********
ثلاث حروف أولهم " ص " .. أكيد بيعرفها الصياد .
اللي قعد ساعات وساعات . عالشط بالبوصــة بيصطــــاد .
*********
ثلاث حروف وآخرهم " ر " .. زرعة بتتحدى الصحرا .
و شوية بس من المطـرة ... تجعلها طـول السنــة خضرا .
**********
فزورة سهلة على فكرة ... بـاي بــاي وحنشوفكم بكـــرة .
***********
((( كلمة "شكرا" )))
كلمة وفيها أحلى مكافأة .. تتقال شفوي أو على ورقة .
كلمة تريـــح كلمة تشــجــع ... كلمــة بتديك دفـــــعة و زقـــة .
**********
كلمة تخلي الإنسان يدي . من غير ما يقول ليه ولا لأ .
و ياما كلام بيروح ويعدي ... لكن الكلمـة دي هـــي الأبقى .
**********
كلمة بتتقال رد جميل .. وللمجاملة والتجميل .
كلمــة حقيقي بمعنى جمـــيل ... فيها الأدب و الذوق و الرقة .
***********
أربع حروف أولهم " ش " .. تنطقها بدون أي مشــــقة .
تكسب بيــها دنـيا وديــن .. تكسب بيها ثواب الصــــدقـــة .
**********
((( كلمة "فين" )))
قالوا زمان ان اللي بيسأل . يوصل حتى ولو بعد حين .
واللـــــــي مايسألش ويستكبر .. عمره مـا يتقدم متريـــن .
**********
يفضل دايما ورا متأخر .. والناس قدامه ملايين .
وبكلمة لو قالـها حيقدر ... يوصـل حتى لآخر الصين .
*********
كلمة بتتقال بالعامية ... وتشوفها ف آخر حرفين .
فزورة سهلة زي المايـــة ... مش حنقول زيــها بعدين بعدين .
*********
((( كلمة "هس" )))
تقدر تسكت مليون لسان ... وتسد كل الودان كمان .
لكنه صعب وأكبر صعب ... إنك تغير شيء في القلب
************
تقدر تسكت ألف وماية ( 1100 ) ... بكلمة واحدة بالعامية
لكن ياريت ما تقولهاش ليـّــه ... عشان دي كلمة شديدة قوية
************
تقدر تقوللي إسمع وبص ... بكلمة واحدة ويمكن نص
لكن لا تقدر تقوللي إفهم ... ولا حتى تقدر تقوللي حس
************
كلمة يادوب من حرفين بس ... وما فيش بعدها صوت ولا همس
كلمة أكيد لازم تعرفها ... لما حتوصل آخر الدرس
************
((( كلمة "تحت" )))
علشان تعلى وتعلى وتعلى ... إياك تفكر مرة تطاطي
دا اللي يطاطي عمره ما يعلى ... ويعيش دايما دايما واطي
وعشان تبقى حياتك أحلى ..اسمع يالا معايا الآتي
*******
كلمة خفيفة بسيطة وسهلة .. بنقول ونعيد فيها يوماتي
تلات حروف منهم حرفين ... عالطرفين زي الجناحين
*******
كلمة اجابة لكلمة فين .. بالفصحى وبالعاميات
كلمة بتفصل بين مكانين .. وتفرق بين المكانات
وتعرفنا الناس مقامات .... بينهم فرق المستويات
*******
واسمع مني نصيحة صريحة .. حتفهم منها حاجات وحاجات
لو قلت مرة إنك وصلت .. أو حسيت انك ارتحت .
اتأكد مليون في الماية ... انك عايش في الظلمات .
لا فهمت أبدا معنى الدنيا ... ولا حتى شفت ولا فتحت .
*******
((( كلمة "فوق" )))
ياللي غرورك خلى عنيك .... ما تشوفش الناس من حواليك
شايف نفسك انك عالي ... وانت ياعيني ياعيني عليك -
مابتعرفشي ان العالي ... عمره ما يفضل دايما عالي
زي ما يطلع ينزل تحت ... والتحت عمره ما يفضل تحت
دايرة ماحدش يهرب منها ... ما فهاش لابداية ولا نهاية
والعاقل يتعلم منها ... من غير حدوتة ولا حكاية
وعشان كدا قلنا كلمتنا ... صغيرة من ثلاث حروف
بتفكرنا بأعلى مكان ... ومصير بعده أكيد معروف
ومن هنا كانت دعوتنا ... تحمينا يارب من الفتنة
وتزول بيننا كل فروق ... وتدوم بيننا محبة وذوق
والزعلان يفرح ويروق ... والحيران يصحى ويفوق
ويارب تعلّي مكانتنا ... ونكون دايما دايما .. ؟ ...
*******
((( كلمة "كل" )))
كلمة حقيقي سريعة ف قولها ... كلنا دايما نستعملها
ينطقها استاذ لغة عربية ... وكمان بياع على عربية
كلمة لوحدها مالهاش معنى ... لكن في كلامنا بتنفعنا
كلمة تأكد كلمة بتقطع ... كلمة بتخلط كلمة بتجمع
واستعمالها بجد خطير ... لما تكون من غير تفكير
واحذر منها ذنب عظيم ... لما بتتقال للتعميم
ممكن تظلم بيها بريء... ممكن تخسر بيها صديق
وعندي نصيحة عشان الكل ... تبقى حياتهم زي الفل :
مهما عملت ومهما حاولت..
عمرك أبدا ما حترضي الكل
((( كلمة "هــل" )))
كلمة صغيرة من حرفين .... ما بتتقالش غير في سؤال
ما لهوش غير بس اجابتين ... بالايد أو بالعين تتقال
سؤال حقيقي مالهوش حل ... اجابته مافهاش أي جدال
وان كنت مستعجل عالحل ... تبص في السما تلقى هلال
حتلاقي فيه ما قل ودل ... والحل حيبان لك في الحال
*****
((( كلمة "قـــد " )))
كلمتنا بالفصحى بتفيد ... دايما تكون قبل الافعال
والماضي بعدها يبقى أكيد ... اما المضارع يبقى احتمال
كلمة وقدرها بالتأكيد ... أكبر من حجمها بكتير
وفي الكلام تأثيرها شديد ... على اللي يفهم في التقدير
كلمة وعمرها ما بتزيد ... عن حرفين اتنين ساكنين
واللي يدقق بيستفيد ... والدقة من طبع الناصحين
*******
((( كلمة "لن")))
كلمة قوية بلغة عربية ... بيقولها صاحب شخصية
متأكد مليون ف المية .... انها كلمة ما تتغيرش
كلمة صغيرة قد التكة .... لكنها بتغير سكة
سكة لقدام ما بترجعش
تتقال في الحلفان والوعد ... ومفيش بعدها ينفع رد
هي يدوب حرفين اتنين ... وف حقيقتها جبهة رفض
ولما ترفض ما بترحمش
هي يادوب حرفين اتنين .... عايزين لسان جامد ومتين
وبق مفتوح ما يتقفلش
وقالوا عنها ف نحو وصرف ... انها بين الكلمات حرف
حرف وله أكبر تأثير ... عالغير وهو ما يتغيرش
تتقال في كلام أوفي كتابة ... وقالوا عنها انها نصابة
مع انها كلمة صغيورة ... وكلها رقة وطيابة
دايما ولزما وراها فعل ... والفعل بعدها ما يتفعلش
كلمة تقرر كلمة تأكد ... ويقولها كل اللي بيعند
ونصيحة صريحة لأيامك ... ما تقولهاش ياما في كلامك
علشان بكرة ما يتضمنش
وخلي بابك دايما موارب لا تكون مسالم ولا محارب
وقبل ما تنطق كلمة لأ ... اتأكد انك على حق
وقبل ما تنطق كلمة آه... ما تندلقش وماتندفعش
وقبل مانقول كلمة سلام ... اتأكد من حرف اللام
هو اللي فيه ما قل ودل ... والحل من غيره ما ينفعش
***********
((( كلمة "كان ")))
كلمة وفيها فعل الزمان ... بالفصحى والعامية كمان
في النحو صيتها أكيد معروف ... ومكوناتها ثلاث حروف
معروفة دايما للطلاب ... في اختبارات الاعراب
وليها دايما شهرتها .... وتفتكرها مع اخواتها
وتفتكر نينا وحواديتها ... وكلمة تتقال في بدايتها
تخش عالجملة تغيرها ... بمبتدأها وخبرها
وقبل ما نسيبك حيران وتبقى كدا زي الغلبان
اسمع نصيحة ومعلومة ... حتخلي أصعب حل يبان
لو كنت حيران بتدور ... ماتروحش بعيد عن المكان
**********
((( كلمة "موت" )))ولما ترفض ما بترحمش
هي يادوب حرفين اتنين .... عايزين لسان جامد ومتين
وبق مفتوح ما يتقفلش
وقالوا عنها ف نحو وصرف ... انها بين الكلمات حرف
حرف وله أكبر تأثير ... عالغير وهو ما يتغيرش
تتقال في كلام أوفي كتابة ... وقالوا عنها انها نصابة
مع انها كلمة صغيورة ... وكلها رقة وطيابة
دايما ولزما وراها فعل ... والفعل بعدها ما يتفعلش
كلمة تقرر كلمة تأكد ... ويقولها كل اللي بيعند
ونصيحة صريحة لأيامك ... ما تقولهاش ياما في كلامك
علشان بكرة ما يتضمنش
وخلي بابك دايما موارب لا تكون مسالم ولا محارب
وقبل ما تنطق كلمة لأ ... اتأكد انك على حق
وقبل ما تنطق كلمة آه... ما تندلقش وماتندفعش
وقبل مانقول كلمة سلام ... اتأكد من حرف اللام
هو اللي فيه ما قل ودل ... والحل من غيره ما ينفعش
***********
((( كلمة "كان ")))
كلمة وفيها فعل الزمان ... بالفصحى والعامية كمان
في النحو صيتها أكيد معروف ... ومكوناتها ثلاث حروف
معروفة دايما للطلاب ... في اختبارات الاعراب
وليها دايما شهرتها .... وتفتكرها مع اخواتها
وتفتكر نينا وحواديتها ... وكلمة تتقال في بدايتها
تخش عالجملة تغيرها ... بمبتدأها وخبرها
وقبل ما نسيبك حيران وتبقى كدا زي الغلبان
اسمع نصيحة ومعلومة ... حتخلي أصعب حل يبان
لو كنت حيران بتدور ... ماتروحش بعيد عن المكان
**********
دورت في بحر الكلمات .. واخترت كلمة من الكلمات ...
