* عجائب التربية والتعليم *
احترت من كتر التفكير ... والعقل قرب خلاص يطير .
تعالو بالراحة شوية ... نخش لجنة ادارية ... لانتدابات الثانوية .
الناس كتير ... زحمة وطوابير ... وماقوللكش على الاهانات .
تعالو هنا ... لأ روحو هناك ... خليكو بكرة ميعادكو فات .
***********
أسمع بودني واشوف بعنيـــّة ... وأشك في قوايا العقلية .
ألاقي ناس واقفة ميات ... طوابير عايزين اعتذارات .
وقصادهم طوابير ألوفات ... طالبين يتمنوا انتدابات .
والمشكلة واضحة ومحلولة ... مش عايزة بس غير خد وهات .
مش عايزة كلمة ولا نص كلمة ... ولا أي زحمة ولا ارتباكات .
يادوب موظف يكتب ويقرا ... هو اللي يستلم الطلبات .
*********
أما العجيبة قصدي المصيبة ... الحال دا يتكرر سنوات .
إذلال ما فيش بعده درجات ... يا مصر يا أم الحضارات .
في وزارة لسه بتستورد ... في الكلمات والنظريات .
ولجان كبيرة وأعمال خطيرة ... وانجازات تملا الصفحات .
***********
يمكن الاستماع عن طريق هذا الرابط
تابعوا المزيد من العجائب
ليست هناك تعليقات:
إرسال تعليق