* ليه الافتعال *
ليه بس الافتعال .. في الشعر وفي الازجال .
راح نضرب الأمثال .. واشهدوا عاللي بيتقال .
*********
واحد وخلاص إنهار .. ودموعه تسيل أنهار .
ودا كله عشان القافية .. كلها تبقى أنهار .
*********
واللي يألف كام بيت.. والبيت توأم للبيت .
تسمع وتقول ياريت .. كان قال بس أنا حبيت .
*********
(( حبك شال الأنانية .. خلى مكانها الحنية )) .
إزاي من شيلة وحطة.. أغنية تكون عاطفية .
**********
(( مابحبش حد الا انت .. ولا نفسي كمان ياحياتى )) .
حب دا ولا كراهية ... للناس ولكل الدنيا !!
*********
(( خد عين مني وطل عليــه ... وخد الاتنين واسأل فيــه ))
حسيت انها مش اغنية ... وكأنها مسألة حسابية
*************
ليه بس الافتعال .. في الشعر وفي الازجال
دي الكلمة الحلوة بتوصل ... يمكن قبل ما تتقال
**********
يمكن الاستماع من هذا الرابط
يمكن متابعة كتاب الحياة كلمات
يمكن متابعة كتاب الحياة كلمات
ليست هناك تعليقات:
إرسال تعليق