** وعن " الفيديو كليب " والأغاني الصعيدية التي تقدم البنات الفاتنات من مختلف الدول والدويلات جاءت هذه الكلمات، وشر البلية ما يفجر الضحكات :
* فيديو كليب *
احترت يا ناس م الفيديوكليب والبنطلونات والميني ميني جيب
وحاجات تتهز بشكل عجيب ... ولا تعرف خشا ولا تعرف عيب
**********
الغنوة تقول يا جمال العين ... ولاشايف غير بطن ورجلين
والسرة ف نص التليفزيون ... ولا عارف ايه حايكون بعدين
**********
ودي غنوة حب تهز القلب ... تشوفها تقول انجدنا يارب
ماعرفش أنا كام صورة ورا بعض . تعدي كأنها برق ورعد
وابص شمال وابص يمين ... واكلم نفسي ولا المجانين
أنا ايه أنا ليه أنا فين أنا مين ... وأتاري الغنوة غنوة حب
**********
ودي غنوة كلامها عن الأحزان ... وفراق وبكا وهجر وحرمان
وبنات فاتنات من كل مكان ... ايشي بيضا وسمرا وبالألوان
والكل أكيد طبعا حران ... واتاري الغنوة عن الأحزان
**********
ودي غنوة جميلة وشعبية ... عملتلي لخبطة في كياني
شفتها حسيت إن عنيـــه ... مابقتش خلاص جنب وداني
الصوت أغنية صعيديــة ... والصورة لرقصة أسباني
طبخة اسماك بالملوخية... وعليها كريمة لباني
وأهي لخبطة متلخبطة لخابيط ... ماعرفش أنا ايه فاضل تانى
**********
احترت يا ناس م الفيديو كليب .... احترت يا ناس م الفيديو كليب
**********
يمكن الاستماع من هذا الرابط
ليست هناك تعليقات:
إرسال تعليق