* ياللي جمالـِك مش على حد *
مريتي جنبي ، شغلتي قلبي .. لقيت جمالك مش على حد .
حاولت الاقي مِنـِــك نظرة .. من قرب أو حتى من بعد .
في مرة اشاغلك والتانية أحايلك .. مالقيتش مِنِك .. إلا الصـَد .
عجبني صدِك .. وشفت عِندِك .. أشواك تكمـّل .. غصن الورد .
حبيت كسوفـِك لمّا بشوفـِك .. والاقي خدِك أجمل خد .
شغـَلتي بالي غيرتي حالي .. حسيت بقلبي اليكي انشد .
سألت قلبي .. حقيقي حبي ؟ .. جاوبني قلبي .. حقيقي جد .
من غير ماافكر .. من غير ماادوّر .. من غير ما أسال
..عنـِك حد .
عرفت بيتك في يوم لقيتك .. مشيت وراكِ أمِد وامِد .
ولما قلبي قال حبيتِك .. لقيت سكوتِك أجمل رد .
من حسن ردِك من بعد صدِك .. قوام لقيت روحي بترُد .
دعيت ياربي من جوا قلبي .. انا وانتي نعيش لبعض .
ربي استجابلي والاقي حبي .. في كل يوم يقوَى ويشتد .
ياللي جمالك مش على حد .
ليست هناك تعليقات:
إرسال تعليق