مفيش أكيد بعدها كلمات
******
كلمة وفيها كتير أسرار .. وحيرت كل الأفكار ...
وتنطفي بيها الأنوار ... وتنتهي بيها النهايات
*******
كلمة وفيها معاني شديدة .. وهي حقيقة أكيدة أكيدة ...
نقف لها بكل احترامات .
*******
نصيب يصيب كل الاجساد ... وله ميعاد زي الميلاد ...
ولا يعرف للناس مقامات .
*******
تلات حروف بتجيب الخوف ... علشان بعدها مش معروف...
وقالوا عنها كتير حكايات .
*******
بتفكرنا بقطر معدي ... ماشي بسرعة ولا بيهدي ....
وبعده تلقى الدنيا سكات .
*******
بتفكرنا بفراشة طايرة ... بترسم خط و موجة ودايرة ...
وتروح وتتمسح الرسومات
*******
وسمكة رايحة وجاية ف ماية ... وبعد ثانية وقبل التانية
تصبح وجبة من الوجبات.
*******
كلمة حقيقي ما بعدها كلمة ... فيها الموعظة فيها الحكمة ...
وأحلى دعوة من الدعوات ... نقولها في كل الأوقات ...
ارحمنا يارب الرحمات
************
((( كلمة "كم" )))
ياللي
انت دايما شاغل بالك ... تحسب ياما كتير حاجات
وتشوف
كام وصلت اموالك ... وتراجع في المستندات
فتح
مخك , حرر عقلك ، واسمع شوية من الكلمات
ياما
حاجات مش في الحسبان ... مالهاش فواتيرولا ايصالات
حاجات
كتيرة لوقلتها لك ... حتراجع كل الحسابات
صحة
جسمك ، راحة بالك ... شوف كام تسوى من
الالوفات
والفرحة
بين أهلك وعيالك ... شوف كام تسوى من
الدولارات
ونصيحة
اخيرة حقولها لك ... تحطها في الاعتبارات
مش
كل شيء ممكن يتقدر ... بآلة حاسبة وبالارقام
والعاقل
يحسب ويفكر ... ويعيش دايما ف استفهام
واللي
بيسأل لازم يوصل ... ونقول لكو أهلا وسلام
*******
((( كلمة "أو" )))
كلمة
صغيرة من حرفين ... تسمعها تقول طرفة عين
مكانها
دايما بين اتنين ... بين اسمين أو بين فعلين
كلمتنا
اول ما تشوفها ... حتقول عليها مش كلمة
لكن
لما حتعرفها ... حتلاقي ليها 100 لزمة
كلمة
تساعد في الاختيار ... ونرتب بيها الافكار
نرجع
ونكرر م الأول ... كلمة صغيرة من حرفين
كلمة
ما بتجيش في الاول ... عشان دي كلمة بين اتنين
*************
((( كلمة "و" )))
اصغر
كلمة نطقها لساني ... بحرف واحد مالهوش تاني
تجمع
بين كل الكلمات ... أسماء وافعال ومعاني
والله
من غير مبالغات ... كلمة مفيش زيها تاني
واللي
حقيقي ما يعرفهاش ... ما اقدرش اعيد له من تاني
*************
((( كلمة " كيف " )))
نصيحة
صريحة جات عالبال ... نقولها للعقل الشغال
المال
من غير استعمال ... يبقى يادوب اوراق في شوال
وأي
شيء يصبح لا شيء ... بدون دليل الاستعمال
عشان
كدا لو عندك شيء ... تسأل وما تبطلش سؤال
ازاي
تخلي الشيء شغال ... يساوي أكتر م الاموال
وآخر
كلام ليكو حيتقال ... ازيكو وازاي الحال
*************
((( كلمة "أنا" )))
ياللي الغرور ماليك.... وكأن الدنيا ليك ... والغير مالهوش وجود
ياللي الغرور ماليك.... وكأن الدنيا ليك ... والغير مالهوش وجود
شوف
اللي كان قبليك... مابقاش حتى كلمة... في كون مالهوش حدود
ياللي
الغرور ماليك ... خايف كتير عليك ... من
كلمة بتكررها
وربنا
يهديك ... وربنا يحميك ... منها ومن
شرورها
واعرف
ان الكلام ... مفيش عليه ملام ... والمشكلة تبقى فيك
وكل
كلمة تقولها ... مهما حتستصغرها ... حتتحسب عليك
ياللي
الغرور ماليك ... ياريت انك تحس ...
ماتقولش انك بس ... العاقل الفهمان
وياما
ناس قالوها ... كتير واكدوها ... وراحوا
في الطوفان.
**************
((( كلمة "رمضان" )))
كلمتنا
اسم اكيد مشهور ... لضيف بييجي بعد شهور
والناس
تقابله بكل سرور ... بقلوب ملاها اجمل نور
يفتح
لنا باب الغفران ... ويحن ع الغني
والغلبان
ويصحي
كل ضميرغفلان ... يفكره بنور الايمان
صدق اللي
قالوا طبعه كريم ... وكرمه من عند الرحمن
ضيف لما
يمشي بنستناه ... ولا عمرنا ابدا ننساه
ولا ننسى
ابدا خيرشفناه ... من خالق الكون جل علاه
والحل
يبقى خلاص قلناه.
************
((( كلمة "ياريت" )))
تسالني
عن اسعد حياة ... اقول الصحة والامل
تسالني
عن سر النجاح ... اقول عمل من غير ملل
كلام
جميل زي العسل ياريته لما يتفعل
والقصد
اللي بنقصده ... كلام كتير بيردده
ناس
في البيوت بيقعدوا ... نايمين في بحر من العسل
لا
يقوموا ولا يتحركوا ... ولا عندهم ولا يملكوا ... غير الاماني والامل
صاحيين
ونايمين يشتكوا ... من حظهم ومن الفشل .
ولا
يعرفوا سبب الفشل ... امل كبيرمن غير عمل
ومهما
قلت واتمنيت .... ومهما رحت ومهما جيت
الحظ
ما يعمرش بيت ... مليان وغرقان في الكسل
وياريته
اللي بنقصده .. واللي كتير بنردده ...
ياريت يكون ليكم وصل
ياريت يكون ليكم وصل
************
((( كلمة " ضمير" )))
كلمتنا
أقوى من العضلات ... والدبابات والمدرعات
هي
اللي خلت الناس تعيش ... في أمن رغم الاختلافات
كلمة
ما تحتاجش القوانين ... ولا اللوايح والتعليمات
كلمتنا
تبقى صمام امان ... للنفس علشان ما تفتريش
هدية
من عند الرحمن ... بدونها يبقى الإنسان مفيش
كلمة
تراجع كلمة تحاسب ... ما بتحتاجش لأي
محاسب
كلمة
ما تحتاجش الفواتير ... مهما تكون كتر الأموال
كلمتنا
أقوى كتير وكتير ... فوق كل وصف وكل خيال
وليها
تأثير كبير خطير ... وتعدل الحال اللي مال
وتروح
على آخر الفوازير ... حتلاقي نص الحال اتقال
**************
************
((( كلمة "عيد" )))
تسألني عن اللي بيعجبني
... أقول كل شيء جيد وجديد
تسألني عن اللي بيطربني ...
أقول كل صوت يجعلني سعيد
تسألني عن اللي بيغضبني ... اقول الجاهل لما يكون عنيد
تسألني عن اللي يحاسبني ... أقول الضمير وحسابه شديد
تسالني عن أقوى الكلمات ... أقول كلمات زي الطلقات
توصل وتتحدى المسافات ... وتروح لأبعد من البعيد
كلمات فيها السهل المفيد
... ولا تحتاج منك تأكيد
كلمات فيها ما قل ودل
... ولا تزيد فيها ولا تعيد
وتسألني عن أسعد أيام ... أقول ياريت كل الأيام
الكل فيها يبقى سعيد ... وما يبقاش يوم بالتحديد
وكل عام وانتم في .....
******
((( كلمة "وطن" )))
كلمتنا مكان وله مكانة ... عند الانسان والانسانة
مش بس كلمة بتملى خانة... دي كلمة شايلة
أكبر أمانة
أمانة في قلوبنا متصانة...
كلمتنا مكان وله مكانة
*****
كلمتنا مكان عمره ما كان ... كلمة وبنقولها ف
عنوان
وان كنت حيران أو حيرانة ... أقف وغني النشيد
معانا .
وقول يارب تحقق منانا ... ونشوف علمنا ينور
سمانا
يجمع ما بينا ف أعلى مكانة... كلمتنا مكان وله مكانة
*********
**كلمات كثيرة اعتدنا على نطقها وكتابتها رغم عدم جدواها ، ولابد من اعادة التفكير في استعمالها فقد تكون مناسبة في عصور سابقة ولكنها الآن لا تناسب عصر السرعة الآلات
((( خير الكلام ما يختصر )))
كلمة باقولها بالمختصر ..... ياريتها توصل وتسيب أثر
خير الكلام ما قل ودل ..... خير الكلام ما يختصر
******
وليه تعيد وتزيد وتكرر ..... كلام قديم كله متكرر
دي الكلمة اللي مابتقدمش ..... اعرف أكيد انها بتأخر
***
وليه تطول في الجوابات ..... وتملى نصها بالسلامات
ونصها التاني تحيات ..... وتبقى زي البغبغانات .
***
وليه سيادتك وليه عظمتك ..... وليه تزود مقدمات .
دا الاحترام مش بالكلمات ..... الاحترام بين الكلمات .
