شعار حضانة الهلال الأحمر

لو سألوني مين بنحبه أكتر ... حنجاوب من غير ما نفكر 

حنقول طبعا ماما وبابا ... وحضانتي الهلال الأحمر 

فيها نعيش أحلى الأوقات ... ونغني ونقول حكايات 

حكايات بتعلمنا حاجات ... دلوقتي ولما حنكبر 

لو سألوني مين بنحبه أكتر ... حنجاوب من غير ما نفكر 

حنقول طبعا ماما وبابا ... وحضانتي الهلال الأحمر 

العودة الى صفحة المحتويات 

فين الدين فين الأخلاق

فين الدين فين الأخلاق 

فين الدين فين الأخلاق*** كلمات بس بقت تتكرر

على اللسان وعلى الأوراق*** واختلافات على شكل ومنظر

حجاب ولحية وقفطان قصيّر ***  ووش متضايق ومكشّر

وطاقية هندي و باكستاني ***  والشبشب صيني وياباني

وكتير فتاوي تقول بلاوي***  وكلام غريب وجديد بيحير

واللي يهاجم واللي يكفــــّر*** واللي يدافع واللي يبرّر

واللي يحرم واللي يحلل *** واللي بيمدح واللي بينصح

والوقت ضايع ف الحكايات ***وتقسيمات جماعات جماعات

واللي في يوم كان أشقى الخلق***  وما يستاهل غير الشنق

اصبح كأنه مولود مجاهد *** عايز يخلي الكون يتغير

وينسى انه أبو المفاسد *** ويصدق انه  طاهر مطهــّر

وناس بتقفل أكبر شارع*** عشان يقولوا عندنا جامع

والميكروفون بيسد ودان***  لا يراعي طالب ولا عيان

واللي ينصّب نفسه امام *** علشان دقنه هي الأكبر

وبقفطان أبيض  ومنور *** يخطب ساعتين فوق المنبر

ولا بيحس ولا بيتأثر ***  بناس كتير يمكن تتضرر.

فين الدين فين الأخلاق ***  كلمات بس بقت تتكرر.
*******

يمكن الاستماع عن طريق هذا الرابط 
العودة الى صفحة المحتويات