* كلمة للزعلان *
كلمة بقولها للزعلان ... واللي بيشكي من الزمان:
اسمحلي أقولك غلطان ... واثبت لك كدا بالرهان .
**********
كان الناس أسياد وعبيد ... من قبل حقوق الإنسان .
والتقاليد مافهاش تجديد ... والتطوير كفر وعصيان .
**********
والأمراض تحصد ملايين ... وماحدش أبدا دريان .
ولا حد بيعرف تأمين ... ومعاش علشان الغلبان .
**********
وياما ناس ماتوا بأمراض ... ما كانش ليها قرص مضاد
وياما ناس قبل العدسات ... عاشوا السنين كلها عميان
**********
وياما اتعدموا علماء ... قالوا الحقيقة قبل الأوان
وياما قامت كتير حروب ... وياما ضاعت فيها شعوب
**********
وبلاد تحل محل بلاد ... بالغصب وبدون أي اعتراض
ويصبح التاريخ حواديت ... في كتاب كأنه لشهر زاد
**********
وياما ماتت كتير لغات ... وياما انقرضت حضارات
وياما اندفنت أسرار ... من قبل ما يكون فيه كتابات
**********
وبعد كدا لسه يازعلان وبعد ما سمعت البرهان
دلوقتي أحسن ولا زمان ؟؟؟؟؟؟!!!!
**********
ليست هناك تعليقات:
إرسال تعليق