***
وليه تألف مسلسلات ..... وتقول حكايتك في حكايات
ماتقولش إلا بس المفيد ..... عشان ما تخسرش الأوقات
***
والوقت طبعا هو الوحيد ..... مالهوش أكيد ابدا تعويض
وكفاية كدا مش حنقول أكتر ..... علشان كلامي يفيد ويأثر
**********************
** في الشهور الأولى بعد 25 يناير كانت هذه الكلمات :
((( يا تاريخ إكتب يا تاريخ سطّر)))
يا تاريخ إكتب يا تاريخ سطّر ..... عن تلاتين سنة فاتوا وأكتر
تلاتين سنة عابس ومكشر ..... يقول كلام يائس بيدمّر :
"أنا اعمل ايه والنسل بيكتر ..... والمشكلة بتكبر وبتكبر"
لا هوّ قادر يزق زقـّة ..... ولا سابها للّي يمكن يقدر
وخلـّى نفسه ملك ومالك ..... واللّي ينافسه هو اللي هالك
ولا حتى نائب ولا مشارك ..... والابن طبعاً بيستحضّر
واللّي يبارك هو اللي سالك ..... حسابه بالمليارات بيكتر
وبكره يبقى فوق الوزارة ..... وزير وعنده تاريخ منوّر
*************
يا تاريخ اكتب يا تاريخ سطّر ..... عن تلاتين سنة فاتوا وأكتر
عن اللي خلى شباب بلاده ..... كاره لنفسه وتاريخ ميلاده
تايه في بحر الهموم يدوّر ..... مش لاقي شمعة أمل تنوّر
مستني طفرة هي اللي تنتر ..... من غيرها ربك هو اللي يستر
يمكن يلاقي ف يوم لقيّة ..... أو أي واحدة تكون غنية
أو يستلف ويروح سفرية ..... شرعية أو بورق متزوّر
من غير كدا ما يخشش دنيا ..... ويبص على غيره ويتحسّر
ونهايته مستشفى نفسية ..... و دا جيل التلاتين سنة واكتر
*************
يا تاريخ إكتب يا تاريخ سطر..... عن ثلاثين سنة فاتوا وأكتر
عن اللي خلى انجازاته ..... هو ومراته كتاب مقرر
دا صاحب الضربة الجوية ..... وهيّ منقذة البشرية
واللي يفكّر انه يفكّر ..... طريقه طبعا مسدود مسنكر
تلاتين سنة من أزمة لأزمة ..... وكل شيء عَمّال يتأخر
وناس بتحسدنا على نيلنا ..... وبحرنا الأبيض والأحمر
وكفاية ثروتنا البشرية ..... مش لاقية العقل اللي يقدّر
واللي بيخنُق واللي يدمّر ..... الابن لمّا بيستحضّر
وصحبته تطبّل و تزمّر ..... علشان تلاتين سنة تتكرّر
وكان طبيعي يثور بركان ..... شباب بعقل نضيف متحرّر
صمّم وقرّر انه يغيّر ..... في طريق كان صعب ومتعثّر
وكل خطوة حتبقى كلمة ..... لكل جيل علشان يتنوّر
يا تاريخ إكتب يا تاريخ سطّر ..... عن ثلاثين سنة فاتوا وأكتر
***********
** ومع تعثر خطوات الثورة كانت هذه الكلمات :
((( السوس بينتظر )))
الكلمة بقوة اتقالت ..... من صفوة البشر .
والغمة خلاص اتشالت ..... لكن لسه الاثر .
السوس من كل جانب ..... بيحاول ينتشر .
سوس يطلب المطالب ..... في الوقت الغير مناسب .
وسوس تاني يعايب ..... على الأمن اللي غايب -
وسوس يؤيد وسوس يعارض ..... والكل يقصد نفس المقاصد:
السكة تبعد والشعلة تبرد ..... والوقت يهرب ويضيع هدر .
لكن شباب يناير ..... اللي ضحى وغامر -
حيدوس على المصاعب ..... ويتحدى الخطر .
والسوس حيروح زمانة ..... ويسكن الحفر .
شباب قادر يفكر ..... ويقدر يفتكر -
مين كان جنبه يسانده ..... و عايزه ينتصر .
مين كان ضده يعانده ..... و عايزه ينكسر .
مين كان وياه وضده ..... وبكل لون ظهر .
شباب عنده البصيرة ..... أقوى من البصر -
ويمتلك ذخيرة ..... العقل و الحذر -
من سوس ما يموتش أبدا ..... لكن بينتظر .
*****
* وعندما صعد كل من مرسي و شفيق في انتخابات الرئاسة2012 وبدأ الاعداد للاعادة فكانت هذه الكلمات تعبر عن موقف واضح ومحدد :
((( ما بين شفيق ومرسي )))
مع الإخوانِ حقاً أختلفْ ... وأما الشفيق فلا أعترفْ .
وأرفضهُ رفضَ عينٍ ترى ..... المسافات بين اختلافٍ وقرفْ .
فكيف لعقلٍ يصغى إليه ..... وكان عدواً لثورةِ الشرفْ .
وقد كان مقصدهُ وأدها ..... بقلب جمادٍ ولا يرتجفْ .
وكان الضلالُ له قدوةً ..... ولا يعرف خجلاً وللأسف -
فمازال يسعى كمثل الذئاب ..... لأجل خرافٍ أصابها الخرفْ .
**************
** وبعد ثورة 30 يونيو كانت الكلمات الآتية تعبيرا عن رأي واضح يتفق مع الآراء السابقة حيث كنت أعتبر نجاح مرسي السابق لم يكن ساحقا وأنه لم يحظى قبول غالبية الشعب وأن ثورة 30/6/2013 كانت معبرة عن الرفض له بعدما انقشع الخوف من صعود شفيق ، هذا الخوف الذي جعل الكثيرين - من قبل - يختارون مرسي على مضض .
((( عن ثورة 30 يونيو )))
كلمة اتقالت بالاحترام ..... طلقة وكانت يوم 30
طلقة وشالت شرع النظام ..... بشرع ثورة بالملايين
ثورة وزي الكتاب ما قال ..... حقيقة مابتحتاجش جدال
يفهمها عقل أكيد شغال ..... ينكرها جهل شديد وضلال
ثورة وحماها جيش أبطال ..... ما قبلش تعليق الأحوال
ووفى بالعهد اللي قال ..... الجيش دراع المواطنين
ثورة وكانت استفتاء ..... في مصرفي كل الانحاء
نتيجته باينة لكل عين ..... والعين مفيش بعدها براهين
ثورة يقدرها العاقلين ..... مؤيدين أومعارضين
واللي بينكرها التايهين ..... تايهين ولسه مستنيين
مستنيين الساعة ترجع ..... وتلف تاني من اليمين
مستنيين الأرض تولع ..... ويفضلوا هم الباقيين
ثورة وكشفت ياما حاجات ..... ماقدرش يداريها التايهين
التصريحات بالميكروفونات ..... شرعية ياإما انفجارات
والانفجارات سموها جهاد ..... والانتحاربقى استشهاد
ولخبطوا الدين بالارهاب ..... وحيروا فينا الأغراب
والثورة اللي اتولدت ثورة ..... قالوا عنها دي انقلاب
وكأن الناس عقلها غاب ... والملايين بقوا منقلبين
ودي حكاية ثورة 30 ... ثورة ما ينكرهاش عاقلين
*********
ومع اشتداد انزعاجي بكلمة انقلاب ، والانقلابيين ، وحكم العسكر ، وغير ذلك من الكلمات المتشنجة التي تعكس حالة من عدم التوازن أصابت المعارضين لشرعية 30 يونيو كانت هذه الكلمات:
((( وقفة العسكر )))
ياللي بتهتف ضد العسكر ، وكأن العسكر شياطين .
ياريت تتأنى وتفكر ، قبل ما تبقى من التايهين .
العسكر دول مواطنين ، متعلمين ومتربيين .
وعالشدايد متعودين ، ويعرفوا الأخلاق والدين .
هم اخواتك وقرايبك ، هم اصحابك وحبايبك .
هم من نسل جدودك ، يجمعكوا جين المصريين .
وبنفس دمك وبنفس طبعك متطبعين .
هم اخواتك وقرايبك ، هم اصحابك وحبايبك .
هم من نسل جدودك ، يجمعكوا جين المصريين .
وبنفس دمك وبنفس طبعك متطبعين .
ياللي بتهتف ضد العسكر ، ياريتك تفهم وتفكر ،
ان الثورة بدون العسكر ، ولا حتغير ولا حتأثر .
وعشان تعيش الناس في سلام ، ويكون ما بينهم الاحترام ،
لابد من وقفة من العسكر .
وكل شغلة من الاشغال ، بتمشي زي الكتاب ما قال ،
بالعقل والقوانين والعسكر.
حتى القوانين والأحكام ، كلها تبقى كلام في كلام ...
من غير وقفة تكون م العسكر .
واعرف ان الخطر الأخطر ، اللي حقيقي حقيقي يدمّر-
لما ف يوم ينهزم العسكر .
************
* كانت الكلمات السابقة هي خلاصة آراء وخواطر عرضتها بكلام منظوم ، ولكن توجد كلمات أخرى منثورة تعبر عن آراء خاصة عرضتها في مدونتي الالكترونية التي سميتها ( فنون علاء الدين ) التي اعتبرتها صاحبتي التي اتحدث اليها فلا تمل من أحاديثي المنظومة والمنثورة وأستثمر بها أوقات فراغي ، وحرصت أن تكون بواجهتها هذه الكلمات ...............
(((( مدونتي ))))
إذا ما قصدت الجديد الجديد ..... إذا ما أردت المفيد المفيد.
فهيا لتحصل على ما تريد ..... ولا تقنعُ إلا بالمزيد.
فنون جنون هي كلماتي ..... ومرآة عقلي ومفتاح ذاتي.
هي بصمتي بين البصمات ..... بها كل شيء فريد فريد.
خيال يهيم بماضٍ وآتي ..... وعلمٍُ يُبَصِّرني خطواتي .
