خواف يخاف خواف

خواف يخاف خواف.. يخاف خواف يخاف خواف .
دا نظام يخلي الناس .. تعيش وتموت تحت اللحاف .
وان قاموا يبقوا حاجات.. مالهومش حتى خيال يتشاف .
وان قالوا ، كل كلمة .. قصادها لقمة ان شالله حاف .
وان جاعوا ياكلوا الطوب .. ويقولوا برضه عليه خشاف .
خايفين يقولوا ال ( بم ) .. بعدين يكونوا مش لطاف .
**********
خواف يخاف خواف .. يخاف خواف دا شيء خطير . 
استاذ يخاف مدير .. يخاف الريس الكبير .
لا حد منهم قال .. اخاف الله ولا الضمير .
دا اللي يخاف الناس .. يعيش محتاس مايشوفش خير .
واللي يخاف الله .. يكسب رضاه وينول كتير .
خواف يخاف خواف .. يخاف خواف دا شيء خطير .
**********

يمكن الاستماع ن طريق هذا الرابط