هي طلقاتي و انطلاقاتي ..... إلى كل أفقٍ بعيدٍ بعيد..
هي شكوتي من فرط عنائي ..... من الغربةِ بين الزملاءِ .
بها دعوتي بها كل رجائي ..... أرى الوفاق بين العديد والعديد.
هي ثورتي من خلف هدوئي ..... وفي خلوتي هي خير لجوئي .
هي مهربي من ذنب السكوتِ ..... عن الحق وهو الذنب الأكيد .
هي لعبتي التي اخترتها ..... وأقضي بها كل وقت سعيد .
وشكرا لربي على نفعها ..... كنهر بماء الحياة يفيض .
هي سلوتي أوقات حياتي ..... هي ثروتي من بعد مماتي .
هي كل ما أتركُ من رصيد ..... وما غيره من رصيد يفيد .
هي قصتي وهي دنيتي ..... بها بسمتي وبها دمعتي .
بها قوتي وبها حجتي ..... أمام كل عادٍ عنيدٍ عنيد .
أضيف السطور أزيل السطور ..... وما ألق من صفحاتي النفور.
كأنها الصديق المطيع الصبور ..... وبيننا الرباط الشديدُ الشديد .
نثرتها بنثري نظمتها بنظمي ..... رسمتها برسمي هي من فضل ربي .
وما سواه ربي القادر الوحيد ..... يقدر الأقدارَ كما هو يريد .
فهيا لتحصل على ما تريد
**************
** ولكي أتأكد من عدم تكلفي في نظم الكلمات ؛ أجريت اختبار على
كلماتي بترجمتها الى اللغة الانجليزية فكانت الكلمات التالية :
((( My Blog )))
If you search for the newest ..
If you search for the newest ..
if
you want the best useful
So , you must to come and get what you want ..
So , you must to come and get what you want ..
Don't
convince without more.
Arts, Madness , it is my words ..
Arts, Madness , it is my words ..
and mental mirror and self-Key.
It's my fingerprint between many fingerprints ..
It's my fingerprint between many fingerprints ..
Where
everything is distinguished .
It's imagination , wandering in the past, and come
It's imagination , wandering in the past, and come
.. And science, which guide me to my steps.
It's my shot and breakthrough ..
It's my shot and breakthrough ..
to every far-distant horizon.
It's my complaint of frequent fatigue ..
It's my complaint of frequent fatigue ..
of alienation among colleagues.
My call , my please ..
My call , my please ..
to see harmony among many variations
It's revolutions behind my silence ..
It's revolutions behind my silence ..
When I'm alone, its my best shelter
It's escape from fault of silence for the right , which is real guilt
It 's my game which I choose..
It's escape from fault of silence for the right , which is real guilt
It 's my game which I choose..
to spend all happy time.
Thanks to my God for its benefits …
Thanks to my God for its benefits …
It 's
like a river. overflowing with good
It's contentment in my life times ..
It's contentment in my life times ..
It's my fortune after death .
It 's all wealth I'll leave it..
It 's all wealth I'll leave it..
and other wealth is unhelpful
It's my story , my life ...
It's my story , my life ...
my smile , my tear
My strength and my argument ...
My strength and my argument ...
in front of each enemy who is opinionated
I add lines , remove lines ..
I add lines , remove lines ..
and my pages don't get bored of mi
Like an obedient patient friend...
Like an obedient patient friend...
we have strong bond between us
I composed it as literature , poetry , I draw it ..
I composed it as literature , poetry , I draw it ..
it is the grace of my God.
What else is the only capable ..
What else is the only capable ..
he is my God , who does everything as he wants
So go ahead and get what you want
*****************
So go ahead and get what you want
*****************
** وختاما لهذا الكتيب اتقدم ببعض
الكلمات التي قدمتها للأطفال على سبيل التقدير للطفولة التي يجب الوقوف لها
احتراما واجلالا للخالق العظيم الذي أبدع كل الجمال والجلال في جميع مخلوقاته وأودع
بها أسرارا كلما اكتشفنا منها سرا تفاجئنا بأسرار جديدة .
** ومن هذه الأعمال مقدمة مقترحة لبرنامج
باسم حواديت نباتية مقترح لأن يقدم
المعلومات الزراعية عن طريق الطرائف .
((( حواديت نباتية )))
اسمعوا ياولاد يابناويت ..... ياكبار يا صغار يا كتاكيت
حواديت ولا كل الحواديت ..... طيط طيط طيط طيط
*********
حواديت كلها شخصيات ..... نباتات من كل العائلات
من بستان وجنينة وغيط ..... طيط طيط طيط طيط
**********
يا سلام لما الزرعة الحلوة..... تنطق بالكلمة وبالغنوة
وتقول للحلوين أنا جيت ..... طيط طيط طيط طيط
**********
جيت لكو بأخف الوجبات..... حواديت كلها معلومات
بنوصلها لحد البيت ..... طيط طيط طيط طيط
**********
وتعيشنا ف أحلى خيال ..... وتسمعنا حكم تتقال
ماتقولشي ابدا لخابيط ..... طيط طيط طيط طيط
**********
حواديت فيها كمان البسمة ..... حلوه خفيفة زي النسمة
من غير دوشة ولا تخبيط ..... طيط طيط طيط طيط
**********
اسمعوا ياولاد يابناويت ..... ياكبار يا صغار يا كتاكيت
حواديت ولا كل الحواديت ..... طيط طيط طيط طيط
**********
** و من خلال البرنامج المقترح ( حواديت نباتية ) الكلمات الآتية :
((( أحلى هدية )))
أحلى هدية شافتها عنيــــــــه ..... زرعة صغيـــرة جوا الشاليــة .
ورا يوم والاقيها بتكبــــــــر ..... وافرح بيها اكتر واكتـــــــــــر .
قلت يا رب اشوف لهــــــا زهرة ..... وبذور ازرع منـــــها واكتـّــر .
في كل يوم لازم اسقيـــــــــــــها ..... واقف معاها الصبــــح شويـة .
و اقول لها يا صباح الـــخضرة ..... واحس بيها ترد عليــــــــــــه .
و اسيبها و اروح على مدرستي ..... و اقول لها باي باي يا حبيبتي .
توحشني وارسمها ف كراستــي ..... واكتب عليها أحلى هديــــــــة .
أحلى هدية شافتها عنيـــــــــــــه ..... زرعة صغيــــرة جوا الشاليـة .
**********
((( حـــــــــــالو يا حـــــــــالو)))
حــالو يا حـالو ..... رمضان كريم يا حالو .
إدينا جنيه أو ربـع جنيه ..... ندعيلك بيه يا حـالو .
بندق أو لوز أو حبة جـوز..... أو صوبع موز يا حـالو .
ترمس أو فول عمرك حيطول ..... وتعيش على طول يا حالو .
حبة قراقيش أو لقمة عـيش ..... ما تقولش مفيش يا حالو .
هات فرخة بريش تكـــبر وتعيش ..... ما تزعلنيش يا حالو .
كحكــة صغيـرة حلــــوة مدورة ..... حتة سكرة يا حالو .
حالو يا حالو ..... رمضان كريم يا حالو .
**********
((( الساحر العجيب )))
بيقولوا عني ساحر ..... والسحر دا شيء عجيب
مع إني بس شاطر ..... وبحب شغلتي
وعندي شنطة فيها ..... كل شيء غريب
هي اللي طلعت بيها ..... من كل دنيتي
**********
شنطة وفيها كتير حاجات ..... مترتبة احسن ترتيب
دي علبة مثلا ، جواها علبة ..... جواها علبة جواها فيل
وعندي أجمل عروسه لعبة ..... أسحرها تتحول مناديل
**********
ودي كوتشينة مفنطها..... بنفخة واحدة أرتبها
وف ثانية اقدر أخفيها ..... ومن جيوبكم حنجيبها
**********
ودي بالونة جميلة تفرقع ..... شوفوا ايه من جواها بيطلع
أرنب صاحي وعينه بتلمع ..... بيمشي و بيجري ويتدلع
بس ياريت تصقيفة كبيرة ..... علشان انا لازم اتشجع
*********
ودي كمان أحلى عصاية ..... في كل حتة ويايا
بلمسة منها على البذرة ..... قوام حتتحول وردة
وبلمسة منها على البيضة ..... تفقس وتطلع لنا بطة
والبطة ترجع للبيضة ..... واحطها جوا الشنطة
**********
دي عصايتي أحلى عصاية ..... دايما تحقق لي منايا
أفرح كمان وارقص بيها ..... على الأغاني الشعبية
وأقول يا رب يخليها ..... دايما عصاية سحرية
*********
وفي النهاية يا أحباب ..... ماتبصوليش كدا باستغراب
السحر دا علم وتدريب ..... ولكل شيء أصل وأسباب
وكل شاطر في شغله ساحر ..... واللي يقول غير كدا كداب
اسمعوا ياولاد يابناويت ..... ياكبار يا صغار يا كتاكيت
حواديت ولا كل الحواديت ..... طيط طيط طيط طيط
*********
حواديت كلها شخصيات ..... نباتات من كل العائلات
من بستان وجنينة وغيط ..... طيط طيط طيط طيط
**********
يا سلام لما الزرعة الحلوة..... تنطق بالكلمة وبالغنوة
وتقول للحلوين أنا جيت ..... طيط طيط طيط طيط
**********
جيت لكو بأخف الوجبات..... حواديت كلها معلومات
بنوصلها لحد البيت ..... طيط طيط طيط طيط
**********
وتعيشنا ف أحلى خيال ..... وتسمعنا حكم تتقال
ماتقولشي ابدا لخابيط ..... طيط طيط طيط طيط
**********
حواديت فيها كمان البسمة ..... حلوه خفيفة زي النسمة
من غير دوشة ولا تخبيط ..... طيط طيط طيط طيط
**********
اسمعوا ياولاد يابناويت ..... ياكبار يا صغار يا كتاكيت
حواديت ولا كل الحواديت ..... طيط طيط طيط طيط
**********
** و من خلال البرنامج المقترح ( حواديت نباتية ) الكلمات الآتية :
((( أحلى هدية )))
أحلى هدية شافتها عنيــــــــه ..... زرعة صغيـــرة جوا الشاليــة .
ورا يوم والاقيها بتكبــــــــر ..... وافرح بيها اكتر واكتـــــــــــر .
قلت يا رب اشوف لهــــــا زهرة ..... وبذور ازرع منـــــها واكتـّــر .
في كل يوم لازم اسقيـــــــــــــها ..... واقف معاها الصبــــح شويـة .
و اقول لها يا صباح الـــخضرة ..... واحس بيها ترد عليــــــــــــه .
و اسيبها و اروح على مدرستي ..... و اقول لها باي باي يا حبيبتي .
توحشني وارسمها ف كراستــي ..... واكتب عليها أحلى هديــــــــة .
أحلى هدية شافتها عنيـــــــــــــه ..... زرعة صغيــــرة جوا الشاليـة .
**********
** ومن التراث الشعبي كلمات اردت أن اضيف اليها بما يتناسب مع المتغيرات الجديدة .
حــالو يا حـالو ..... رمضان كريم يا حالو .
إدينا جنيه أو ربـع جنيه ..... ندعيلك بيه يا حـالو .
بندق أو لوز أو حبة جـوز..... أو صوبع موز يا حـالو .
ترمس أو فول عمرك حيطول ..... وتعيش على طول يا حالو .
حبة قراقيش أو لقمة عـيش ..... ما تقولش مفيش يا حالو .
هات فرخة بريش تكـــبر وتعيش ..... ما تزعلنيش يا حالو .
كحكــة صغيـرة حلــــوة مدورة ..... حتة سكرة يا حالو .
حالو يا حالو ..... رمضان كريم يا حالو .
**********
** وفقرة مقترحة أيضا أتمنى تنفيذها برسوم متحركة واردت بها أن امزج الفكاهة بالدعوى الى الابداع والاتقان والابتكار في كل عمل .
بيقولوا عني ساحر ..... والسحر دا شيء عجيب
مع إني بس شاطر ..... وبحب شغلتي
وعندي شنطة فيها ..... كل شيء غريب
هي اللي طلعت بيها ..... من كل دنيتي
**********
شنطة وفيها كتير حاجات ..... مترتبة احسن ترتيب
دي علبة مثلا ، جواها علبة ..... جواها علبة جواها فيل
وعندي أجمل عروسه لعبة ..... أسحرها تتحول مناديل
**********
ودي كوتشينة مفنطها..... بنفخة واحدة أرتبها
وف ثانية اقدر أخفيها ..... ومن جيوبكم حنجيبها
**********
ودي بالونة جميلة تفرقع ..... شوفوا ايه من جواها بيطلع
أرنب صاحي وعينه بتلمع ..... بيمشي و بيجري ويتدلع
بس ياريت تصقيفة كبيرة ..... علشان انا لازم اتشجع
*********
ودي كمان أحلى عصاية ..... في كل حتة ويايا
بلمسة منها على البذرة ..... قوام حتتحول وردة
وبلمسة منها على البيضة ..... تفقس وتطلع لنا بطة
والبطة ترجع للبيضة ..... واحطها جوا الشنطة
**********
دي عصايتي أحلى عصاية ..... دايما تحقق لي منايا
أفرح كمان وارقص بيها ..... على الأغاني الشعبية
وأقول يا رب يخليها ..... دايما عصاية سحرية
*********
وفي النهاية يا أحباب ..... ماتبصوليش كدا باستغراب
السحر دا علم وتدريب ..... ولكل شيء أصل وأسباب
وكل شاطر في شغله ساحر ..... واللي يقول غير كدا كداب
**********
((((( حكاية زرافة )))))
كان فيه زرافة كبيرة كبيرة ... وليها رقبة طويلة طويلة.
شافت أرنب مرة بيلعب ... بصِّت لُه ياعيني بتكشيرة.
قالت له انت يابو ودنين ... ماشي كدا رايح على فين.
روح يالا اجري كعبلت رجلي..مش عايزة اشوفك هنا بعدين.
بص لها الأرنب واستغرب ... وقال لها بكلام مترتب :
وليه كدا كدا يا زرافة ... دانا حتى طيب ومؤدب.
وكلي رقة ولطافة ... ومش لئيم زي التعلب.
قالت له روح يالا واهرب ... لما بشوفك بتكهرب.
ياحاجة كدا ماشية برجلين ... مش عايزة أشوفك هنا بعدين.
وبرجليها تشوت الأرنب ... كأنها بتلعب في الملعب.
وف كل شوتة بتقول هييه ... والأرنب ياعيني عليه.
يتدحرج كدا زي الكورة ... ودماغه تبقى بين رجليه .
ودموعه طبعا تملا عنيه ... ويقول ياربي انا أعمل ايه؟
وقبل ما ينطق كلمة ايه ... لقى حاجة غريبة حواليه!!
هوا يصفّر تراب يعفـّر ... حاجات تطيِر وحاجات تتكسّر
زي المقشة ما يسيبش قشة ... يخلي كل الفروع جريد .
لا فيها خضرة ولا حتى بذرة ... ولا أي حاجة فيها تفيد .
وبعد ساعة وأكتر وأكتر ... تيجي الزرافة عشان تدوّر.
لا تلاقي عود اخضر ولا أصفر ... وتدُور حواليها وتتحيّر
تمشي الزرافة كتير وكتير ... ويعدي يوم واتنين تدوير.
لحد ما رجليها تعبتها ... ولا قدرت ترفع رقبتها.
وفجأة تلاقى الاستاذ أرنب ... رايح و جاي بيجري ويلعب.
فرحان مفرفش عَمَّال يقرمش ... في مرة جزرة ومرة بصلة.
تيجي الزرافة بكل لطافة ... وتقول يا حلو يا أرنب.
اديني حتة الله يخليك ... مش لاقية آكل ولا حتى أشرب.
بصِّلها الأرنب واستغرب ... وقال لها بكلام مترتب.
رغم اللي قولتيه وعملتيه ... حنجيبلك اللي حتطلبيه.
وجاب لها من تحت الأرض ... وجبة لذيذة ما كلهاش حد .
أكلتها وجسمها اشتد ... بقت زرافة جديدة بجد .
وقالت له شكرا يا أرنب ... يا بو قلب حنَيِّن ومؤدب .
مش علشان الأكل وبس ... لكن علشان أكبر درس .
إننا نبعد عن الغرور ... وما نقولش أبدا
نفسي وبس .
*********
((( حكايتي مع الزمان )))
" يرويها السمان "
- أنا السمان .. من عيلة الفزان .. وجدودي عاشوا زمان .. في الصين وفي اليابان .
- وتمر السنين .. آلاف وملايين .. ويزيد انتشارنا .. في كل مكان .
وتكتر شهرتي .. والسر ف هجرتي .. اللي حيرت الإنسان .
- إزاي أنا السمان .. نقدر على الطيران .. ونعدي البحار .. طاير ليل ونهار .. مع إن نظري ضعيف .. ووزني مش خفيف .. ما ليش ديل كمان .
- ورغم شباك الصيد .. والمليون شهيد .. أكمل رحلتي .. بمشيئة الرحمن .
- أصيف في الشمال .. واشتي في الجنوب .. وعمري أبدا أبدا .. ما اقول أنا تعبان .
- وزمان ويا ماحلى زمان .. ما كانش حد منا .. يقبل يعيش أسير..
في قفص صغيـــــّــــر .. أو حتى كبير .
- وتمر السنين .. آلاف وملايين .. وفي القرن العشرين .. عصر العلم والآلات .. ظهرت سلالتنا .. وغيرها كتير سلالات .
- قلنا ليه هجرتنا .. اللي غربتنا .. في كل البلدان .
- اشمعنى الدواجن .. ليها مساكن .. و عايشين في أمان .
- لا يشوفوا صقور .. ولا غربان .
- ونسينا طبيعتنا.. وإننا سمان .. ورضينا بالمزارع .. وأعلاف المصانع .
- ناكل كتير ونشرب .. من غير ما نطير ونتعب .. ونزيد في الأوزان
- ويزيد بيضنا .. لكن مراتتنا .. بطلت رقاد .
- و إيه بس يعوضنا عن فرحتنا .. بخلفة الأولاد .
- ويضيع عمرنا .. في أول شهرنا .. ويملا لحمنا.. أحلى الوجبات
- وشوية مننا.. يستنوا سنة.. ويعيشوا ف هنا ... أزواج مع زوجات .
- وبيضهم الجميل .. تاكل منه وتشيل .. وتقزقز منه كتير .. في كل الوجبات .
- وكمان ممكن يتملح .. زي المخللات .
- ونرجع تاني نقول .. إحنا السمان .. برضه مهما كان .. في حياتنا أحزان .. نرجع للإيمان .. وندعي ربنا .. يرحمنا كلنا .. إحنا والإنسان .
إمضاء
طائر السمان
((((( حكاية زرافة )))))
كان فيه زرافة كبيرة كبيرة ... وليها رقبة طويلة طويلة.
شافت أرنب مرة بيلعب ... بصِّت لُه ياعيني بتكشيرة.
قالت له انت يابو ودنين ... ماشي كدا رايح على فين.
روح يالا اجري كعبلت رجلي..مش عايزة اشوفك هنا بعدين.
بص لها الأرنب واستغرب ... وقال لها بكلام مترتب :
وليه كدا كدا يا زرافة ... دانا حتى طيب ومؤدب.
وكلي رقة ولطافة ... ومش لئيم زي التعلب.
قالت له روح يالا واهرب ... لما بشوفك بتكهرب.
ياحاجة كدا ماشية برجلين ... مش عايزة أشوفك هنا بعدين.
وبرجليها تشوت الأرنب ... كأنها بتلعب في الملعب.
وف كل شوتة بتقول هييه ... والأرنب ياعيني عليه.
يتدحرج كدا زي الكورة ... ودماغه تبقى بين رجليه .
ودموعه طبعا تملا عنيه ... ويقول ياربي انا أعمل ايه؟
وقبل ما ينطق كلمة ايه ... لقى حاجة غريبة حواليه!!
هوا يصفّر تراب يعفـّر ... حاجات تطيِر وحاجات تتكسّر
زي المقشة ما يسيبش قشة ... يخلي كل الفروع جريد .
لا فيها خضرة ولا حتى بذرة ... ولا أي حاجة فيها تفيد .
وبعد ساعة وأكتر وأكتر ... تيجي الزرافة عشان تدوّر.
لا تلاقي عود اخضر ولا أصفر ... وتدُور حواليها وتتحيّر
تمشي الزرافة كتير وكتير ... ويعدي يوم واتنين تدوير.
لحد ما رجليها تعبتها ... ولا قدرت ترفع رقبتها.
وفجأة تلاقى الاستاذ أرنب ... رايح و جاي بيجري ويلعب.
فرحان مفرفش عَمَّال يقرمش ... في مرة جزرة ومرة بصلة.
تيجي الزرافة بكل لطافة ... وتقول يا حلو يا أرنب.
اديني حتة الله يخليك ... مش لاقية آكل ولا حتى أشرب.
بصِّلها الأرنب واستغرب ... وقال لها بكلام مترتب.
رغم اللي قولتيه وعملتيه ... حنجيبلك اللي حتطلبيه.
وجاب لها من تحت الأرض ... وجبة لذيذة ما كلهاش حد .
أكلتها وجسمها اشتد ... بقت زرافة جديدة بجد .
وقالت له شكرا يا أرنب ... يا بو قلب حنَيِّن ومؤدب .
مش علشان الأكل وبس ... لكن علشان أكبر درس .
إننا نبعد عن الغرور ... وما نقولش أبدا
نفسي وبس .
*********
((( حكايتي مع الزمان )))
" يرويها السمان "
- أنا السمان .. من عيلة الفزان .. وجدودي عاشوا زمان .. في الصين وفي اليابان .
- وتمر السنين .. آلاف وملايين .. ويزيد انتشارنا .. في كل مكان .
وتكتر شهرتي .. والسر ف هجرتي .. اللي حيرت الإنسان .
- إزاي أنا السمان .. نقدر على الطيران .. ونعدي البحار .. طاير ليل ونهار .. مع إن نظري ضعيف .. ووزني مش خفيف .. ما ليش ديل كمان .
- ورغم شباك الصيد .. والمليون شهيد .. أكمل رحلتي .. بمشيئة الرحمن .
- أصيف في الشمال .. واشتي في الجنوب .. وعمري أبدا أبدا .. ما اقول أنا تعبان .
- وزمان ويا ماحلى زمان .. ما كانش حد منا .. يقبل يعيش أسير..
في قفص صغيـــــّــــر .. أو حتى كبير .
- وتمر السنين .. آلاف وملايين .. وفي القرن العشرين .. عصر العلم والآلات .. ظهرت سلالتنا .. وغيرها كتير سلالات .
- قلنا ليه هجرتنا .. اللي غربتنا .. في كل البلدان .
- اشمعنى الدواجن .. ليها مساكن .. و عايشين في أمان .
- لا يشوفوا صقور .. ولا غربان .
- ونسينا طبيعتنا.. وإننا سمان .. ورضينا بالمزارع .. وأعلاف المصانع .
- ناكل كتير ونشرب .. من غير ما نطير ونتعب .. ونزيد في الأوزان
- ويزيد بيضنا .. لكن مراتتنا .. بطلت رقاد .
- و إيه بس يعوضنا عن فرحتنا .. بخلفة الأولاد .
- ويضيع عمرنا .. في أول شهرنا .. ويملا لحمنا.. أحلى الوجبات
- وشوية مننا.. يستنوا سنة.. ويعيشوا ف هنا ... أزواج مع زوجات .
- وبيضهم الجميل .. تاكل منه وتشيل .. وتقزقز منه كتير .. في كل الوجبات .
- وكمان ممكن يتملح .. زي المخللات .
- ونرجع تاني نقول .. إحنا السمان .. برضه مهما كان .. في حياتنا أحزان .. نرجع للإيمان .. وندعي ربنا .. يرحمنا كلنا .. إحنا والإنسان .
إمضاء
طائر السمان
((( حكاية الفيل
المغرور)))
كان و ياما كان ... في الغابة مكان ... مليان بالأرانب .
عايشين في أمان ... لا بيعرفوا الأحزان ... ولا حتى المتاعب .
ياكلوا ويشربوا ... و يجروا ويلعبوا ...
على ارض جميلة خضرا ... وكأنها الملاعب .
وف لعبهم يتشاركوا... من غيرما يتعاركوا ... والمغلوب زي الغالب وف أكلهم يتقاسموا ... من غير ما يتخاصموا ...
كان و ياما كان ... في الغابة مكان ... مليان بالأرانب .
عايشين في أمان ... لا بيعرفوا الأحزان ... ولا حتى المتاعب .
ياكلوا ويشربوا ... و يجروا ويلعبوا ...
على ارض جميلة خضرا ... وكأنها الملاعب .
وف لعبهم يتشاركوا... من غيرما يتعاركوا ... والمغلوب زي الغالب وف أكلهم يتقاسموا ... من غير ما يتخاصموا ...
علشان أخوات و قرايب
.
ويباتوا في الجحور .. فى هنا وسرور ... زي كل الأرانب .
**********
ولكنها كالعادة ... ما بتدومش السعادة ... في غابة العجايب .
كان في الغابة فيل ... طبعا وزنه تقيل.. وف أول كل يوم ... لما يقوم م النوم ... يزعق و يتتاوب .
ويمشي فرحان يتمختر ... من غير أبدا ما يفكر ... انه تحته أرانب .
ويدوس على الجحور ... ويكشفها للنور ... و تبتدي المصايب .
أرانب متعوّرة ... وجحور متكسّرة ...
تحوم عليها صقور ... و ديابة كتير ... وتعالب .
وأرانب قاعدة تعيط ... وفيل فرحان بيزقطط ...
ويباتوا في الجحور .. فى هنا وسرور ... زي كل الأرانب .
**********
ولكنها كالعادة ... ما بتدومش السعادة ... في غابة العجايب .
كان في الغابة فيل ... طبعا وزنه تقيل.. وف أول كل يوم ... لما يقوم م النوم ... يزعق و يتتاوب .
ويمشي فرحان يتمختر ... من غير أبدا ما يفكر ... انه تحته أرانب .
ويدوس على الجحور ... ويكشفها للنور ... و تبتدي المصايب .
أرانب متعوّرة ... وجحور متكسّرة ...
تحوم عليها صقور ... و ديابة كتير ... وتعالب .
وأرانب قاعدة تعيط ... وفيل فرحان بيزقطط ...
ويغني بقى ويقول ... كلام كدا مش معقول :
" أنا الفيل أبو زلومة ... اكبر واحد في الغابة ... ماحدش يقدر يضربني ... ماحدش يقدر يغلبني " .
**********
- راح أرنب للفيل ... قال له : ليه يا فيل ... تعمل كدا فينا ... كسرت ليه بيوتنا ... ضيعت ليه ضحكتنا ... وخليت حياتنا حزينة ... مع اننا احباب ... وجيران ومش أغراب ... وأكلنا من الأعشاب ... كلنا مع بعضينا ... ياريتك بس يافيل ... ما تعديش فوقينا ... علشان وزنك تقيل ... وكمان رجليك تخينة ... ولما تدوس على حد ... بتلزقه ف الأرض ... وتخليه عجينة .
رد الفيل وقال : أنا فيل الأفيال ... ما سمعشي كلام عيال ... ابعدوا يالا في الحال ... وبقى يزعق ويقول ... كلامه اللي مش معقول :
" أنا الفيل أبو زلومة ... اكبر واحد في الغابة ... ماحدش يقدر يضربني ... ماحدش يقدر يغلبني " ..." روح اجري يالا يارنب .. مش عايز اشوفك تاني .. شكلك بينرفزني .. وصوتك وجعلي وداني" .
**********
رجع الأرنب زعلان ... واشتكى للحصان .
راح الحصان للفيل ... وقال للفيل سلام ... ما ردش السلام ...
قال له : إيه يا حصان ... عايز إيه كمان؟
قال له : يا فيل حرام ... تزعـّل الأرانب .
رد الفيل وقال : يا خيبة الآمال ... إزاي يا حصان يا كبير ...
" أنا الفيل أبو زلومة ... اكبر واحد في الغابة ... ماحدش يقدر يضربني ... ماحدش يقدر يغلبني " .
**********
- راح أرنب للفيل ... قال له : ليه يا فيل ... تعمل كدا فينا ... كسرت ليه بيوتنا ... ضيعت ليه ضحكتنا ... وخليت حياتنا حزينة ... مع اننا احباب ... وجيران ومش أغراب ... وأكلنا من الأعشاب ... كلنا مع بعضينا ... ياريتك بس يافيل ... ما تعديش فوقينا ... علشان وزنك تقيل ... وكمان رجليك تخينة ... ولما تدوس على حد ... بتلزقه ف الأرض ... وتخليه عجينة .
رد الفيل وقال : أنا فيل الأفيال ... ما سمعشي كلام عيال ... ابعدوا يالا في الحال ... وبقى يزعق ويقول ... كلامه اللي مش معقول :
" أنا الفيل أبو زلومة ... اكبر واحد في الغابة ... ماحدش يقدر يضربني ... ماحدش يقدر يغلبني " ..." روح اجري يالا يارنب .. مش عايز اشوفك تاني .. شكلك بينرفزني .. وصوتك وجعلي وداني" .
**********
رجع الأرنب زعلان ... واشتكى للحصان .
راح الحصان للفيل ... وقال للفيل سلام ... ما ردش السلام ...
قال له : إيه يا حصان ... عايز إيه كمان؟
قال له : يا فيل حرام ... تزعـّل الأرانب .
رد الفيل وقال : يا خيبة الآمال ... إزاي يا حصان يا كبير ...
تسمع كلام أرانب
...
دول حاجة زي الترابة ... ويمكن قد الهبابة ... ما يستاهلوش كلامنا ... ولا نشغل بيهم بالنا .
رد الحصان عالفيل ... وكان رده جميل ... قال له :
" إن الضمير ... هو اللي خلاني ... أسعى ف طريق الخير ... ومن غير الضمير ... يروح الصغير ... في بطن الكبير.. و ماتنساش يا فيل ... يا بو الفهم القليل ... إن كل كبير ... لازم يبقاله كبير " .
غضب الفيل المغرور ... و اتنطط زي التور ... وبقى يزعق ويقول ... كلامه اللى مش معقول :
" أنا الفيل أبو زلومة ... اكبر واحد في الغابة ... ما حدش يقدر يضربني ... ما حدش يقدر يغلبني " .
**********
رجع الحصان زعلان ... وحكى بالتفصيل ... كل كلامه مع الفيل ... وقال حل جديد :
" نبعت أسد شديد ... و أيديه زي الحديد ... ولما يشوفه الفيل ... حيخاف بالتأكيد " .
**********
راح الأسد الشديد ..اللي ايديه حديد ... وقال للفيل " سلام " ... ماردش السلام .
قال له : " يا بو الأنياب و المخالب ... ياللي دايما طول عمرك غالب ... جاي عشان أرانب ؟
دول حاجة زي الترابة ... ويمكن قد الهبابة ... مايستاهلوش كلامنا ... ولا انشغال بالنا " .
قال له : " لا يا فيل ... يا بو الفهم القليل ... دول مخلوقات زينا ... ياكلوا ويشربوا ... ويجروا ويلعبوا ... ولما بناكل منهم ... يبقى عشان بطننا ... لكن عشان نإذيهم ... مش حنلاقيهم ... و حيهربوا مننا " .
" وآخر كلامنا يا فيل ... يا أبو الفهم القليل ... نصيحة مننا : الغابة ليها نظام ... وعشان تعيش دايما في سلام ... لازم تسمع الكلام ... ولو زعلتنا .. حتزعل مننا " .
غضب الفيل وثار ... وعينيه بقت شرار ... وعاد نفس الكلام :
- " أنا الفيل أبو زلومة.. اكبر واحد في الغابة.. ما حدش يقدر يضربني ... ما حدش يقدر يغلبني " .
**********
رجع الأسد الشديد ... وقال الفيل دا عنيد ... ما قبلش النصيحة ...
دول حاجة زي الترابة ... ويمكن قد الهبابة ... ما يستاهلوش كلامنا ... ولا نشغل بيهم بالنا .
رد الحصان عالفيل ... وكان رده جميل ... قال له :
" إن الضمير ... هو اللي خلاني ... أسعى ف طريق الخير ... ومن غير الضمير ... يروح الصغير ... في بطن الكبير.. و ماتنساش يا فيل ... يا بو الفهم القليل ... إن كل كبير ... لازم يبقاله كبير " .
غضب الفيل المغرور ... و اتنطط زي التور ... وبقى يزعق ويقول ... كلامه اللى مش معقول :
" أنا الفيل أبو زلومة ... اكبر واحد في الغابة ... ما حدش يقدر يضربني ... ما حدش يقدر يغلبني " .
**********
رجع الحصان زعلان ... وحكى بالتفصيل ... كل كلامه مع الفيل ... وقال حل جديد :
" نبعت أسد شديد ... و أيديه زي الحديد ... ولما يشوفه الفيل ... حيخاف بالتأكيد " .
**********
راح الأسد الشديد ..اللي ايديه حديد ... وقال للفيل " سلام " ... ماردش السلام .
قال له : " يا بو الأنياب و المخالب ... ياللي دايما طول عمرك غالب ... جاي عشان أرانب ؟
دول حاجة زي الترابة ... ويمكن قد الهبابة ... مايستاهلوش كلامنا ... ولا انشغال بالنا " .
قال له : " لا يا فيل ... يا بو الفهم القليل ... دول مخلوقات زينا ... ياكلوا ويشربوا ... ويجروا ويلعبوا ... ولما بناكل منهم ... يبقى عشان بطننا ... لكن عشان نإذيهم ... مش حنلاقيهم ... و حيهربوا مننا " .
" وآخر كلامنا يا فيل ... يا أبو الفهم القليل ... نصيحة مننا : الغابة ليها نظام ... وعشان تعيش دايما في سلام ... لازم تسمع الكلام ... ولو زعلتنا .. حتزعل مننا " .
غضب الفيل وثار ... وعينيه بقت شرار ... وعاد نفس الكلام :
- " أنا الفيل أبو زلومة.. اكبر واحد في الغابة.. ما حدش يقدر يضربني ... ما حدش يقدر يغلبني " .
**********
رجع الأسد الشديد ... وقال الفيل دا عنيد ... ما قبلش النصيحة ...
و ما خافش من التهديد
.
وتمر الأيام ... و مفيش إلا الكلام ... وعناد الفيل بيزيد .
ويدوس على الجحور.. ويغني بكل غرور :
" أنا الفيل أبو زلومة ... اكبر واحد في الغابة ... ما حدش يقدر يضربني ... ما حدش يقدر يغلبني " .
**********
وف مرة أرنب ... صغير كان بيلعب ... وهو بيحفر حفرة ... قال : " أنا جاتلي فكرة ... نعمل كلنا حفرة ... بينا وبين الفيل ... ونغطيها ... بالقش وبالنجيل ... وان عدى الفيل عليها ... لازم يقع فيها ... ونرتاح بقى ... من هم الفيل " .
**********
عجبت الأرانب الفكرة ... و بدأوا ف تنفيذ الحفرة ... والحفر كان بالليل ... ساعة نوم الفيل ... وبدون دوشة.. وبدون كلام ... بقى كل شيء تمام تمام .
***********
والصبح قام الفيل ... وبفهمه القليل ... وقف قدام الحفرة ... و بص وقال :" يا سلام ...
الأرض حلوة وخضرا ... و طلع النجيل قوام ... " .
وقال كالعادة.. وبكل سعادة :
" أنا الفيل أبو زلومة ... اكبر واحد في الغابة ... ما حدش يقدر يضربني ... ما حدش يقدر .." ... و ما كملش الكلام .
وقع الفيل في الحفرة ... وكأنه حتة حجرة ... ورجله كمان انكسرت ... و دموعه ف عينه ظهرت ... وبأعلى صوت يعيط ... ويقول الحقوني يالا طلعوني .
**********
و بص لقى الأرانب ... حواليه من كل جانب ... فرحانة قوي بتزقطط .
قال لهم : " يا أرانب ارحموني ... ليه بس توقعوني ... لو بس تطلعوني ... اشيلكوا جوا عيوني " .
رد أرنب وقال : " ازاي نطلعك ... دا شيء محال ... دا انت أبو الأفيال ... و احنا يادوب عيال " .
و أرنب تاني قال : " احنا نسيبك كام يوم ... علشان تعيش محروم ... من الآكل والنوم : .
وغيره قال وعاد .. والفيل صياحه زاد ... يوصل لبلاد وبلاد .
**********
و بص الحصان عليه ... ما صدقش عينيه ... إزاي أكبر حيوان ...
وتمر الأيام ... و مفيش إلا الكلام ... وعناد الفيل بيزيد .
ويدوس على الجحور.. ويغني بكل غرور :
" أنا الفيل أبو زلومة ... اكبر واحد في الغابة ... ما حدش يقدر يضربني ... ما حدش يقدر يغلبني " .
**********
وف مرة أرنب ... صغير كان بيلعب ... وهو بيحفر حفرة ... قال : " أنا جاتلي فكرة ... نعمل كلنا حفرة ... بينا وبين الفيل ... ونغطيها ... بالقش وبالنجيل ... وان عدى الفيل عليها ... لازم يقع فيها ... ونرتاح بقى ... من هم الفيل " .
**********
عجبت الأرانب الفكرة ... و بدأوا ف تنفيذ الحفرة ... والحفر كان بالليل ... ساعة نوم الفيل ... وبدون دوشة.. وبدون كلام ... بقى كل شيء تمام تمام .
***********
والصبح قام الفيل ... وبفهمه القليل ... وقف قدام الحفرة ... و بص وقال :" يا سلام ...
الأرض حلوة وخضرا ... و طلع النجيل قوام ... " .
وقال كالعادة.. وبكل سعادة :
" أنا الفيل أبو زلومة ... اكبر واحد في الغابة ... ما حدش يقدر يضربني ... ما حدش يقدر .." ... و ما كملش الكلام .
وقع الفيل في الحفرة ... وكأنه حتة حجرة ... ورجله كمان انكسرت ... و دموعه ف عينه ظهرت ... وبأعلى صوت يعيط ... ويقول الحقوني يالا طلعوني .
**********
و بص لقى الأرانب ... حواليه من كل جانب ... فرحانة قوي بتزقطط .
قال لهم : " يا أرانب ارحموني ... ليه بس توقعوني ... لو بس تطلعوني ... اشيلكوا جوا عيوني " .
رد أرنب وقال : " ازاي نطلعك ... دا شيء محال ... دا انت أبو الأفيال ... و احنا يادوب عيال " .
و أرنب تاني قال : " احنا نسيبك كام يوم ... علشان تعيش محروم ... من الآكل والنوم : .
وغيره قال وعاد .. والفيل صياحه زاد ... يوصل لبلاد وبلاد .
**********
و بص الحصان عليه ... ما صدقش عينيه ... إزاي أكبر حيوان ...
يقع كدا و يتهان ... سمع الحصان الفيل ... بصوت ضعيف
ندمان : " طلعني يا حصان ... يا أبو الشجعان ... أنا صحيح غلطان الغرور عماني
... وقعني و أذاني ... لكن الألم صحاني ... ودا وعد مني ليكو ... مش حاعمل كدا
تاني " .
رد الحصان عالفيل : " انت يا فيل غلبان ... وصحيح صعبان عليـــه ... لكن واجب عليــه ... اسمع رأي الأرانب ".
**********
عدى الأسد كمان ... لما مشى الحصان ... سمع الفيل بيقول ...
رد الحصان عالفيل : " انت يا فيل غلبان ... وصحيح صعبان عليـــه ... لكن واجب عليــه ... اسمع رأي الأرانب ".
**********
عدى الأسد كمان ... لما مشى الحصان ... سمع الفيل بيقول ...
وكلامه بقى معقول
:
" الحقني يا ملك الغابة ... انا صحيح غلطان ... لخبطت نظام الغابة ... اللي بقاله زمان ... وهرّبت مني الأرانب ... وحتى كمان الفيران ... ودي غلطة كبيرة مني ... داالغرور عماني ... وقعني وأزاني ... لكن الألم صحاني ... ودا وعد مني ليكو ... مش حاعمل كدا تاني " . - رد الاسد كمان : " انت يا فيل غلبان ... وصحيح صعبان عليـه ... لكن واجب كبير عليه ... اسمع رأي الأرانب " .
**********
عمل الأسد اجتماع ... حضروه كل الأنواع ... والكل بالإجماع ... قال : " الفيل أكيد غلطان ... لكن فيه رحمه كمان " .
رد زعيم الأرانب : " الرحمة دي شيء واجب ... وربنا اسمه الرحمن ... لكن برضه واجب ... إننا الأرانب ... نعيش في أمان ...
" الحقني يا ملك الغابة ... انا صحيح غلطان ... لخبطت نظام الغابة ... اللي بقاله زمان ... وهرّبت مني الأرانب ... وحتى كمان الفيران ... ودي غلطة كبيرة مني ... داالغرور عماني ... وقعني وأزاني ... لكن الألم صحاني ... ودا وعد مني ليكو ... مش حاعمل كدا تاني " . - رد الاسد كمان : " انت يا فيل غلبان ... وصحيح صعبان عليـه ... لكن واجب كبير عليه ... اسمع رأي الأرانب " .
**********
عمل الأسد اجتماع ... حضروه كل الأنواع ... والكل بالإجماع ... قال : " الفيل أكيد غلطان ... لكن فيه رحمه كمان " .
رد زعيم الأرانب : " الرحمة دي شيء واجب ... وربنا اسمه الرحمن ... لكن برضه واجب ... إننا الأرانب ... نعيش في أمان ...
والفيل لو طلعناه ... وسيبناه على هواه ... ايه اللي
يضمن لنا ... انه ما يرجعشي تاني.. زي ماكان
" .
رد الأسد وقال : " طلــّعوا الفيل في الحال ... و حنسمع منه وعد ... انه مايإذيش حد ... وان رجع في وعده ... كلنا حنكون ضده " .
**********
راحت الأرانب ... للفيل تطلعه ... وربطوا رجليه ... اللي بتوجعه .. وجابوه للاجتماع ... عشان الكل يشوفه ... ويسمعه .
وبدأ الفيل الكلام ... وبصوت ضعيف و حزين ...
رد الأسد وقال : " طلــّعوا الفيل في الحال ... و حنسمع منه وعد ... انه مايإذيش حد ... وان رجع في وعده ... كلنا حنكون ضده " .
**********
راحت الأرانب ... للفيل تطلعه ... وربطوا رجليه ... اللي بتوجعه .. وجابوه للاجتماع ... عشان الكل يشوفه ... ويسمعه .
وبدأ الفيل الكلام ... وبصوت ضعيف و حزين ...
قال الفيل : " أنا آسف ... لكل الحاضرين ...
وكنت في الحفرة خايف. تسيبوني يوم و اتنين. بين
العقارب والتعابين
ولكن رغم ألمي ... وندمي الشديد ... أنا حاسس اني
سعيد ... وكأني اتولدت من جديد .. و اوعدكوا يا أرانب ... ويا غير الأرانب ...
نعيش على طول حبايب ... ودا وعد مني أكيد .
واشكركو كتير كتير.على الحفرة الكبيرة.اللي علمتني. حاجات كتيرة وان ايد على ايد ... أقوى من الحديد ...
واشكركو كتير كتير.على الحفرة الكبيرة.اللي علمتني. حاجات كتيرة وان ايد على ايد ... أقوى من الحديد ...
والعدد لما يزيد ... قوته تبقى خطيرة ...
وان كل كبير ... أكبر منه كبير ...
وان كل كبير ... أكبر منه كبير ...
وقوة ربنا ... هي القوة الكبيرة .
*********
*********
* حكاية ريشة طايرة *
بسم الله حنقول حكايتي ... أولها كانت بدايتي .
ريشة حلوة ظغيورة ... مرتاحة في جناح عصفورة .
عايشة في وسط اخواتي ... راضية بنظام حياتي .
لا بطير ولا حتى أجري ... ولا حتى أشغل فكري .
ازور أحلى الأماكن ... واشوف ورد الجناين .
ولو ترابة جتني ... أو حشرة يوم ضايقتني -
تنزاح في ثاية عني ... من غير جهد مني .
البركة في عصفورتي ... هي اللي منضفاني .
ومحلية صورتي ... ودايما مظبطاني .
عايشة وعيشتي هنية ... لكن ياعيني عليـّـه .
حركة جناح نطرتني ... وفي الهوا رمتني .
وبقيت في الجو طايرة ... رايحة وجاية حايرة .
مرة أغرق في طينة ... والطينة تنشف عليــّه .
واقعد كتير حزينة ... مش شايفة ايه حواليــّة .
الزق في شعر قطة ... لما تنط نطة -
أوصل لرجل بطة ... رايحة تعوم في ماية .
في الماية اشوف بعنية ... سمك كتير حوالية .
ما قدرش أعوم وأهرب ... ولا حتى احاول واجرب .
وفي يوم عضتني سمكة ... نجدتني منها شبكة .
شبكة وعيونها واسعة ... نفدت منها بسرعة .
بالصدفة الاقي موجة ... عالية وعاملة هوجة .
قوام تحدفني برا ... والاقي نفسي حرة .
واقعد ع الشط وانشف ... وبقيت أجمل وأنضف .
وتشوفني بنت حلوة ... ماشية بتغني غنوة .
وقفت مدت ايديها ... وقالت الله عليها .
ريشة خضرا جميلة ... من عصفورة أصيلة .
حطيتني في شنطتها ... واخدتني لحد بيتها .
حفظتني في برواز ... متغطي بالازاز .
وفضلت فيه محمية ... من التراب والماية .
لكني فضلت خايفة ... م الايام اللي جاية .
وف يوم حملة نضافة ... بالماية والنشافة .
وطلعت م البرواز ... من أحلى بيت ازاز .
بالصدفة مروحة دايرة ... حدفتني للشباك .
أخدتني نسمة طايرة ... وياها هنا وهناك .
مرة تنزلني تحت ... مرة تطلعني فوق .
ولا مرة فيها ارتحت ... ولا مرة فيها أفوق .
يادوب أسمع وشوف ... والقلب مليان خوف .
حدفني الهوا على بيت ... فيه ناس كتيرة وزحمة .
ودخلت فيه حسيت ... الدنيا مافهاش رحمة .
الناس استغربتني ... هشتني ولا سابتني .
والمكنسة شفطتني ... مع التراب حبستني .
و أسأل نفسي وافكر ... امتى اطير واتحرر .
وطلعت م المكنسة ... وكأني متجبسة .
والمطرة نضفتني ... والنسمة طيرتني .
تاني من بيت لبيت ... وتعبت واتهديت
ودخلت بيوت كتيرة ... صغيرة وكبيرة .
وشفت كتير و ياما ... واتعلمت ياما .
ان الدنيا حكاية ... مالهاش ابدا نهاية .
حكاية ريشة طايرة ... سكتها زي الدايرة .
*************
(( المؤلف في سطور )))
تقديم الشاعر / السيد الخشاب
ـــــــــــــــ
علاء الدين محمد عبد العليم
* من مواليد الإسكندرية في2دسمبر1957 ومقيم بها.
* حاصل على بكالوريوس زراعة عام1979، ودبلوم الدراسات العليا في التربية عام 1983 .
* تدرج في الوظائف بالتربية والتعليم من مدرس تربية زراعية حتى مدير المتابعة الفنية بادارة شرق التعليمية بمحافظة الاسكندرية .
* كما عمل في مجال تربية وتجارة طيور وأسماك الزينة .
* عضو باللجنة الثقافية بالنادي المصري السكندري .
* عضو في رابطة الزجالين وكتاب الأغاني .
* تم اعتماده مؤلفا للنصوص الغنائية في اتحاد الإذاعة والتليفزيون في 11/1/2005 بعد أن قدم العديد من النصوص الغنائية المتميزة .
* شارك في الأعمال الاجتماعية والفنية بتدريب الأطفال على الموسيقى والغناء في جمعية الهلال الأحمر، وجمعية الشبان المسيحيين ، وجمعية الكشافة البحرية ، والعديد من الحضانات الأهلية .
* شارك في إعداد وتقديم برنامج "العصافير كبرت" بتليفزيون الإسكندرية .
* نشرت له الكثيرمن الأعمال الأدبية في العديد من الصحف والمجلات .
* شارك في العديد من دواوين الشعر: تغريد ... زهور ... عطور .
* حصل على الكثيرمن شهادات التقديرفي ندوات ومهرجانات الشعر .
* صدرت له : فوازير نباتية ... حواديت نباتية ... الوقت من دهب...
أمثال و أقوال زراعية ... غرابيل ... ولأطفالنا الأحباء .... العم صابر .
*** تم بحمد الله ***
حقوق الطبع محفوظة للمؤلف
بدار الكتب والوثائق القومية
رقم الإيداع 2400 /2022
للمراسلة والاتصال
علاء الدين محمد عبد العليم
1ش محمد نجيب . سيدي بشر . الإسكندرية
16ش مصطفى محمد حافظ . محطة الرمل . الإسكندرية
ت 5567689 - 0122745210
alaa488@yahoo.com
**********
